வரலாற்றுக் குற்றவாளிகள்

தமிழ்ச் சனங்களுக்கு உருப்படியாக எது கிடைத்தாலும் tolet cartoon1அதை அவர்களுடைய கைகளில் கிட்டாமல் தடுத்து விடுவார்கள் தமிழ்த்தேசியவாதிகள். இது இவர்களுடைய பிறவிக்குணம்.

சனங்களுக்கு ஏதாவது கிடைத்து, சந்தோசம் பெருகி விட்டால்... நாடு நல்லமாதிரி வந்து அமைதி கிட்டி விட்டால்... பிறகு இந்தச் சவப்பெட்டி அரசியலை எப்படிச் செய்வது? இந்தச் சனங்களை வைத்து எப்படிப் பிழைப்பது?

எனவேதான் எல்லாவற்றையும் தடுக்கிறார்கள்.



'வடமாகாணசபைக்கு ஒதுக்கப்பட்ட நிதியை எப்படிச் செலவு செய்வது? என்னென்ன திட்டங்களை மேற்கொள்வது? என்று என்று எதுவுமே தெரியாமல், இந்த ஆண்டின் நிதி திரும்பிச்செல்லும் வாய்ப்பு உள்ளது' என்று அச்சம் தெரிவிக்கின்றனர் மாகாணசபையின் உயர்நிலை அதிகாரிகள்.

பிரதேச சபைகளில் குத்து வெட்டுகளும் குழிபறிப்புகளும் நம்பிக்கையில்லாப் பிரேரணைகளும் தாராளமான ஊழல்களும்.

வல்வெட்டித்துறை நகரசபை, கரவெட்டிப் பிரதேச சபைகள் கடுமையான முறைகேடுகளில் ஈடுபட்டுக்கொண்டிருக்கின்றன என்று பிரதேச மக்கள் கவலைப்படுகிறார்கள். மயானங்களை நிர்மாணக்கிறோம் என்று சொல்லிக்கொண்டு ஊர் ஊராக – வீடு வீடாக, வர்த்தக நிலையங்கள் வாயிலாக எனப் பெருமளவு பணத்தைச் சேகரிக்கிறார்கள். இதற்கெல்லாம் என்ன கணக்கு? என்று கேட்கின்றனர் மக்கள்.

இதற்கெல்லாம் யாரும் பதில் சொல்வதில்லை.

கிளிநொச்சி நகரத்தில் 205 மில்லியன் ரூபாய் செலவில் நிர்மாணிக்கப்படவிருந்த நவீன சந்தை (Modern Market) திட்டத்தை நடக்கவிடாமல், அது அமையவிருந்த பகுதியில் தற்காலிகக் கடைகளைகளுக்கு அனுமதித்து அவற்றைத் தங்கள் உறவினர், நண்பர்கள், கட்சி ஆதரவாளர்களுக்குக் கொடுத்திருக்கிறது கரைச்சிப் பிரதேசசபை.

போதாக்குறைக்கு கிளிநொச்சி நகரில் அமைக்கப்பட்டிருந்த வீதி விளக்குகளை ஒளிரவிடாமல் பண்ணிப் பெரும்சாதனை செய்து கொண்டிருக்கிறது.

வவுனியா நகரசபையில் சபைஉறுப்பினர்களுக்கும் ஊழியர்களுக்கும் இடையில் நடக்கின்ற மோதல்களும் முறுகல்களும் இன்னும் தணியவில்லை. நிர்வாகத்தில் தலையிட்டு முறைகேடுகளுக்கு அனுமதிக்குமாறு உறுப்பினர்கள் கேட்பதைத் தாங்கள் அனுமதிக்க மறுப்பதே இந்த முறுகல்களுக்கும் முரண்பாடுகளுக்கும் காரணம் என்கின்றனர் நகரசபையின் உயர் மட்ட உத்தியோகத்தர்கள்.

இதுபோல ஆயிரம் சாதனைகளை தமிழ்த்தேசியக் கூட்டமைப்பின் நிர்வாகத்தின் கீழுள்ள பிரதேச சபைகளும் நகரசபைகளும் மாகாணசபையும் செய்து கொண்டிருக்கின்றன.

இதெல்லாத்துக்கும் சிகரம் வைத்தாற் போல, 26.000 மில்லியன் ரூபாய் செலவில் இரண்டு கட்டமாக மேற்கொள்ளப்படவிருந்த 'இரணைமடுக் குளப் புனரமைப்பு – யாழ்ப்பாணம் குடிநீர்த்திட்டம்' ஆகியவற்றுக்கு இப்பொழுது தமிழ்த்தேசியக் கூட்டமைப்புத் தடையாகவுள்ளது.

இந்தத் தடையைப் பெருமையோடு ஆரம்பித்து வைத்தவர் 'வாய்வெடி விண்ணன்' என்று சனங்கள் சொல்கிறவரும் - 'அண்ணனின் தம்பி' என்று தன்னை நினைத்துக் கொண்டிருக்கிறவருமான சிறிதரன். இதைத் தொடருகிறவர். இந்த 'மலத்தை' அப்படியே விழுங்கிக்கொண்டு 'நாய்வேசம் போட்டால் குலைக்கத்தானே வேணும்' என்று தானும் தடக்கி விழுந்து, மற்றவர்களையும் அந்தப் படுகுழிக்குள் தள்ள முனைகின்ற 'பார்த்தீனியம் புகழ்' 'அய்யா' ஐங்கரநேசன்.

இது ஒரு சுத்தமான முட்டாள் தனமான செயல் மட்டுமல்ல, இவர்களை நம்பிய மக்களுக்குச் செய்யும் பச்சைத் துரோகமுமாகும்.

மாகாணசபைக்கு ஒதுக்கப்பட்ட இந்த ஆண்டுக்கான நிதியையும் விடக் கூடுதலான நிதி இந்தத் திட்டத்துக்கு ஒதுக்கப்பட்டுள்ளது. இதையே திருப்பி அனுப்புவதற்குக் கச்சை கட்டிக்கொண்டு மல்லுக்கு நிற்கிறார்கள், இந்த விண்ணாதி விண்ணன்கள்.

இந்த 'மடப்பயல்களு'க்கு இந்தத் திட்டத்தைப் பற்றி விளங்காமல் இருக்கலாம். ஆனால், இந்த மண்ணிலே இருக்கின்ற படித்தவர்கள், அறிவாளிகள், சமூகத்தின் மீது அக்கறையுள்ளவர்களுக்குமா இதைப் பற்றித் தெரியாது, இதைப்பற்றி விளங்காது?

இந்தத் திட்டம் இரண்டு வகையில் - இரண்டு கட்டங்களாக அமைந்துள்ளது. ஒன்று, ஆசிய அபிவிருத்தி வங்கியின் கடனளிப்பின் மூலமாக இரணைமடுக்குளத்தின் நீர்க்கொள்ளளவை அதிகரிக்கும் வகையில் புனரமைப்புச் செய்வது. இதன் மூலம் முப்பது ஆண்டுகளாகப் புனரமைக்கப்படாமலிருக்கும் குளம் முழுமையான அளவில் புனரமைக்கப்படும். (வன்னியில் இரணைமடுக்குளத்தைத்தவிர, ஏனைய குளங்கள் அனைத்தும் புனரமைக்கப்பட்டுவிட்டன) அத்துடன் யாழ்ப்பாணம் - கிளிநொச்சி ஆகிய மாவட்டங்களுக்கான குடிநீர்;த்திட்டத்தை மேற்கொள்வது. இதற்காக 22000 மில்லியன் ஒதுக்கீடு.

மற்றது 'இபாட்' திட்டத்தின் குளத்தின் கீழ் உள்ள பாசனவாய்க்கால்களும் பாலங்களும் விவசாய வீதிகளும் முழுமையாக மறுசீரமைக்கப்படும். இதன் மூலம் கூடிய நீர் சேகரிக்கப்படுவதோடு, பாசனத்தின் போதான நீர் விரயமும் தடுக்கப்படும். இதற்கான ஒதுக்கீடு ஏறக்குறைய 4000 மில்லியன்.
வாய்க்கால்களில் விரயமாகும் நீரையும் இதுவரைகாலமும் சேமிக்கமுடியாமல் வான்பாய்ந்து கடலில் சேரும் நீரையும் பாதுகாத்து, அதிலிருந்து பெறப்படும் நீரிலிருந்து 12 வீதமான தண்ணீரே யாழ்ப்பாணம், கிளிநொச்சி மாவட்டங்களுக்கான குடிநீர்த்தேவைக்காக எடுக்கப்படவுள்ளது.

இதை விளங்கிக்கொள்ளாமல் ஐங்கரநேசன் புலம்பியிருக்கும் அரசியல் பசப்பை – முட்டாள்தனத்தை என்னவென்று சொல்வது?
தமிழ்த்தேசியவாதிகளின் வாழ்விலும் வரலாற்றிலும் இது ஒன்றும் புதிசோ, புதினமோ அல்ல.

இவர்கள் யாழ்ப்பாணப் பல்கலைக்கழகம் வரக்கூடாது என்று நல்லூர் வீரமாகாளி அம்மன் கோயிலில் உண்ணாவிரதமிருந்தவர்களின் வாரிசுகள் அல்லவா!

யாழ்ப்பாண நகரத்தை நவீனமாக நிர்மாணித்த துரையப்பாவைத் துரோகியாக் காட்டிக்குடுத்து கொன்றவர்களின் சந்ததியல்லவா!

தமிழ்ச் சனங்கள் பொருளாதார ரீதியில் முன்னேற வேணும், குடிமை முறையில் இருந்து மாற வேணும் என்று பாடுபட்ட - ஆனானப்பட்ட ஜீ.ஜீ.பொன்னம்பலத்துக்கே கறுப்புச் சாயம் பூசி, பொன்னம்பலத்தின் வாரிசான கஜேந்திரகுமாரையே தூக்கித் தூர வீசியவர்களல்லாவா....

பாவம் தமிழ் மக்கள். பரதாபத்துக்குரியது தமிழர்களின் வரலாறு..

 - வடபுலத்தான்

Share |