சிக் தலைவர் Gurpatwant Singh Pannunவை கொலை செய்ய திட்டமிட்ட சதி, இந்திய அரசின் ஒருபணியாளருடன் தொடர்புடையதாக வழக்கறிஞர்கள் குற்றம் சாட்டியுள்ளனர். எனினும், இந்த குற்றச்சாட்டை India அரசு மறுத்துள்ளது.
2023 ஆம் ஆண்டு, நியூயோர்க் நகரில் வசிக்கும் முக்கிய சிக் பிரிவினைவாத தலைவரை கொலை செய்ய கூலிப்படையினரை (hitman) நியமிக்கும் திட்டத்தில் ஈடுபட்டதாக 54 வயதான நிகில் குப்தா வெள்ளிக்கிழமை நீதிமன்றத்தில் குற்றத்தை ஒப்புக்கொண்டதாக கூட்டாட்சி வழக்கறிஞர்கள் தெரிவித்தனர்.
அமெரிக்கா மற்றும் கனடா ஆகிய இரு நாடுகளின் குடியுரிமை பெற்றுள்ள பன்னுனை கொலை செய்ய கூலிப்படையினரை தொடர்புகொள்ள முயன்றதாகக் கூறப்படும் குற்றச்சாட்டில் குப்தா குற்றத்தை ஒப்புக்கொண்டார்.
பன்னுன், நியூயோர்க் தலைமையிடமாகக் கொண்டுள்ள Sikhs for Justice என்ற அமைப்புடன் இணைந்துள்ளார். இந்த அமைப்பு, வட இந்திய மாநிலமான பஞ்சாபை இந்தியாவிலிருந்து பிரிக்க வேண்டும் என வலியுறுத்தி வருகிறது.
2023ஆம் ஆண்டு இந்தியாவில் இருந்தபோது, கொலைச் செயலை நிறைவேற்றுவார் என நம்பிய ஒருவருக்கு இணையம் வழியாக 15,000 அமெரிக்க டாலரை பரிமாறியதாக குப்தா நீதிமன்றத்தில் நீதிபதி Sarah Netburn முன்னிலையில் தெரிவித்தார்.
ஆனால், குப்தா தொடர்புகொண்ட அந்த நபர், உண்மையில் US Drug Enforcement Administration (DEA) அமைப்புடன் இணைந்து செயல்பட்ட ரகசிய தகவல் வழங்குநர் என பின்னர் தெரியவந்தது.
Federal Bureau of Investigation (FBI) உதவி இயக்குநர் Roman Rozhavsky கூறுகையில், “தன் கருத்துச் சுதந்திரத்தை பயன்படுத்தியதற்காக மட்டுமே பன்னுன் சர்வதேச அடக்குமுறையின் இலக்காக மாறினார்” என்றார்.
2023 ஜூன் மாதத்தில் Prague Airportவில் கைது செய்யப்பட்ட குப்தா, பின்னர் அமெரிக்காவுக்கு ஒப்படைக்கப்பட்டார். “கூலிப்படையினரை வைத்து கொலை செய்ய முயற்சி செய்தது, அதற்கான சதி மற்றும் பணமோசடி சதி” உள்ளிட்ட குற்றச்சாட்டுகளில் அவர் குற்றத்தை ஒப்புக்கொண்டதாக நியூயோர்க் தெற்கு மாவட்டத்திற்கான அமெரிக்க வழக்கறிஞர் அலுவலகம் அறிக்கையில் தெரிவித்துள்ளது.
கூட்டாட்சி தண்டனை வழிகாட்டுதல்களின் படி, குப்தாவுக்கு 20 முதல் 24 ஆண்டுகள் வரை சிறைத்தண்டனை விதிக்கப்படலாம். குற்ற ஒப்புதல் உடன்படிக்கையின் படி, குறைந்தபட்சம் 20 ஆண்டுகள் சிறையில் கழிக்க வேண்டியுள்ளது.
இவ்வழக்கில் அவருக்கான தண்டனை அறிவிப்பு மே 29ஆம் தேதி வழங்கப்பட உள்ளது.
அமெரிக்கா மற்றும் கனடா அதிகாரிகள், வெளிநாடுகளில் வசிக்கும் இந்திய எதிர்ப்பாளர்களை குறிவைக்கும் விரிவான பிரச்சாரத்தின் ஒரு பகுதியாகவே இந்த சதி திட்டம் அமைந்துள்ளதாக தெரிவித்துள்ளனர். இந்த குற்றச்சாட்டுகள் Washington, Ottawa மற்றும் New Delhi இடையிலான உறவுகளில் பதற்றத்தை ஏற்படுத்தியுள்ளன.
‘கலிஸ்தான் சிக் நாடு என் வாழ்நாள் பணி’
Federal Bureau of Investigation (FBI) அமைப்பின் நியூயோர்க் அலுவலகத் தலைவர் James C Barnacle Jr தெரிவித்ததாவது, குப்தா இந்திய அரசாங்கத்தின் ஒரு பணியாளருடன் இணைந்து செயல்பட்டதாகவும், அவர் கொலை ஏற்பாடுகளைச் செய்ய உத்தரவிட்டதாகவும் கூறினார்.
அரசு வழக்கறிஞர்கள் கூறுவதாவது, தற்போது தப்பிச் சென்று கொண்டிருக்கும் இந்திய உளவுத்துறை அதிகாரி Vikash Yadav இந்த சதி திட்டத்தை வழிநடத்தியதாகவும், 2023 மே மாதத்தில் கொலை செய்ய ஒப்பந்தக் கொலைகாரரை நியமிக்க குப்தாவை சேர்த்ததாகவும் குற்றம் சாட்டுகின்றனர்.
இந்திய அதிகாரிகள் இந்த குற்றச்சாட்டுகளை மறுத்துள்ளனர். இத்தகைய நடவடிக்கைகள் அரசின் கொள்கைக்கு எதிரானவை என அவர்கள் தெரிவித்துள்ளனர்.
இந்த வழக்கு, அமெரிக்கா மற்றும் கனடாவில் உள்ள சிக் செயற்பாட்டாளர்களின் கவனத்தை ஈர்த்துள்ளது.
வெள்ளிக்கிழமை நடைபெற்ற நீதிமன்ற விசாரணைக்கு பன்னூனை ஆதரிக்கும் சுமார் இருபது சிக் ஆதரவாளர்கள் பங்கேற்றனர். விசாரணைக்குப் பிறகு சிலர் வெற்றி கோஷங்களை எழுப்பியதுடன், நீதிமன்றம் வெளியே பிரார்த்தனை நிகழ்வும் நடத்தினர். அவர்கள் மஞ்சள் நிற “கலிஸ்தான்” கொடிகளை அசைத்தனர் — பஞ்சாப் மாநிலத்திற்கு பதிலாக ஒருநாள் அந்தப் பெயர் அமைய வேண்டும் என்பதே அவர்களின் விருப்பமாகும்.
புது டெல்லி அரசு “தீவிரவாதி” என அறிவித்துள்ள Gurpatwant Singh Pannun, விசாரணைக்கு பிறகு தொலைபேசி மூலம் அளித்த பேட்டியில், “ஒரு குண்டை எதிர்கொள்ள வேண்டிய நிலை வந்தாலும் நான் என் செயற்பாட்டைத் தொடர்வேன்” என தெரிவித்தார்.
“நான் ஒரு தீவிரவாதி அல்ல,” என்று அவர் The Associated Press செய்தி நிறுவனத்திடம் கூறினார்.
தன்னை ஒரு மனித உரிமை வழக்கறிஞராகக் குறிப்பிட்ட அவர், அனைத்து மதங்களுக்கும் சம உரிமைகள் வழங்கப்படும் இடமாக பஞ்சாபை மாற்றுவதற்காக பிரசாரம் செய்து வருவதாக தெரிவித்தார்.
குப்தாவை “ஒரு சாதாரண காலாட் படைவீரர்” என விவரித்த பன்னூன், இந்த சதி திட்டத்திற்கு இந்தியாவில் அனுமதி வழங்கியதாகக் கூறப்படும் நபர்களை எதிர்த்து அமெரிக்க அதிகாரிகள் நடவடிக்கை எடுக்க வேண்டும் என வலியுறுத்தினார்.
“இந்த நடவடிக்கைக்கான உத்தரவு, வழிகாட்டுதல் மற்றும் நிதி அனைத்தும் இந்திய அரசால் அங்கீகரிக்கப்பட்டவை. எனவே, இந்த செயல்பாட்டில் ஈடுபட்ட ஒரு காலாட் படைவீரரின் பின்னால் மறைந்து இந்திய அரசு தன்னை பாதுகாத்துக் கொள்ள முடியாது,” என அவர் குற்றம் சாட்டினார்.
“இந்தியாவின் குண்டை எதிர்கொள்ளத் தயார். ஒரு அடிமை போல வாழ்ந்து பின்வாங்குவதற்குப் பதிலாக, சிக் நாடான கலிஸ்தானின் சுதந்திரத்திற்காக பாடுபடுவது என் வாழ்நாள் இலக்கு. நான் கொல்லப்படும் வரை அல்லது பஞ்சாப் ஒரு சுயாட்சி நாடாக மாறும் வரை இந்தப் போராட்டம் தொடரும்,” என பன்னூன் தெரிவித்தார்.
கருத்துகள் இல்லை:
கருத்துரையிடுக