Sheila Szmerekova, 24
குர்ஆன் பிரதியொன்றின் மீது சிறுநீர் கழித்ததுடன், அதனை தீக்கிரையாக்கியவர் எனக் கூறப்படும் யுவதி ஒருவர் 6 வருட சிறைத்தண்டனையை எதிர்நோக்குகிறார்.
இவர் குர் ஆன் மீது சிறுநீர் கழித்து, பின்னர் அதை தீக்கிரையாக்கும் காட்சிகள் அடங்கிய வீடியோவொன்றை இணையத்தில் வெளியிட்டிருந்தார்.
இவ் வீடியோ பரபரப்பை ஏற்படுத்திய நிலையில், ஸ்லோவாக்கிய பொலிஸாரால் ஷீலா ஸ்மேரேகோவா அண்மையில் கைது செய்யப்பட்டுள்ளார்.
இந்த யுவதி குர்ஆன் என எழுதப்பட்ட நூலொன்றை மேற்படி வீடியோவில் காண்பித்ததாகவும் அது ஒரு குர்ஆன் என பல தடவைகள் கூறியதாகவும் பொலிஸ் பேச்சாளர் ஒருவர் தெரிவித்துள்ளார்.
வழக்கு விசாரணைகள் ஆரம்பமாகும் வரை இந்த யுவதி விளக்கமறியலில் தடுத்து வைக்கப்பட வேண்டும் என பன்ஸ்கா பைஸ்ட்ரிக்கா நகரிலுள்ள விசேட நீதிமன்றமொன்று உத்தரவிட்டது.
தேசத்துக்கும் இனத்துக்கும் அவதூறை ஏற்படுத்தயமை, தேசிய, இன ரீதியான வெறுப்புணர்வைத் தூண்டியமை உட்பட பல்வேறு குற்றச்சாட்டுகள் ஷீலா ஸ்மேரேகோவா மீது சுமத்தப்பட்டுள்ளன. இவருக்கு 6 வருட சிறைத் தண்டனை விதிக்கப்படலாம் எனக் கூறப்படுகிறது.
.jpg)
கருத்துகள் இல்லை:
கருத்துரையிடுக