தாய் பேசியதால் மாடியிலிருந்து குதித்து யுவதி தற்கொலை

வீட்டுவேலைகளை ஒழுங்காகச் செய்யவில்லை என தாய் பேசியதால் 18 வயது யுவதியொருவர் 10 மாடிக் கட்டடத்திலிருந்து குதித்து தற்கொலை செய்து கொண்ட சம்பவம் மலேசியாவிலுள்ள லார்கின் நகரில் இடம் பெற்றுள்ளது.

கஸ்தூரி யோகன் என்ற இந்த யுவதி, புதன்கிழமை பிற்பகல் செரன்டாயு பாரு மாடிக் குடியிருப்பிலிருந்து குதித்து தற்கொலை செய்துகொண்டுள்ளார்.

தனது மகளின் தற்கொலையால் அதிர்ச்சியடைந்து போயுள்ள கஸ்தூரியின் தந்தை யோகன் விபரிக்கையில், ““எனது மனைவிக்கும் மகளுக்குமிடையே வீட்டு வேலைகள் தொடர்பில் சச்சரவு ஏற்படுவது வழமை.

ஆனால், தனது மகள் இப்படியொரு விபரீத முடிவைத் தேடிக்கொள்வாள் என நான் சிறிதும் எதிர்பார்க்க வில்லை'' என்று கூறினார்.