இவ்விபத்துச் சம்பவம் அதனால் ஏற்பட்ட பாரிய இழப்புக்களும் இப்பிரதேச மக்களைப் பொறுத்தமட்டில் மீண்டுமோர் யுத்த அழிவை நினைவுபடுத்துவதாகவே அமைந்திருந்தது என்று கூறலாம். இவ்விபத்தின் போது அவ்வழியால் பயணித்தவர்கள் மற்றும் தமது தேவைகளின் பொருட்டு பொலிஸ் நிலையம் அருகில் உள்ள கமநல சேவை நிலையம் என்பவற்றுக்கு வருகை தந்திருந்தவர்கள் என பலதரப்பட்டவர்களும் பலியாகவும், காயமடையவும் நேரிட்டது குறிப்பிடத்தக்கதாகும்.
இந்த வெடிவிபத்துக்கான பிரதான காரணம் கவனயீனமே என்பதில் எவ்வித சந்தேகமும் இல்லை. மக்கள் மிகவும் செறிவாக உள்ள ஓர் பிரதேசத்தில் இவ்வாறு பெருமளவிலான வெடிமருந்துகளை எந்த வித பாதுகாப்புமின்றி வைத்ததன் விளைவாகவே இப்பாரிய அனர்த்தம் நிகழ்ந்துள்ளது. இந்த வெடிமருந்துகளை தமது தேவையின் பொருட்டு கொண்டு வந்திருந்த சீன நிறுவனமோ அன்றில் பொலிஸ் நிலையத்தில் வைப்பதற்கு அனுமதி அளித்தவர்களோ வெடிமருந்து எவ்வாறு பாதுகாப்பாக பேணவேண்டும் என்பது தொடர்பான எந்தவித கவனம் கொண்டிராத வர்களாக இருந்துள்ளதையே இது எடுத்துக் காட்டுவதாக உள்ளது.
ஏ4 வீதி அபிவிருத்தியின் பொருட்டு சீனாவைச் சேர்ந்த சைனா ஒபேக் என்ற நிறு வனத்தினால் கருங்கற்களை உடைப்பதற்காக சுமார் 2000 கிலோ கிராம் டைனமைட் வெடிபொருட்கள் அங்கு களஞ்சியப்படுத் தப்பட்டிருந்ததாகவும், இந்த வெடிபொருட் கள் வெடித்ததன் காரணமாக 35 அடி ஆழமும் 10 அடி விட்டமும் கொண்ட பாரிய குழி யொன்று ஏற்பட்டுள்ளதாகவும் தெரிவிக்கப்படுகிறது. அது மாத்திரமன்றி, பொலிஸ் நிலையம், அருகிலிருந்த கமநல சேவை நிலையம் உட்பட அனைத்து கட்டடங்க ளும் தரைமட்டமாகியிருப்பதிலிருந்து இது எந்தளவு தூரம் சக்திவாய்ந்தது என்பதை அவதானிக்க முடியும்.
இவ்வாறு சக்திவாய்ந்த வெடிபொருளை மக்களின் பாதுகாப்பு குறித்து எந்தவித அக்க றையுமின்றி களஞ்சியப்படுத்தியமை பலரது கண்டனத்துக்கும் ஆளாகியுள்ளது. யுத்தத் தால் பாதிக்கப்பட்ட பிரதேசமொன்றில் புனர் நிர்மாணப்பணிகள் எந்தளவு தூரம் பாதுகாப்பாகவும், கவனமாகவும் மேற்கொள்ளப்பட வேண்டுமென்ற எந்தவித அக்கறையுமின்றி குறித்த சீன நிறுவனம் சம்பந்தப்பட்ட அதிகாகளும் நடந்துகொண்டுள்ளதையே இது புலப்படுத்துவதாக அமைந்துள்ளது என்றும் பலரும் விசனம் தெரிவிக்கின்றனர்.
போர்ச் சூழல் முடிந்த நிலையில் இனியாவது நிம்மதியாக எவ்வித அச்சமின்றி வாழலாம் என்ற எதிர்பார்ப்புடன் இருந்த மக்களுக்கு இந்த சம்பவம் பேரதிர்ச்சியை ஏற்படுத்தியுள்ளது. எனவே அபிவிருத்திப் பணிகளின் பொருட்டு களஞ்சியப்படுத்தப்படும் வெடிமருந்துகளை கையாளும் விடயத்தில் மிகவும் எச்சரிக்கையாக இருப்பது அவசியமாகும். வெடிமருந்துகள் மாத்திரமன்றி இரசாயன வாயுக்கள், திரவங்கள் என எந்தவொரு பொருட்களை களஞ்சியப்படுத்தும் சமயத்தி லும், மக்கள் சனசந்தடியற்ற பிரதேசத்தை தெரிவுசெய்து அங்கு களஞ்சியப்படுத்துவது இன்றியமையாததாகும்.
அதேவேளை, இவ்வாறானதோர் பாரிய அனர்த்தம் நேரும் பட்சத்தில் எவ்வாறு பாதுகாப்பு நடவடிக்கைகளை மேற்கொள்வது என்பது குறித்து சம்பந்தப்பட்டவர்கள் அறிந்துவைத்திருக்க வேண்டும்.
இதேவேளை, சம்பவதினம் இடம்பெற்ற வெடிவிபத்துக் காரணமாக பாதிக்கப்பட்ட பெருமளவு மக்கள் பலர் ஏழை விவசாயிகள் என்பதோடு பொருளாதார ரீதியில் மிகவும் பாதிக்கப்பட்டவர்கள் என்பதும் குறிப்பிடத்தக்கதாகும். எனவே, அவர்களுக்கான உரிய நஷ்டஈடுகளை வழங்குவது மிகவும் இன்றியமையாததாகும். இந்த வெடிவிபத்து காரணமாக பொதுமக்கள் பலர் படுகாயமடைந்த நிலையில் மீண்டும் முன்னைய நிலைக்குத் திரும்பமுடியாதவர்களாக காணப்படுகின்றனர்.
எனவே அவர்கள் விடயத்தில் உரிய கவனம் செலுத்துவது அரசாங்கத்தினதும் சம்பந்தப்பட்ட நிறுவனத்தினதும் கடப்பாடாகும்.
மேலும், இவ்வாறான சம்பவம் நாட்டில் எந்தப் பகுதியிலும், இடம் பெறாதிருப்பதை உறுதிசெய்வது மிகவும் இன்றியமையாதது. அவதானம் விழிப்புணர்வும் இல்லாத காரணத்தினாலேயே இவ்வாறான சம்பவங்கள் ஏற்படுகின்றன என்பதை கவனத்தில் கொள்வது அவசியமாகும்.
யுத்தத்தால் ஏற்பட்டது போன்று பாரியதோர் இழப்பு அநாவசியமான கவனக்குறைவினாலும், பொறுப்பற்றத் தன்மையாலும் ஏற்பட்டுள்ளது என்பதை மனதில் கொண்டு வெடிமருந்துகள், இரசாயனப்பொருட்கள் என்பவற்றை களஞ்சியப்படுத்தும் போது அது தொடர்பான நிபுணர்களின் ஆலோசனைகளைப் பெற்று சரியான முறையில் களஞ்சியப்படுத்துவது அவசியம்.
.jpg)
கருத்துகள் இல்லை:
கருத்துரையிடுக