உலகின் வயதான நபர் மரணம்

உலகில் உயிர் வாழும் மிகவும் வயதான நபராக கடந்த நவம்பர் 4 ஆம் திகதி அங்கீகாரம் பெற்ற இயுனைஸ் சன்போர்ன் திங்கட்கிழமை அமெரிக்க டெக்ஸாஸ் மாநிலத்தில் உயிரிழந்துள்ளார். அவர் 1895 ஆம் ஆண்டு ஜூலை 20 ஆம் திகதி லூஸியனா மாநிலத்தில் பிறந்தார்.

அவரது பிறந்த ஆண்டு அமெரிக்க குடிசன மதிப்பீட்டு பணிமனையின் பட்டியலில் 1896 என தவறாக குறிப்பிடப்பட்டுள்ளதாக தெரிவிக்கப்படுகிறது.

மூன்று தடவைகள் திருமணம் செய்த இயுனைஸ் சன்போர்னின் ஒரேயொரு மகன் 2006 ஆம் ஆண்டில் தனது 90 ஆவது வயதில் மரணமானார்.

கடந்த வருடம் நவம்பரில் பிரான்ஸைச் சேர்ந்த இயுஜினி பிளான்சார்ட் தனது 116 வயதில் இறந்ததையடுத்து, உலகின் வயதானவராக இயுனைஸ் சன்போர்ன் பெயர் குறிப்பிடப்பட்டார்.

இயுனைஸ் சன் போர்னின் மரணத் தையடுத்து பிறிதொரு அமெரிக்கரான பாஸி கூப்பர் உலகின் மிகவும் வயதானவராக இடம்பிடித்துள்ளார். அவரது வயது 114 வருடங்கள், 5 மாதங்கள் ஆகும்.