தமிழீழ கூத்தாடி அமைச்சர்களே -நப்பாசைகளை விட்டு வேலையை பாருங்கள் -TGTEதுணை பிரதமர் நெத்தியடி !

தமது பொன்னான வாக்குக்களை எனக்குப் போட்டு எனைத் தேர்ந்தெடுத்த என் உயிரிலும் மேலான உறவுகளுக்கும், எனது கட்டுரைகளைத் தவறாமல் படித்து தேவையான வேளைகளில் எம் தேவைகளைப் பூர்த்தி செய்ய உதவிய உங்களுக்கும் எனது நிலையை, நாடு கடந்த தமிழீழ அரசின் இன்றையநிலமையை எடுத்துரைக்க வேண்டியது பொறுப்பான பல பதவிகளை வகித்த எனது கடமையல்லவா.

புதிய மந்திரிசபையை அறிவிப்பதற்கு ஒரு மாதத்துக்குமுன் பிரதமர் உருத்திரா என்னுடன் தொலைபேசியில் தொடர்புகொண்டபோது, உங்களுக்கு ஓர் நல்ல பதவி தருகிறேன் உங்களால் உங்கள் உதவிப் பிரதமர் பதவியை விட்டுத்தர முடியுமா? என்றார்.

அவரின் குரலில் ஓர் பதட்டமும், அவசரமும்கலந்து இருந்ததை உணர்ந்து அவரை மேலும் சோதிக் விரும்பாமல் “இது எம் இனத்துக்கு நன்மை தருமென்றால் உதவிப் பிரதமர் பதவியை மட்டுமல்ல என்னுடைய மற்ற நான்கு அமைச்சுகளையும் விட்டுத் தருகிறேன்” என்றேன்.

நாடு கடந்த தமிழீழ அரசில் உள்ள சில பிரதிநிதிகளின் பேராசையால், சுயநலம்கொண்ட பதவி மோகத்தால் ஏற்ப்படும் ஒற்றுமையின்மையை நன்கு உணர்ந்தவன் என்றபடியால் அவரிடம் கூறினேன் “உருத்திரா, எதிரிகளிடம் நான் ஒருபோதும் தோற்றவனில்லை என் அறிவினால்
அவர்களை வென்றிருக்கிறேன், ஆனால் நண்பரிடம் தோர்ற்றிருக்கிறேன், பாசத்தால்” என்று.

கடைசி ஒரு அமைச்சையாவது நீங்கள் எடுக்க வேண்டும் என்ற பிரதமரின் வேண்டுகோளை மறுக்க முடியாது சம்மதித்த நான் அடுத்த நாள் அதையும் கொடுங்கள் எனக் கூறிவிட்டேன். இதுதான் நடந்தது.

தகுதி இல்லாதவர்கள் பதவிக்காகப் போராடுவதும், தமது தகுதிக்கு மேலான பதவிக்குப் போட்டியிடுவதும், கிடைக்காவிடில் குழப்பங்களை உண்டுபண்ணி நிர்வாகச் சீர்கேட்டை உருவாக்குவதுமே சில கனடாப் பிரதிநிதிகளின் நாளாந்த செயல்.

இதை நன்குணர்ந்த வாரன் வைத்திலிங்கம் கனடாப் பிரநிதிகளுக்கான கூட்டத்தில்,.”‘பொன் பாலா, சாம் சஙகரசிவம்! உங்கள் பேராசைகளை விட்டு மக்களுக்காக உழையுங்கள்’ என்று பொறுமை இழந்து கூறினார். பலரின் பாராட்டைப் பெற்ற வாரனின் தெய்வ வாக்கை இவர்கள்
கேட்டுநடந்திருந்தால் இன்று எமது நிலை வேறு.

மாறாக, சபாநாயகர் தனது தலைமையில் ஆறு ரொறனரோ பிரதிகளுடன் உத்தியோக பூர்வமற்ற ஓர் குழுவை அமைத்தார். பொய்யை மெய்யக்கி, மெய்யைப் பொய்யாக்கும் இக்குழுவின் நாடகங்கள் எத்தனையோ, சிலவற்றை கீழே தருகிறேன்.

கடந்த மனித உரிமைக்கான கூட்டத்திற்கு சென்ற பல்லாயிரம் தமிழர்களில் ஒருவரான பொன் பாலராஜன் கனடா திரும்பியதும் தான் ஜெனிவாவில் எமது நிபுணர்கள் என்ன செய்யவேண்டும் என வரைந்து கொடுத்துவிட்டு வந்திருக்கிறேன் என்று ஊடகங்களில் தம்பட்டம் அடித்ததும், உதியோகபூர்வமாகச் சென்றோர் பட்டியலில் இவர் பெயர் இல்லாததை வினவியபோது, தானும் உத்தியோக பூர்வமாக அனுப்பினோரில் ஒருவரென கூறும்படி தலமையை மன்றாடியதும், பொய்கூறத் தலமை மறுத்ததும் எதனைக் காட்டுகிறது?

ஜெனிவாவில் தமது பணியைத் திருப்திகரமாக முடித்துவிட்டுத் திரும்பிய மந்திரிமாருக்கும், நிபுணர்களுக்குமான ரொறன்ரோ கூட்டத்த்தில் சிவபூசையில் கரடி புகுந்தது மாதிரி பொன் பாலா நுளைந்தார் இரண்டு மணித்தியால நிகழ்வில் ஒரு மணி நேரத்தை இவர் எடுத்து கோப்பிக் கடையில நடந்ததைக் கூறியதால் நிபுணர் போல் நியூமனும் மந்திரிமாரும் சபையினுள் நடந்தததைக் கூற நேரமின்றிச் சென்றது மக்களின் வெறுப்பை சம்பாதிக்கவில்லையா?.

“மந்திரி சபையில் உள்ளவர்கள் மந்தமானவ்ர்கள், எந்த மந்தியின் வேலையையும் திறம்படச் செய்யும் திறமை எனக்குத்தான் உண்டு” என வானொலிக்குப் பேட்டி கொடுத்த உலகின் முதல் சபாநாயகர் பொன் பாலாவே. ஆனால், சபாநாயகர் தனது கருத்தை அவையில் கூறமுடியாது என்பதை மக்கள்பிரதிநிதி ஜெயபாலன் அவையில் இடித்துக் கூறித்தான் எல்லாம்வல்ல இவருக்குத் தெரியும் என்பது இங்கு குறிப்பிடத்தக்கது.

தனது நட்புக்காக மந்திமாரை இரவு 2:00 மணி வரை காக்கவைத்துவிட்டு ஒரு வார்த்தைகூடப் பேசாது திருப்பி அனுப்பிய நிமாலிடமே பிரதமர் சென்ற மே 18 நிகழ்வையும் நடாத்தும்படி கேட்டிருந்தார். சாவுவீட்டில் மணிஅடித்தவனுக்கு திருவிழாக் கிடைத்தால் என்ன செய்வான்?

தேசியக்கொடி இருந்தால் அதை நான் அனுமதிக்கமாட்டேன் கூட்டத்தில் மார்பு தட்டிய நிமால்
எமது பழைய நாட்டில் இறந்த அனைவருக்கும் இரண்டு நிமிட அகவணக்கம் செலுத்துவோம் என ஆரம்பித்த மே 18 நிகழ்வில் பிரதமரின் உரை படமில்லாது ஒலிபரப்பானதும், இறந்த சிங்களவரையும் மறைமுகமாக உள்ளடக்கிய அகவணக்கத்தில் மாவீரரையோ போரினால் இறந்த அப்பாவித்தமிழர்களையோ நினைவுகூராததும் வந்தோர் மனதில் குழப்பத்தைத் தரவில்லையா?

பிரதமரின் உரையோடு வந்த வீடியோவில் தேசியக்கொடி இருந்ததால் அதை தான் அனுமதிக்கவில்லை என் வேறு ஓர் கூட்டத்தில் மார்பு தட்டிய நிமாலின் செயலை எப்படிக் கூறுவது?..

இந்த நிலை நீடிக்கக்கூடாது.தமிழீழ அரசைப் பாவித்து தம் வாழ்வை வளம்படுத்த வந்தவர்களின், தெரிந்தோ தெரியாமலோ சிங்கள அரசின் விருப்பத்துக்கு செயல் ரூபம் கொடுப்பவர்களின் பாசறையாக நாடுகடந்த தமிழீழ அரசு மாறலாமா?

மக்களே! இவர்களைத் தூக்கியெறியும் காலம்வெகுதொலைவில் இல்லை.

அறவழிப் போராட்டத்தில் நாம் தோற்கவில்லை, ஆயுதப் போரிலும் நாம் தோற்கவில்லை. இதற்குக் காரணம் திரண்டெழுந்த மக்களின் எண்ணிக்கையும் திறமைமிக்க தலைமையுமே. வெற்றியின் விளிம்பிற்க்கு பலமுறை சென்ற நாம் வெற்றிபெறாததன் காரணம் சர்வதேசத்தின் தயக்கமும் தடுமாற்றமுமே.

இன்று, எமது அரசியல்ப் போருக்கு சர்வதேசம் தங்களைத் தயார் செய்து வரும்போது, நாமும் எம்மைத் தயர்ர்செய்ய வேண்டுமல்லவா. அரசியல்ப் போர் மூளைக்கும் மூளைக்குமான போர். இங்கு, உலகம் அழிந்தாலும் என் உறவுகள் வாழவேண்டும் என்ற உணர்வுடைய திறமையும், நேர்மையும்,விசுவாசமும் கொண்ட ஒவ்வொரு புலம்பெயர் உறவும் தமது பங்கைத் தவறாது தரவேண்டும். மக்கள் இவர்களைத் தேர்வுசெய்து எமது பலத்தை அதிகரிக்க வேண்டும்.

உலகம் அழிந்தாலும் என் உறவுகள் வாழவேண்டும்

—- கலாநிதி ராம் சிவலிங்கம்

படம் இணையத்திலிருந்து பெறப்பட்டது

தகவல்: lttenews