கர்ப்பமாக இருக்கும் போது ஒருசில உணவுகளின் மீது நாட்டம் அதிகரிக்கும். அதில் அனைவருக்கும் தெரிந்தது, மாங்காய், சாம்பல் போன்றவை தான். ஆனால் அதுமட்டுமின்றி, இன்னும் நிறைய உணவுப் பொருட்களின் மீது கர்ப்பிணிகளுக்கு ஆசையானது அதிகரிக்கும். மேலும் அக்காலத்தில் எல்லாம் கர்ப்பமாக இருக்கும் போது பெண்கள் ஆசைப்படும் உணவுப்பொருட்களை எல்லாம் சாப்பிட வாங்கிக் கொடுத்தால், குழந்தை நன்கு ஆரோக்கியமாக பிறக்கும் என்று சொல்வார்கள்.
ஏனெனில் அவ்வாறு கர்ப்பிணிகளுக்கு சாப்பிட வேண்டுமென்று தோன்றும் உணவுப்பொருட்கள் அனைத்தும் மிகவும் ஆரோக்கியத்தைத் தரக்கூடியவை. ஆனால் அந்த உணவுப்பொருட்களை அளவுக்கு அதிகமாக சாப்பிட்டால், வயிற்றில் வளரும் சிசுவிற்கு ஆபத்து ஏற்படும்.
சரி, இப்படி கர்ப்பமாக இருக்கும் போது ஒருசில உணவுப்பொருட்களின் மீது நாட்டம் எதற்கு அதிகரிக்கிறது என்று யாருக்காவது தெரியுமா? தெரியாதல்லவா! ஆகவே இப்போது கர்ப்பிணிகளுக்கு சாப்பிட வேண்டுமென்று தோன்றும் உணவுப்பொருட்களையும், அதற்கான காரணத்தையும் பார்ப்போம்.
சாக்லெட்
சில கர்ப்பிணிகளுக்கு சாக்லெட் சாப்பிட பிடிக்கும். பொதுவாக கர்ப்பத்தின் போது சாக்லெட் சாப்பிடுவது நல்லது. இத்தகைய உணர்வு ஏற்படுவதற்கு முக்கிய காரணம், சாக்லெட் மனதை அமைதிப்படுத்தி, சந்தோஷமாக இருக்க உதவி புரிவதால் தான். மேலும் அக்காலத்தில் இனிப்புக்களை அதிகம் சாப்பிட தோன்றினால், வயிற்றில் பெண் குழந்தை உள்ளது என்று அர்த்தம் என்று சொல்வார்கள்.
ஐஸ் கட்டிகள்
கர்ப்பிணிகளுக்கு ஐஸ் கட்டியை சாப்பிட வேண்டுமென்ற ஆசை அதிகம் எழும். ஏனெனில் ஐஸ் கட்டியானது உடலில் ஏற்படும் பிடிப்புக்களை சரிசெய்வதால், கர்ப்பிணிகளுக்கு இதை சாப்பிட ஆவல் எழுகிறது. குறிப்பாக அதிகப்படியான குளிர்ச்சியானது வளரும் சிசுவிற்கு ஆபத்தை விளைவிக்கும் என்பதால், அளவுக்கு அதிகமாக சாப்பிடுவதை தவிர்ப்பது நல்லது.
காரமான உணவுகள்
சிலருக்கு காரமான உணவுகளின் மீது விருப்பம் அதிகம் இருக்கும். ஏனெனில் காரமான உணவுகள் வியர்வையை அதிகரித்து, உடலை குளிர்ச்சியாக வைத்துக் கொள்ள உதவும் என்பதால் தான். ஆகவே அடுத்த முறை உணவு உட்கொள்ளும் போது, சற்று காரத்தை சேர்த்துக் கொள்ளுங்கள். அதற்காக அளவுக்கு அதிகமாக சேர்த்துக் கொள்ளாதீர்கள். அது குழந்தைக்கு பாதிப்பை ஏற்படுத்திவிடும்.
ஊறுகாய்
கர்ப்பமாக இருக்கும் போது ஊறுகாயை பார்த்தால் என்ன நினைத்தாலே, ஆசை அதிகரிக்கும். இவ்வாறு ஊறுகாயின் மீது நாட்டம் எழுவதற்கு காரணம், அதில் உள்ள புளிப்புச் சுவை தான். ஏனெனில் இந்த புளிப்புச் சுவை குமட்டலை தடுக்கும். அதுமட்டுமின்றி, உடலில் சோடியம் குறைவாக இருந்தாலும், ஊறுகாயின் மீது நாட்டம் அதிரிக்கும்.
உருளைக்கிழங்கு சிப்ஸ்
ஊறுகாய் போன்றே சிலருக்கு உருளைக்கிழங்கு சிப்ஸ் மீது விருப்பம் அதிகம் இருக்கும். ஏனெனில் இதிலும் சோடியம் அதிகம் இருப்பதால், இதனை சாப்பிட வேண்டுமென்ற எண்ணம் எழும். அதே சமயம் இதில் கலோரிகள் மற்றும் கொழுப்புக்கள் அதிகம் இருப்பதால், இதனை தவிர்த்து பாப்-கார்ன் சாப்பிடுவது நல்லது.
எலுமிச்சை
எலுமிச்சையின் மீது கர்ப்பிணிகளுக்கு நாட்டம் எழ, அதில் உள்ள புளிப்புச் சுவை தான். ஏற்கனவே சொன்னது போல், புளிப்புச்சுவையானது குமட்டலை தடுக்கக்கூடிய சக்தி கொண்டவை.
ஐஸ் க்ரீம்
ஐஸ் க்ரீம் கூட சாக்லெட் போன்று உடலை குளிர்ச்சியடைய செய்வதோடு, சுவையுடன் இருப்பதால், கர்ப்பிணிகளுக்கு இதை சாப்பிட வேண்டுமென்று தோன்றுகிறது.
காபி
சில பெண்களுக்கு காபி குடிக்க வேண்டுமென்று ஆசைப்படுவார்கள். ஏனெனில் காபியில் உள்ள காப்ஃபைன் தலைவலி, மன இறுக்கம் போன்றவற்றை குறைப்பதால், இதனை அளவாக குடித்து வருவது நல்லது.
சோடா
காலையில் சோர்வு, மயக்கம் போன்றவற்றை அதிகம் உணர்ந்தால், அப்போது கார்போனேட்டட் பானங்களை குடித்தால் சரியாகிவிடும். ஏனெனில் கார்போனேட்டட் பானங்கள் வயிற்று பிரட்டலை சரிசெய்து விடுவதால், இதனை அளவாக குடிப்பது நல்லது. அதிலும் ஸ்ப்ரைட் போன்றவற்றை குடிப்பது தான் சிறந்தது. குறிப்பாக காப்ஃபைன் கலந்த சோடாவான கோலா, தம்ஸ் அப் போன்றவற்றை தவிர்க்க வேண்டும்.
மாங்காய்
மாங்காயிலும் புளிப்புச் சுவை இருப்பதால் தான், கர்ப்பிணிகளுக்கு முதலில் மாங்காய் சாப்பிட வேண்டுமென்று தோன்றுகிறது.
xxxxxxxxxx
கர்ப்பிணிகள் அறவே தொடக்கூடாத ஃபாஸ்ட் ஃபுட் உணவுகள்!!!
கர்ப்பமாக இருக்கும் போது தான் நிறைய உணவுப் பொருட்களின் மீது நாட்டம் எழும். குறிப்பாக கடைகளில் விற்கப்படும் ஃபாஸ்ட் ஃபுட் உணவுகளின் மீது ஏற்படும் ஆசைக்கு அளவே இருக்காது. நிறைய கர்ப்பிணிகளுக்கு நூடுல்ஸ் மீது ஆசை ஏற்படும். ஆனால் அந்த உணவுப் பொருட்கள் அனைத்தும், வயிற்றில் வளரும் சிசுவிற்கு மிகவும் ஆரோக்கியமற்றது. அதுமட்டுமின்றி, இந்த உணவுகள் வளரும் குழந்தைகளின் மூளை வளர்ச்சியை பெரிதும் பாதிக்கும்.
எனவே கர்ப்பிணிகள் ஃபாஸ்ட் ஃபுட் உணவுகளை தொடாமல் இருப்பதே நல்லது. அதிலும் குறிப்பிட்ட உணவுகளை சாப்பிட நினைக்காமல் இருப்பது நல்லது. இதனால் குழந்தை ஆரோக்கியமாக வளர்வதோடு, பிரசவத்திற்கு பின் உடல் எடை அதிகரிக்காமல் இருக்கும். ஏனெனில் ஃபாஸ்ட் ஃபுட் உணவுகளில் கலோரிகள் மற்றும் கொழுப்புக்கள் அளவுக்கு அதிகமாக இருப்பதால், இவற்றை முற்றிலும் தவிர்ப்பது நல்லது.
இப்போது பிரசவத்திற்கு முன்பு, கர்ப்பிணிகள் சாப்பிடக்கூடாத ஃபாஸ்ட் ஃபுட் உணவுகளிலேயே மிகவும் மோசமான சில உணவுகளைப் பட்டியலிட்டுள்ளோம். அந்த உணவுகளை தெரியாமல் கூட சுவைத்துவிடாதீர்கள்.
டஃப்நட்ஸ் (Doughnuts)
ஃபாஸ்ட் ஃபுட் உணவுகளில் ஒவ்வொரு பெண்ணுக்கும் பிடித்த உணவுப் பொருள் தான் டஃப்நட்ஸ். ஆனால் இது பதப்படுத்தப்பட்ட உணவுப் பொருளாக இருப்பதால், இதனை கர்ப்பிணிகள் தவிர்க்க வேண்டும். வேண்டுமெனில், இதற்கு பதிலாக ஜெல்லி பன் கூட சாப்பிடலாம்.
நூடுல்ஸ்
நூடுல்ஸில் கலோரிகள் அதிகம் உள்ளதால், இதனை சாப்பிட்டால், கர்ப்ப காலத்தில் அதிகப்படியான எடையை பெற நேரிடும். மேலும் இதனை அதிகம் சாப்பிட்டால், மீண்டும் உடல் எடையை கட்டுப்பாட்டில் வைக்க முடியாது.
பாஸ்தா
ஃபாஸ்ட் ஃபுட் உணவுகளில் நூடுல்ஸ் போன்றே பாஸ்தாவும் ஒன்றாதலால், இந்த உணவுப் பொருளை முற்றிலும் தவிர்க்க வேண்டும்.
பிரெஞ்சு ப்ரைஸ்
எண்ணெயில் பொரித்த எந்த ஒரு உணவுப்பொருளையும் கர்ப்பிணிகள் சாப்பிடக்கூடாது. குறிப்பாக பிரெஞ்சு ப்ரைஸை தொடவேக் சுடாது.
பர்கர்
ஃபாஸ்ட் ஃபுட் உணவிலேயே மிகவும் மோசமான ஒரு உணவுப் பொருள் என்றால் அது பர்கர் தான். தற்போது நிறைய பேர் உடல் பருமனால் அவஸ்தைப்படுவதற்கு முக்கிய காரணமே, இந்த பர்கர் தான். ஆகவே கர்ப்ப காலத்தில் இதனை தவிர்ப்பது மிகவும் நல்லது.
உருளைக்கிழங்கு விட்ஜஸ்
இந்த உணவுப் பொருளில் 280 கலோரிகள் நிறைந்திருப்பதால், இதனை கர்ப்பிணிகள் உட்கொண்டால், கர்ப்பமாக இருக்கும் போது அளவுக்கு அதிகமான எடையை பெற நேரிடும். அதுமட்டுமின்றி, இந்த உணவுப் பொருள் குறை பிரசவத்திற்கும் வழிவகுக்கும்.
பார்பெக்யூ ரோல்ஸ்
பார்பெக்யூ ரோல்ஸை பார்த்தாலே நாவில் எச்சில் ஊறும். ஆனால் இந்த உணவு வளரும் குழந்தைக்கு நல்லதல்ல. அதிலும் இது குழந்தையின் எடையை அதிகரித்துவிடும்.
பிட்சா
பிட்சாவின் மேலே தூவப்படும் பொருட்கள், வயிற்றில் வளரும் சிசுவிற்கு மிகவும் மோசமானவை. ஆகவே இதனை கர்ப்ப காலத்தில் அறவே தவிர்க்க வேண்டும்.
xxxxxxxxxx
பிரசவ காலத்தில் கர்ப்பிணிகள் தவிர்க்க வேண்டிய விஷயங்கள்!!!
பிரசவ காலத்தில் இயல்பான வாழ்க்கையை வாழ முடியும் என்று மருத்துவர்கள் கூறினாலும், கவனமாக இருப்பது என்பது மிகவும் இன்றியமையாத ஒன்றாகும். ஒரு உயிரை கருவில் சுமப்பது என்பது கவனமாக மேற்கொள்ள வேண்டிய செயலாகும். கவனம் குறைந்தால் கருசிதைவு ஏற்பட வாய்ப்புள்ளது.
ஒரு பெண் தாய்மை அடையும் போது தான் முழுமை அடைகின்றாள். உலகில் உள்ள ஒவ்வொரு பெண்ணும் இதற்காக தான் காத்துக் கொண்டிருக்கின்றனர். அத்தகைய பாரத்தை சுமக்கும் போது, மிகவும் கவனமாக இருக்க வேண்டும். இப்போது தமிழ் போல்டு ஸ்கை, பிரசவக் காலத்தில் கர்ப்பிணிகள் தவிர்க்க வேண்டிய சிலவற்றை கொடுத்திருக்கிறது. அதைப் படித்து பின்பற்றி, அழகான குழந்தையைப் பெற்றெடுங்கள்.
உயர்ந்த காலணிகள் வேண்டாம்
உயரமாக காட்ட வேண்டும் என்பதற்காக பிரசவ காலத்திலும், பாதுகாப்பு இல்லாத உயர்ந்த காலணிகளை அணிந்தால், அது எந்நேரத்திலும் கருவிற்கு ஆபத்தை விளைவிக்கக்கூடியவை. எவ்வளவு தான் அழகு முக்கியமானதாக இருந்தாலும், கர்ப்பத்தின் போது அழகை விட பாதுகாப்பே முக்கியம் என்பதால் இதை அணிவதை அறவே தவிர்த்திட வேண்டும். இல்லையென்றால் கடுமையான முதுகு வலி வருவதோடு, எந்நேரத்திலும் விழும் நிலை நேரிடும்.
அதிகமான எடையைத் தூக்க வேண்டாம்
வீட்டில் உள்ள மரச் சாமான்கள் அல்லது அதிகமான எடையுள்ள சில பொருட்களை அதற்கான இடத்தில் வைத்து அழகுப்படுத்துவோம். இருப்பினும் பிரசவ காலத்தில் அந்த வேலையை செய்தால், முதுகு வலி வரும். எனவே மரச் சாமான்கள் அல்லது இதர கனமான பொருட்களை நகர்த்துவதோ, தூக்குவதோ வேண்டாம்.
குழந்தையை தூக்க வேண்டாம்
இரண்டாவது பிரசவம் என்றால் முதல் குழந்தையை கவனித்து கொள்ள வேண்டிய கட்டாயத்தில் இருக்கக்கூடும். அதிலும் குழந்தை ஐந்து கிலோ எடைக்கு மேல் இருந்தால், அவர்களை தூக்க வேண்டாம். அப்படி செய்வதால் முதுகு வலி ஏற்படுவதோடு, கர்ப்பப் பைக்கும் கேடு விளைவிக்கும்.
சூடுநீர் குளியல் வேண்டாம்
பிரசவ காலத்தில் மிகவும் சூடான நீரில் குளியலை மேற்கொள்ள வேண்டாம். ஏனெனில் இந்த குளியலை மேற்கொண்டால், இரத்தத்தின் இயல்பு நிலையில் மாற்றம் ஏற்பட்டு, உடம்பை குளிர செய்யும். இதனால் வயிற்றும் உள்ள குழந்தைக்கு தேவையான இரத்தம் செல்வதில் மாறுபாடு ஏற்படும் என்பதால், இதை தவிர்க்க வேண்டும்.
கடுமையான உடற்பயிற்சி வேண்டாம்
கடுமையான உடற்பயிற்சியை பிரசவ காலத்தில் மேற்கொண்டால், இரத்தத்தின் இயல்பில் அழுத்தம் ஏற்பட்டு, உயர் இரத்த அழுத்தம் ஏற்படும். எனவே இதை அறவே தவிர்க்க வேண்டும்.
நோய் கிருமியில் கவனம் தேவை
நோய் கிருமிகளானது குடும்ப நபர்களிடம் இருந்தோ, அலுவலகத்தில் இருப்பவர்களிடம் இருந்தோ பரவும். எனவே அருகில் நோயால் பாதிக்கப்பட்டவர்கள் இருந்தால், கவனமாக இருக்க வேண்டும். இந்த ஆறு டிப்ஸையும் கவனமாக பயன்படுத்தினால், ஆரோக்கியமான குழந்தையை பெற்று கொள்ள முடியும்.
xxxxxxxxxx
கர்ப்ப காலத்தில் தவிர்க்க வேண்டிய 6 உணவு வகைகள்!!!
கர்ப்பக் காலத்தில் பெண்கள் மிகவும் கவனமாக இருக்க வேண்டும். சத்தான உணவை சாப்பிட வேண்டும் என்பதற்காக அனைத்து சத்தான உணவுகளையும் சாப்பிடக் கூடாது. ஏனெனில் எவ்வளவு தான் ஆரோக்கியமான உணவாக இருந்தாலும், கர்ப்பத்தின் போது அது கூட கருவிற்கு பாதிப்பை ஏற்படுத்தலாம். ஆகவே நம்முள் மற்றொரு உயிர் வளர்கின்றது என்பதை மனதில் கொண்டு, உணவுகளில் மிகவும் கவனத்துடன் இருக்க வேண்டும்.
மேலும் கர்ப்பிணிகள் சத்தான உணவை சரியான நேரத்தில் உட்கொள்வதால், ஆரோக்கியத்தை குழந்தைக்கு கருவில் இருக்கும் பொழுதே கொடுக்க முடியும். பிரசவம் என்பது பெண்கள் எதிர்நோக்கும் அற்புதமான தருணம். இதை அனுபவிக்கும் பெண்கள் ஆரோக்கியமான உணவை உட்கொள்வதிலும் கவனம் செலுத்த வேண்டும். இப்போது கர்ப்பமாக இருக்கும் போது, கர்ப்பிணிகள் தவிர்க்க வேண்டிய உணவுப் பொருட்களை பார்ப்போம்.
கடல் உணவுகள்
கடல் உணவுகளில், ஒமேகா-3 ஃபேட்டி ஆசிட் அதிகம் இருப்பதால், அதை உட்கொள்வது நல்லது என்றாலும், மெர்குரி அடங்கிய உணவை தவிர்ப்பது நல்லது. அதிலும் நண்டு, சால்மன் மீன், சுறா போன்ற கடல் உணவுகளில் மெர்குரி அதிகம் இருப்பதால், அவற்றை பிரசவக் காலத்தில் கண்டிப்பாக தவிர்க்க வேண்டும்.
சமைக்காத உணவுகள்
சமைக்காத உணவை பிரசவக் காலத்தில் உட்கொள்ளாமல் இருப்பது நல்லது. இதில் பாக்டீரியாவும், வைரஸும் அதிகம் இருப்பதால், அவற்றை உட்கொள்வதை தவிர்க்க வேண்டும். ஏனெனில் இவற்றை உட்கொள்வதால் குழந்தைக்கும், தாய்க்கும் பாதிப்பு ஏற்படும் வாய்ப்பு உள்ளது.
பால் பொருட்கள்
பால் பொருட்களை சாப்பிடும் போது, கர்ப்பம் தரித்த பெண்கள் கவனமாக இருக்க வேண்டும். அதிலும் அவை தூய்மை செய்யப்படாததாக இருந்தால், கண்டிப்பாக குழந்தைக்கு ஆபத்து ஏற்படும். வேண்டுமெனில் மொஷெரெல்லா எனப்படும் இத்தாலியன் சீஸையோ அல்லது கொழுப்பு நீக்கிய பாலையோ உட்கொள்ளலாம். அதுமட்டுமின்றி, பருகும் பால், மோர், தயிர் போன்றவை நல்ல முறையில் தயார் செய்யப்பட்டுள்ளதா என்பதையும் தெரிந்து, பின்னரே சாப்பிட வேண்டும். ஆனால் பன்னீர், சீஸ் போன்றவற்றை அறவே தவிர்க்க வேண்டும்.
கழுவாத பழங்கள் மற்றும் காய்கறிகள்
சமைக்காத காய்கறிகளை எப்படி சாப்பிடக்கூடாதோ, அதுப்போல கழுவாத எதையும் சாப்பிடக் கூடாது. அதிலும் காய்கறி மற்றும் பழங்களை நன்கு கழுவிய பின்னரே சாப்பிட வேண்டும்.
காபி, டீ மற்றும் மது
இவை மூன்றையும் கண்டிப்பாக தவிர்க்க வேண்டும். இவற்றை சாப்பிட்டால், அது கருவில் இருக்கும் குழந்தையின் ஆரோக்கியத்தை கூட பாதிக்கும். அதிலும் இவற்றை அதிகம் சாப்பிட்டால், கருச்சிதைவு ஏற்படவும் வாய்ப்புள்ளது.
முட்டை
முட்டையை நன்கு வேக வைத்து சாப்பிட வேண்டும். இல்லாவிட்டால், முட்டையில் உள்ள பாக்டீரியாவானது கருவில் உள்ள சிசுவிற்கு பாதிப்பை ஏற்படுத்தும்.
xxxxxxxxxx
கர்ப்பக் காலத்தில் ஏற்படும் உடல் வீக்கத்தை குணப்படுத்த சில வழிமுறைகள்!!!
பெண்களை பொறுத்த வரை கர்ப்பம் தரித்தல் என்பது ஒரு பெரிய வரமாகும். ஆனால் கர்ப்பக் காலத்தில் பெண்களின் உடலில் பல்வேறு மாற்றங்கள் உண்டாகும். அதில் நீர் கோர்த்தல், முடி கொட்டுதல், உடல் சோர்வு போன்றவற்றுள் உடல் வீக்கமும் ஒன்றாகும்.
பொதுவாக கர்ப்பம் தரித்தல் மற்றும் உடலில் வீக்கம் ஒருங்கே உள்ளது. கர்ப்பம் தரிக்கும் போது வயிற்றில் மட்டும் வீக்கம் உண்டாகாது. உடல் முழுவதுமே வீக்கம் உண்டாகும். இவ்வாறு கர்ப்பத்தின் போது வீக்கம் ஏற்பட இரண்டு முக்கிய காரணங்கள் உள்ளன. அவை நீர் கோர்த்தல் மற்றும் அதிக இரத்த அடர்த்தியுமாகும். ஆகவே கர்ப்பத்தின் போது வீக்கத்தை சரிசெய்ய தமிழ் போல்டு ஸ்கை சில பயனுள்ள வழிகளை கொடுத்துள்ளது. அதைப் படித்து, பின்பற்றி வந்தால், நிச்சயம் உடலில் ஆங்காங்கு ஏற்படும் வீக்கத்தை குறைக்கலாம்.
அடிக்கடி நகர்தல்
கர்ப்ப காலத்தில் நகராமல் ஒரே இடத்திலேயே சோம்பலாக இருந்தால், உடலில் வீக்கம் உண்டாகும். ஏனெனில் சோம்பலுடன் உட்காரும் போது, உடலில் நீர் கோர்க்க செய்து வீக்கம் உண்டாக தூண்டுகிறது. ஆகவே அவ்வப்போது நிதானமான நடையை மேற்கொள்ள வேண்டும்.
உடற்பயிற்சி
கர்ப்பிணிகள், உடலில் ஏற்படும் வீக்கத்தை தடுப்பதற்கு, தினமும் மருத்துவர் பரிந்துரைத்த உடற்பயிற்சியை செய்ய வேண்டும்.
நீரில் மூழ்கி இருத்தல்
சிறிது நேரம் நீரில் மூழ்கி இருத்தல், மகிழ்ச்சிகரமாய் உணர வைக்கும். ஆகவே கர்ப்பக் காலத்தில் வீக்கத்தை குணப்படுத்த நீச்சல் பயிற்சி செய்யலாம். அது செய்ய முடியவில்லையெனில், உடலை நீரில் மூழ்கி இருக்க செய்யலாம். ஆனால் நீர் அதிக சூடாக இருக்கக் கூடாது. ஏனெனில் சுடுநீர் கர்ப்பிணிகளின் உடலுக்கு அவ்வளவு உகந்தது அல்ல.
கால்களை நீட்டி வைத்தல்
அலுவலகம் போன்ற பணி இடங்களில் நீண்ட நேரம் உட்கார்ந்து இருந்தால், அவை கால்களில் வீக்கத்தை உண்டாக்கும். ஆகவே இரத்த ஓட்டமானது சீராக இருக்குமாறு, உடலை நேராக வைத்து அமர வேண்டும். அதற்கு அலுவலகங்களில் மேசைக்கு கீழே ஒரு முக்காலி வைத்து, அதன் மேல் கால் வைத்து கால் மடங்காதவாறு அமரவும்.
இடப்புறமாக படுக்கவும்
கர்ப்பிணிகள் இடது புறமாக படுப்பது, உடலில் இரத்த ஓட்டத்தை சீராக வைக்கும். எனவே படுக்கும் போது இடப்புறமாக படுக்கவும்.
உப்பு உட்கொள்வதை குறைக்கவும்
கர்ப்பக் காலத்தில் உடலில் அதிக நீர் தங்கும். அதையே வீக்கம் என்று கூறுவோம். அனைவரும் அறிந்தது போல, உப்பு உடலில் அதிக நீரை தேக்கி வைக்கும். ஆகவே உப்பு உட்கொள்வதை குறைக்க வேண்டும்.
xxxxxxxxxx
பிரசவத்திற்கு பின் ஏற்படும் உடல் துர்நாற்றத்தை தடுக்க சில டிப்ஸ்...
கர்ப்பம் மற்றும் பிரசவத்திற்கு பின்னர் உடலிலும், வாழ்க்கை முறையிலும் நிறைய மாற்றங்கள் ஏற்படும். இத்தகைய மாற்றங்கள் சில சமயங்களில் சந்தோஷமாகவும், வித்தியாசமானதாகவும் இருந்தாலும், சில நேரங்களில் அவை கஷ்டமானதாகவும், எரிச்சலூட்டும் வகையிலும் இருக்கும். அத்தகையவற்றில் ஒரு கஷ்டமான ஒன்று தான் உடல் துர்நாற்றம். சிலருக்கு பிரசவத்திற்கு முன்னும், பின்னும் உடல் துர்நாற்றம் அதிகமாக இருக்கும்.
இத்தகைய துர்நாற்றம் வருவதற்கு பல காரணங்கள் இருக்கின்றன. அதிலும் குழந்தைக்கு தாய்ப்பால் கொடுக்கும் பெண்களுக்கு பிறப்புறுப்பு மற்றும் அக்குள்களில், ஹார்மோன்களில் மாற்றங்களினால் கடுமையான துர்நாற்றமானது உடலில் இருந்து வெளிவரும். மேலும் மற்றொரு காரணம் என்றால், அதிகமாக வியர்த்தல். ஆம், தாய்ப்பால் கொடுக்கும் போதுஇ உடலில் உள்ள மெட்டபாலிசமானது அதிகரிப்பதால், உடலில் உள்ள வெப்பமானது அதிகரித்து, இறுதியில் வியர்வையை அதிகமாக்குகிறது.
எனவே இவ்வாறு பிரசவத்திற்கு பின் ஏற்படும் துர்நாற்றத்தை தடுக்க சில எளிய வழிகள் உள்ளன. அவற்றை சரியாக பின்பற்றினால், உடல் துர்நாற்றத்தை தவிர்க்கலாம். மேலும் இத்தகைய வழிகளை சாதாரணமாக அதிகமாக வியர்வை வெளியேறுபவர்களும் பின்பற்றலாம்.
சுத்தமாக இருப்பது
தினமும் தவறாமல் குளித்துவிட வேண்டும். எவ்வளவு தான் குழந்தைக்கும் ஓய்வின்றி வேலைப் பார்த்தாலும், தவறாமல் குளிக்கும் பழக்கத்தை கொள்ள வேண்டும். மேலும் இறுக்கமான ஆடைகளை அணியாமல், சற்று லூசாக இருக்கும் ஆடைகளை உடுத்துவது சிறந்ததாகும். குறிப்பாக ஒருமுறை உடுத்திய உடையை துவைக்காமல் மீண்டும் உடுத்தக்கூடாது.
எலுமிச்சை
குளிக்கும் போது இறுதியில் தண்ணீரில் சிறிது எலுமிச்சை சாறு சேர்த்து உடலை அலச வேண்டும். இதனால் பிரசவத்திற்கு பின் ஏற்படும் உடல் துர்நாற்றத்தை தவிர்க்கலாம். அதுவும் இந்த முறையை குளித்த பின், இறுதியில் ஒரு கப் நீரில் எலுமிச்சை சாற்றினை ஊற்றி செய்ய வேண்டும்.
ஆப்பிள் சீடர் வினிகர்
ஆப்பிள் சீடர் வினிகரை நீரில் கலந்து, உடலை அலசினால், சருமத்தில் உள்ள pH-இன் அளவு குறைவ்தோடு, குழந்தை பிறந்த பின் ஏற்படும் உடல் துர்நாற்றமும் நீங்கும்.
டீ ட்ரீ ஆயில் (Tea Tree Oil)
டீ ட்ரீ ஆயிலும் ஒரு நேச்சுரல் டியோடரண்ட். அதற்கு இந்த ஆயிலை ஒரு பகுதி நீரில் கலந்து, ஒரு ஸ்ப்ரே பாட்டிலில் ஊற்றி, உடலில் ஸ்ப்ரே செய்து கொண்டால், உடல் துர்நாற்றம் வீசாமல் இருக்கும்.
புதினா
புதினாவும் உடல் துர்நாற்றத்தை போக்குவதில் சிறந்த ஒரு பொருள். அதற்கு புதினாவின் இலையை நீரில் போட்டு கொதிக்க வைத்து, பின்னர் அந்த நீரைக் கொண்டு, குளிக்க வேண்டும். இவ்வாறு தினமும் செய்தால், உடல் துர்நாற்றத்தை போக்கலாம்.
தேன்
தினமும் குளிக்கும் போது, இறுதியில் ஒரு டீஸ்பூன் தேனை, நீரில் கலந்து குளிக்க வேண்டும். இதனால் சருமம் மென்மையாகவும், ஈரப்பசையுடனும் இருப்பதோடு, பிரசவத்திற்கு பின் ஏற்படும் உடல் துர்நாற்றத்தையும் நீக்கும்.
டயட்டில் கவனம் தேவை
உணவுகளில் சில உடல் துர்நாற்றதைத் தரக்கூடியவை. அதில் பூண்டு, சீரகம், ஆல்கஹால், காப்ஃபைன், அதிக அளவு இறைச்சி போன்றவற்றாலும் உடல் துர்நாற்றம் ஏற்படும். ஆகவே இத்தகையவற்றை அதிகம் சாப்பிடாமல் இருப்பதே நல்லது.
.jpg)
கருத்துகள் இல்லை:
கருத்துரையிடுக