கணவன் - மனைவி அமைவதெல்லாம் இறைவன் கொடுத்த வரம்
காதல் கல்யாணம் என்பதிலெல்லாம் ஒவ்வொருவருக்கும் தனித்தனியான எதிர்பார்ப்புகளிருக்கும். துறவு என்பதும் கூட ஒரு விதத்தில் மேற்சொன்னவைகளின் எதிர்பார்ப்பாக இருந்து இறுதியில் தோல்வியில் முடிந்ததன் எதிரொலியாக இருக் கும். கடவுளரே காதல் வசப்பட்டு கல்யா ணம் முடித்ததாக புராணங்கள் கூறுகின்ற போது, அதன் முன் சாமானிய மனிதர்கள் எம்மாத்திரம்! ஒருவருக்கு வந்து வாய்க் கும் கணவன் அல்லது மனைவி எப்படி யிருப்பார்? அழகா, அவலட்சணமா? குணமா, குணக்கேடா? பாலுறவில் திருப்தி தருவாரா, அன்றேல் முதலிரவோடு கசந்து போவாரா?, பிள்ளைப் பாக்கியம் உள்ளவரா, இல்லை மலடரா?, முதுமை வரை கூட வருவாரா, இல்லையேல் இடை
நடுவே உறவை முறித்துக் கொண்டு விலகி விடுவாரா?, ஊனமுள்ளவரா, ஊக்கம் தருபவரா என்பன போன்ற கேள்விகளுக்கு அவரவர் சாதகக் கிரக நிலைகளால் மட்டும் தான் சரியான பதிலைக் கூறமுடியுமென இதுவரை எண்ணியிருந்திருப்பீர்கள். ஆனால்〪 கைரேகை சாத்திரமும் கூட இப்படியான கேள்விகளுக்கு அச்சொட்டான பதில்களை அளிக்குமென்று கூறுவது உங்களுக்கு வியப்பைத் தரும் என்பதில் ஐயமில்லை.
ஒருவரது உள்ளங்கையில் சின்ன விரலின் கீழுள்ள மேட்டை புதன்மேடு என்பர். இதன் பக்கவாட்டில் குறுக்கிட்டுக் காணப்படும் சிறிய ரேகை தாரரேகை எனப்படும். வாழ்நாள் முழுவதும் ஒரேயொரு கணவன் அல்லது மனைவியுடன் திருப்தியடைந்து வாழ்பவர்களுக்கு இந்த ரேகை ஒன்றேயொன்றாக பிளவுகள், சிதைவுகள் குறுக்கீடுகளற்று அமைந்திருக்கும்.
இந்த ரேகையின் முனை மேல் நோக்கியோ, கீழ் நோக்கியோ அமைந்திருப்பது குறித்து சிறப்பான பலன் சொல்லப்படவில்லை. இருப்பினும் தாரம் என்பது எத்திசையிலிருந்து வந்து வாய்க்குமென்பதை இவ்விதம் வளைந்த தாரரேகை புலப்படுத்துமென்று கைரேகை சாத்திரம் கூறுகின்றது. தாரரேகையின் முனை மேலே சின்ன விரலை நோக்கி வளைந்திருக்கக் காணப்பட்டால் (A)〪 அவ்வாறு அமைந்தவருக்கு வரும் வாழ்க்கைத் துணையானது அவரது நிரந்தர வசிப்பிடத்திற்கு தெற்கு அல்லது தென்மேற்குத் திசையில் வசிக்கும் ஒருவரெனக் கொள்ளப்படும். தாரரேகையின் முனை இருதய ரேகையின் பக்கமாக கீழ் நோக்கி வளைந்திருக்க காணப்பட்டால் (B)〪 வரப்போகும் தாரத்தின் வசிப்பிடம் வடக்கு அல்லது வடமேற்கில் அமைந்திருப்பதை அது உணர்த்தும்.
புதன்மேட்டின் சரிவில் ஒற்றையாய் அமைந்த தாரரேகையோடு பெருவிரலின் கீழமைந்த பரந்த சுக்கிர மேட்டிலும் முக்கோண வடிவில் ஒரு ரேகை பதிந்து காணப்பட்டால் (C), அத்தகையவர் மிக்க இளமையிலேயே அவரது நெருங்கிய மாமன் மாமி உறவுக்குள் கல்யாணம் செய்து மொத்த தம்பதிகளாய் நெடுநாள் வாழ்வதை அது குறிக்கும்.
ஒருவரது புதன்மேட்டில் தோன்றும் தாரரேகையானது தங்கு தடையின்றி மோதிர விரலின் கீழுள்ள சூரியமேடு வரை சென்று〪 அங்கிருந்து மோதிர விரலை நோக்கித் திரும்பியிருந்தால் (D), அவர் ஆணாயினும் பெண்ணாயினும் சரி〪 பருவ வயதில் பெரும் தனவந்தரொருவருக்கோ, அல்லது பிரசித்தி பெற்ற கலைஞர் ஒருவருக்கோ, அரசியல் வாதியொருவருக்கோ வாழக்கைத் துணைவராகும் அதிர்ஷ்டத்தை பெற்றிருப்பார்.
இதேவேளை〪 ரேகையின் மத்தியில் ஒற்றை ரேகையாய் நடுவிரலின் கீழுள்ள சனிமேடுவரை சென்றுள்ள விதி ரேகையை சந்திரமேட்டிலிருந்து ஆரம்பிக்கும் ரேகையொன்று தொட்டுக் கொண்டோ அல்லது அதனை நோக்கியவாறோ நிற்கக்காணப்பட்டால் (E)〪 அத்தகையவருக்கு தமது மனைவி அல்லது கணவன் மூலம் பொன்னும் பொருளும், நிலபுலங்களும் வந்து சேர்வதை அது குறிக்கும். அதாவது〪 வாரிசுகளற்ற குடும்பமொன்றில் விவாகம் செய்ய வைத்து அதன் மூலம் அக்குடும்பத்தின் பரம்பரை தேட்டங்களை அவருக்கு ஏகபோகமாக்கி வைப்பதே அதன் பலனாம்.
தமக்கு முன்பின் பரிச்சயமற்ற〪 வேற்று இன மத மொழியை சேர்ந்த ஒருவர் மீது கண்டதும் காதல் வசப்பட்டு கல்யாணம் முடித்த பலரையும் பற்றிக் கேள்விப்பட்டிருப்பீர்கள். அதற்குரிய ரேகையாக இருதய ரேகைக்கு கீழுள்ள செவ்வாய் மேட்டில் தோன்றிய ஓர் அரைவட்ட ரேகையானது, இருதய ரேகையின் இறுதி முனையையும் கடந்து மேலேறி தாரரேகையுடன் இணைந்திருப்பது (F) இதனை வலுப்படுத்தும்.
ஒருவருக்கு தார ரேகையானது புதன்மேட்டில் ஊடறுத்துச் சென்று அதன் முனை கீழ் நோக்கி வளைந்து இருதயரேகையையும் தாண்டி நிற்க, சுட்டு விரலின் கீழுள்ள குரு மேட்டுக்கடியில் புத்திரேகையும் ஆயுள் ரேகையும் இணையாது தொடங்கியிருக்கக் காணப்பட்டால் (G), அவர் வாழ்வில் பொருத்தமற்ற கணவன் அல்லது மனைவியை மணம் செய்து கொண்டு காலம் முழுக்க நிம்மதியிழந்து கஷ்டப்படுவதை அது குறிக்கும். திருடனுக்குத் தேள் கொட்டிய கதையாய்〪 தமது மன உளைச்சலை வெளிக்காட்டிக் கொள்ளாமல் வெளியே சிரித்துக் கொண்டே உள்ளூர அழுது வாழ்க்கை நடத்தும் ஒருவராக அவர் இருப்பாராம்.
விதி வசத்தால் சிலருக்கு கண் குருடான தாரமோ சிலருக்கு காது கேளாத மனைவியோ அல்லது கணவனோ வந்தமையக் கூடும். இவற்றுக்கான அறிகுறிகளும் அவர வர் தாரரேகையிலேயே காணப்படும். தாரரேகையானது அதுவொரு தீவுக் குறியாக முடிந்திருந்தால் இவ்விதமே வாழ்க்கைத் துணை அமையும்.
அதே சமயம் பல தீவுக் குறிகள் இணைந்த சங்கிலி வடிவத்தில் தாரரேகை காணப்பட்டால் (H)〪 கட்டிய கணவனுக்கோ, மனைவிக்கோ உள்ளடங்கியதொரு நீடித்த நோயொன்று உடம்பிலிருப்பதை அது வெளிப்படுத்தும். பெரும்பாலும் அது ஜன னேந்திரியம் சம்பந்தப்பட்ட வியாதியாயிருக்கும். தாரரேகையானது மேல் நோக்கி யவாறு வளைந்து சின்ன விரலின் மூன்றா வது அங்குலாஸ்தியிலும் ஏறி நிற்கக் காணப்பட்டால் (J)〪 அத்தகையவருக்கு காதல், கல்யாணம், குடும்பம், குழந்தை என்று அநேக இன்பக் கனவுகள் இருந்தும் அவையொன்றும் கடைசி வரை கைகூடி வராத கட்டைப் பிரம்மச்சாரியாகவே காலங்கழிக்க நேரிடுமாம்.
மணமுறிவில் இருவகையுண்டு. அவையாவன கணவன் தன் மனைவியை விலக்கி வைத்தலும், அதேபோல மனைவியானவள் கணவனை இனி அவன் துணை தேவையில்லையென்று தள்ளி விடுதலுமாகும். சுக்கிர மேட்டிலிருந்து ஒரு நெடிய ரேகை புறப்பட்டு மேல் நோக்கி ஆயுள் விதி〪புத்தி மற்றும் இருதய ரேகைகளை தாண்டி தாரரேகையையும் வெட்டி விடுமானால் (K) அத்தகைய அமைப்பைக் கையில் கொண்ட கணவன் நாளடைவில் தன் மனைவியை தள்ளி வைத்து விடுவானாம்.
அதே சமயம் ஒரு பெண்ணின் கையில் தாரரேகையானது கீழ் நோக்கி வளைந்து இருதய ரேகையையும் தாண்டிச் சென்று செவ்வாய் மேட்டில் தொங்கியிருக்கக் காணப்பட்டால் (L)〪 அவள் தானாகவே தாம்பத்திய வாழ்வில் வெறுப்புற்று கட்டின கணவனைத் தள்ளி வைத்து விடுகிற நிலைக்கு உள்ளாக்கப்படுவாளாம். கார ணம்〪 அவளிடம் தான் எதிர்பார்த்த எதுவுமே கிடைக்கவில்லையென்று கூறி அவளது கணவன் விலைமாதர்களிடம் சென்று உள்ளது, உரியதெல்லாம் அவர்களுக்கே செலவிட்டு அவர்கள் காலடியே சொர்க்கம் என்று கிடப்பது தானாம்.
புதன் மேட்டின் பக்கவாட்டில் தார
ரேகைகள் சில அல்லது பல தோன்றியிருக்க அவற்றிலொன்று குறுக்கிட்ட ஒரு ரேகை மூலம் புள்ளடிக் குறிபோல தோற் றம் கொண்டிருந்தாலும், மற்றொரு தாரரேகையின் முனை ஒரு தீவுக்குறியுடன் முடிந்திருந்தாலும், அதன் பலன் அவ்விதம் அமைந்தவரின் கணவன் அல்லது மனைவி அன்னாருடன் பகைப்படுவது அல்லது பிரிந்து போவர். அதுவுமல்லாதுவிடின்〪 மரணமடைவது என்பதாக ரேகை சாத்திரம் அதற்கு அர்த்தம் சொல்கிறது. மேற் சொன்ன பலன்கள் யாவும் எப்போதும் நடக்கும் என்பதை அவரவர் விதிரேகை யில் காணப்படும் தடைகள், அழிவு, சிதை வுகள், தீவுக் குறிகள் என்பன ஏற்படும் வயதுகளை கணக்கிட்டு அறிந்து கொள்ள வேண்டும்.
அதேசமயம்〪 ஒருவரது தாரரேகையின் முனை ஒரு நட்சத்திரக் குறியோடு முடிந்தி ருந்தால் அவரது விதி ரேகையில் ஏற்படும் பிளவு, புள்ளடி அல்லது நட்சத்திரக் குறி தோன்றியுள்ள காலகட்டத்தில் அவரது கணவன் அல்லது மனைவி அகால மரணம டைவார் எனக் கொள்ள வேண்டும்.
-– திருவோணம்
.jpg)
கருத்துகள் இல்லை:
கருத்துரையிடுக