முறையற்ற காதல் தொடர்புக்காக குழுவொன்றால் பாலியல் வல்லுறவுக்கு உட்படுத்தப்பட்ட பெண்ணுக்கு பிரம்படி

- இந்தோனேசியாவில் சம்பவம்

திரு­ம­ண­மான நப­ரொ­ரு­வ­ருடன் முறை­யற்ற காதல் தொடர்பை வைத்­தி­ருந்­த­தற்­காக 8 பேரால் பாலியல் வல்­லு­ற­வுக்­குட்­ப­டுத்­தப்­பட்ட பெண்­ணுக்கு பிரம்­படி தண்­டனை விதிக்­கப்­பட்ட சம்­பவம் இந்­தோ­னே­சி­யாவில் இடம்பெற்­றுள்­ளது.

பண்டா ஏக் மாகா­ணத்­தி­லுள்ள அந்தப் பெண்ணின் (25 வயது) வீட்­டிற்குள் பிர­வே­சித்த 8 ஆண்­க­ளைக் ­கொண்­ட குழு, அந்தப் பெண்ணையும் அவ­ருடன் இருந்த 40 வயது ஆணையும் பிடித்து அடித்து உதைத்துள்ளனர்.

அந்தப் பெண்­ணும் அவ­ருடன் பிடி­பட்ட ஆணும் திரு­ம­ணத்­துக்கு அப்­பா­லான பாலியல் உறவை வைத்­தி­ருந்­த­தாக குற்­றஞ்­சாட்­டிய அந்தக் குழு­வினர், அந்த ஆணை மரத்தில் கட்டி வைத்­த பின் அந்தப் பெண்ணை திரும்­பத்­ தி­ரும்ப பாலியல் வல்­லு­ற­வுக்கு உட்­ப­டுத்­தி­யுள்­ளனர்.

அதன்பின் அவர்கள் இருவர் மீதும் சாக்­கடை நீரை அள்ளி அந்­தக்­ குழு வீசி­யுள்­ளது. தொடர்ந்து மேற்­படி பெண்ணை பொலிஸ் நிலை­யத்­திற்கு இழுத்­துச் ­சென்ற அந்­தக்­ குழு­வினர், அந்தப் பெண் திரு­ம­ணத்­திற்கு அப்­பா­லான உறவை பேணி மத சட்­டத்தை மீறி­யுள்­ள­தாக முறை­ப்பாடு செய்­தனர்.

இதனையடுத்து அந்தப் பெண்ணை பாலியல் வல்­லு­ற­வுக்­குட்­ப­டுத்­திய குற்­றச்­சாட்டில் 13 வயது சிறுவன் ஒருவன் உட்­பட 3 ஆண்கள் கைதுசெய்­யப்­பட்டனர். அதே­ச­மயம் அவ­ர்களது சகாக்களான ஏனைய ஐவர் தப்பிச் சென்­றுள்­ளனர்.

இந்­நி­லையில் மதச் சட்­டத்தை மீறிய குற்­றச்­சாட்டில், அந்தப் பெண்ணும் அவ­ரது காத­லரும் 9 க்கு மேற்­பட்ட பிரம்­ப­டி­களை எதிர்­கொண்­டுள்­ளனர்.

அந்­தப் ­பெண்ணை பாலியல் வல்லு றவுக்­குட்­ப­டுத்­தி­ய­வர்­களும் அதே எண்­ணிக்­கை­யான பிரம்­ப­டி­களை எதிர்கொண்­டுள்­ளனர்.

தப்பிச் சென்­றுள்ள ஏனைய ஐவ­ரையும் பொலிஸார் தொடர்ந்தும் தேடிவரு­கின்­றனர்.

Share |