அமெ­ரிக்­காவின் மூக்கை உடைத்த ரஷ்ய ஜனா­தி­பதியின் காலு­டை­ப­டுமா?

சிரிய ஜனா­தி­பதி பஷார் அல் அஸாத் வேதி­யியல் (இர­சா­யன) படை­க­லன்­களைப் பாவித்தால் அது செங்­கோட்டைத் தாண்­டி­யது போலாகும். அஸாத்­திற்கு எதி­ராகக் கடும் நட­வ­டிக்கை எடுக்­கப்­படும் என அமெ­ரிக்க ஜனா­தி­பதி பராக் ஒபாமா சூளு­ரைத்­தி­ருந்தார். ஆனால் சிரி­யா­விற்கு எதி­ராக அமெ­ரிக்கா படை நட­வ­டிக்கை எடுப்­பதை ரஷ்ய அதி­பர் விளா­டிமீர் புட்டின் தடுத்துவிட்டார். சிரியா மீதான தாக்­கு­த­லுக்குப் பதி­ல­டி­யாக சவூதி அரே­பி­யாவின் மீது ரஷ்யா குண்­டு­களை வீசும் என புட்டின் இர­க­சி­ய­மாக எச்­ச­ரித்­தி­ருந்தார் எனச் சொல்­லப்­ப­டு­கின்­றது. ரஷ்­யாவின் ஆசிர்­வாதமின்றி அஸாத் வேதி­யியல் குண்­டு­களைப் பாவித்­தி­ருந்­தி­ருக்க மாட்டார் என விவா­திப்­போரும் உண்டு. ஈரானின் அணுகுண்டு உற்­பத்­திக்கு எதி­ரான அமெ­ரிக்­காவின் நட­வ­டிக்­கை­க­ளுக்கும் புட்டின் முட்­டுக்­கட்­டை­யாக இருந்தார். இவற்­றிற்­கான பின் விளை­வு­களை இப்­போது ரஷ்யப் பொரு­ளா­தாரம் சந்­தித்துக் கொண்­டி­ருக்­கின்­றது



ரஷ்­யாவின் இருண்ட செவ்வாய்

ரஷ்­யாவின் ரூபிள் நாணயம் மசகு எண் ணெய் விலை­யுடன் இணைந்து விழுந்து கொண்­டி­ருக்­கின்­றது. ரூபிளின் வீழ்ச்­சியால் ரஷ்­யாவில் பொருட்­களின் விலைகள் அதி­க­ரித்துக் கொண்டே போகின்­றது. ரஷ்ய மக்கள், பொருட்கள் மேலும் விலை அதி­க­ரிக்க முன்னர் விழுந்­த­டித்துப் பொருட்­களை வாங்கிக் குவிக்­கின்­றனர். செல்­வந்­தர்கள் தம்­மி­ட­முள்ள ரூபிளை விற்று டொலர்­க­ளையும் யூரோக்­க­ளையும் வாங்கிக் கொண்­டி­ருக்­கின்­றனர். 2014 டிசம்பர் 16ஆம் திகதி செவ்­வாய்க்­கி­ழமை ரஷ்ய மைய வங்கி தனது வட்டி விழுக்­காட்டை 10.5இலிருந்து 17 ஆக அதி­க­ரித்­தது. அடுத்த நாள் புதன்கிழமை ரஷ்ய வங்கி தனது தொடர் நட­வ­டிக்­கை­களால் ரூபிளின் பெறு­ம­தியைச் சற்று நிமிர்த்­தி­யது. புதன்­கி­ழமை ரூபிளைப் பாது­காக்கும் நட­வ­டிக்­கை­களில் ரஷ்ய மைய வங்­கி­யுடன் ரஷ்ய நிதி அமைச்சும் இணைந்து கொண்­டது. நிதி­ய­மைச்சும் தன்­னிடமுள்ள வெளி­நாட்டு நாணயக் கையி­ருப்­புக்­களை விற்று ரூபிளை வாங்­கி­யது. இந்த ரூபிள் பாது­காப்பு நட­வ­டிக்­கைக்கு தான் ஏழு பில்­லியன் அமெ­ரிக்க டொலர்கள் பெறு­ம­தி­யான நாண­யங்­களைச் செல­விடத் தயா­ராக இருப்­ப­தாக ரஷ்ய நிதி அமைச்சு அறி­வித்­தது. 2014ஆம் ஆண்டின் ஆரம்­பத்தில் ஒரு டொல­ருக்கு 33 ரூபிள்கள் என்­றி­ருந்த பெறு­மதி தற்­போது 66 ரூபி­ளாக மாறி­யுள்­ளது. ரஷ்­யாவில் உள்ள வெளி­நாட்டு நிறு­வ­னங்­களின் விற்­பனை நிலை­யங்­களை டிசம்பர் 16ஆம் திகதி மூட­வேண்­டிய நிலை ஏற்­பட்­டது. என்ன விலைக்கு தமது பொருட்­களை விற்­பது என்ற குழப்ப நிலை அவர்­க­ளுக்கு ஏற்­பட்­டி­ருந்­தது பல கடை­களில்.

ரஷ்­யாவின் இருண்ட 2014

2014ஆம் ஆண்டு ஆரம்­பத்திலிருந்து டிசம்பர் 16ஆம் திகதி வரை ரஷ்­யாவின் நாண­ய­மான ரூபிள் அமெ­ரிக்­காவின் டொல­ருக்கு எதி­ராக 52.8 விழுக்­காடு வீழ்ச்­சி­ய­டைந்­துள்­ளது. இதற்குக் காரணம், மசகு எண்ணெய் விலை அதே காலப்­ப­கு­தியில் 46.1 விழுக்­காடு வீழ்ச்­சி­ய­டைந்­ததே. ரஷ்யப் பொரு­ளா­தா­ரத்தில் சிறப்­பம்சம் அத­னிடம் உள்ள வெளி­நாட்டுச் செல­வாணிக் கையி­ருப்பு. ரூபிளின் பெறு­ம­தியைப் பாது­காக்க ரஷ்யா தனது வெளி­நாட்டுச் செல­வா­ணியில் 20 விழுக்­காட்டை இழந்­துள்­ளது. ரஷ்யா வெளி­நாட்டு நாண­யங்­களை விற்று ரூபிளை வாங்கி அதன் ரூபிளின் பெறு­ம­தியை அதல பாதா­ளத்­திற்கு செல்­லாமல் தடுத்துக் கொண்­டி­ருக்­கின்­றது. 2014ஆம் ஆண்டின் ஆரம்­பத்தில் ரஷ்­யாவின் வெளி­நாட்டுச் செல­ாவ­ணிக் கையி­ருப்பு 499 பில்­லியன் அமெ­ரிக்க டொலர்­க­ளாக இருந்­தது. தற்­போது அது 400 பில்­லியன் டொலர்­க­ளாகக் குறைந்­து­விட்­டது. அமெ­ரிக்க மைய வங்­கியின் ஆளுநர் 2015ஆம் ஆண்டு அமெ­ரிக்­காவில் வட்டி விழுக்­காடு அதி­க­ரிக்­கப்­படும் என்று சொன்­னது ரஷ்­யாவின் நாண­யத்தைப் பொறுத்­த­வரை எரி­கிற நெருப்பில் எண்ணெய் ஊற்­றி­யது போலா­னது. ரஷ்ய நிறு­வ­னங்­களின் பங்­கு­களின் விலை­க­ளிலும் பெரும் சரிவேற்­பட்­டது.

திருப்­பெ­ருந்­து­றையில் உதை

ரஷ்­யாவில் ஒரு நகைச்­சுவை ஒன்று இப்­போது பிர­ப­ல­மா­கி­யுள்­ளது. ரஷ்ய ஜனா­தி­பதி விள­டிமீர் புட்டின், ரூபிள், மசகு எண்ணெய் விலை ஆகிய மூன்­றிற்கும் உள்ள ஒற்­றுமை என்ன? மூன்றும் 2015ஆம் ஆண்டு 63ஐ அடையும். அதா­வது 2015இல் புட்­டினின் வயது 63 ஆகும், டொல­ருக்கு எதி­ரான ரூபிளின் மதிப்பு 63 ஆகும், உலகச் சந்­தையில் மசகு எண்­ணெயின் விலை 63 டொலர்­க­ளாகும். எண்ணெய் ஏற்றுமதியில் அதிகம் தங்கியிருக்கும், 2015ஆம் ஆண்டு ரஷ்யாப் பொரு­ளா­தாரம் தாக்குப் பிடிப்­ப­தற்கு மசகு எண்­ணெயின் விலை தொண்­ணூற்றி ஒன்­பது டொலர்­க­ளுக்கு மேல் இருக்க வேண்டும். ஆனால் நிலைமை தற்­போது அந்த நகைச்­சு­வை­யிலும் மோச­மா­கி­விட்­டது. டிசம்பர் 16ஆம் திகதி மசகு எண்ணெய் விலை அறு­பது டொலர்­க­ளுக்குக் கீழ் வீழ்ச்­சி­ய­டைந்­தது. ஒரு கட்­டத்தில் டொல­ருக்கு எதி­ரான ரூபிளின் பெறு­மதி எண்­ப­தையும் தாண்டி இருந்­தது. ரஷ்யப் பொரு­ளா­தாரம் எரி­பொருள் உற்­பத்தித் துறையில் பெரிதும் தங்கி இருக்­கின்­றது. இந்த எரி­பொருள் பெரும் துறையின் மீது அடித்தால் ரஷ்­யாவை பெரும் பாதிப்­புக்குள்­ளாக்­கலாம் என அமெ­ரிக்கா நட­வ­டிக்­கையில் இறங்­கி­யுள்­ளது. ரஷ்ய அரசும் அதன் பெரு நிறு­வ­னங்­களும் வாங்­கிய வெளி­நாட்டுக் கடன்­க­ளுக்­கான மீள­ளிப்புச் சுமை தற்­போது இரு மடங்­கா­கி­விட்­டது எனச் சொல்­லலாம்.

ரஷ்யப் பொரு­ளா­தார வீழ்ச்­சியும் பண­வீக்­கமும்

எரி­பொருள் விலை வீழ்ச்­சியை ரூபிளின் பெறு­மதி வீழ்ச்சி சமா­ளிக்கும் என முதலில் விளா­டிமீர் புட்டின் நம்­பினார். தனது நாட்டு மக்­க­ளையும் நம்ப வைத்தார். ரூபிளின் பெறு­மதி வீழ்ச்சி ரஷ்­யாவில் பொருட்­களின் விலையில் அதி­க­ரிப்பை ஏற்­ப­டுத்­தி­யது. உல­கெங்கும் பல நாடுகள் தமது நாட்டில் பொருட்­களின் விலைகள் வீழ்ச்­சி­ய­டை­கின்­றன எனக் கவ­லைப்­பட்டுக் கொண்­டி­ருக்­கையில் ரஷ்­யாவில் நிலைமை தலை கீழாக மாறி­யுள்­ளது. ரஷ்­யாவில் பண­வீக்கம் 9 விழுக்­காட்­டிலும் அதி­க­மாக உள்­ளது. 2014ஆம் ஆண்டு ரஷ்யப் பொரு­ளா­தாரம் 4.5 விழுக்­காடு வீழ்ச்­சி­ய­டையும் என்றும் 2015ஆம் ஆண்டு 5 விழுக்­காடு வீழ்ச்­சி­ய­டையும் என்றும் ரஷ்ய மைய வங்கி எதிர்வு கூறி­யுள்­ளது.

ரஷ்­யாவின் அடுத்த நட­வ­டிக்கை

ரஷ்யா தனது அடுத்த நட­வ­டிக்­கை­யாக நாட்டிலிருந்து மூல­தனம் வெளி­யே­று­வதைத் தடை செய்­யலாம். ஆனால், பொரு­ளா­தார நிபு­ணர்கள் இது மோச­மான விளை­வு­களை ஏற்­ப­டுத்தும் என்­கின்­றார்கள். அப்­படி ஒரு நட­வ­டிக்கை எடுக்­கப்­ப­டலாம் என்ற செய்தி கசியும் முன்­னரே நாட்­டி­லி­ருந்து பெரு­ம­ளவு மூல­தனம் வெளி­யே­றி­விடும் என்­கின்­றனர். இதற்கு மலே­சி­யாவில் நடந்­த­வற்றை உதா­ர­ணத்­திற்குக் காட்­டு­கின்­றனர். ஆனால் ரஷ்­யர்கள் தமது நாணயம் உலகச் சந்­தையில் குறைத்து மதிப்­பி­டப்­பட்­டுள்­ளது என்­கின்­றனர்.

முன்னை இட்ட தீ உக்­ரே­னிலே

ரஷ்யா மத்­தியகிழக்கில் செய்யும் மிரட்­டல்­க­ளுக்கு பதி­ல­டி­யாக முதலில் உக்­ரேனை ரஷ்யப் பிடி­யி­லி­ருந்து விடு­விக்கும் முயற்­சியில் அமெ­ரிக்கா ஈடு­பட்­டது. உக்­ரேனின் பாரா­ளு­மன்ற உறுப்­பி­னர்­களை ரஷ்­யா­விற்கு எதி­ராகத் திருப்ப அமெ­ரிக்கா பத்து பில்­லியன் டொலர்­களைப் பாவித்­த­தா­கவும் தக­வல்கள் வந்­தன. ஆனால் உலகின் தற்­போதுள்ள அரச தலை­வர்­களில் மிகவும் திறமை மிக்­க­வ­ராகக் கரு­தப்­படும் விளா­டிமீர் புட்டின், தனது காய்­களை துரி­த­மா­கவும் தீவி­ர­மா­கவும் நகர்த்­தினார். இதனால் உக்­ரேனின் கேந்­திர முக்­கி­யத்­துவம் வாய்ந்த கிறி­மியா 2014 மார்ச் மாதம் 18ஆம் திகதி ரஷ்­யா­வுடன் இணைக்­கப்­பட்­டது. அத்­துடன் உக்­ரேனின் ரஷ்­யர்கள் பெரும்­பான்­மை­யி­ன­ராக வாழும் கிழக்குப் பிராந்­தி­யத்தில் பெரும் பிரி­வி­னை­வாதக் கிளர்ச்சி உரு­வா­னது. உக்­ரேனில் புட்­டீனின் நட­வ­டிக்­கை­க­ளுக்கு எதி­ராக அமெ­ரிக்­காவும் ஐரோப்­பிய ஒன்­றிய நாடு­களும் மார்ச் மாதம் 6ஆம் திகதி ரஷ்­யா­விற்கு எதி­ராகப் பொரு­ளா­தாரத் தடை­களைக் கொண்­டு­வந்­தன.

அமெ­ரிக்­கா­வுடன் கை கோர்த்த சவூதி அரே­பியா

ரஷ்­யாவை வீழ்த்த உலக எரி­பொருள் விலையை விழச்­செய்யும் அமெ­ரிக்­காவின் நட­வ­டிக்­கை­க­ளுக்கு சவூதி அரே­பி­யாவும் கைகொடுத்­தது. ஸுன்னி முஸ்லிம் நாடான சவூதி அரே­பியா, எரி­பொருள் விலையை விழச் செய்­வதால் ஷியா முஸ்லிம் நாடான ஈரானை வலு­வி­ழக்கச் செய்­யலாம் என உறு­தி­யாக நம்­பி­யது. சவூதி அரே­பி­யாவைப் போலவே மற்ற ஸுன்னி இஸ்­லா­மிய நாடு­களும் தமக்கு மூக்குப் போனாலும் ஈரா­னுக்கு சகுனம் சரி­யில்­லாமல் போனால் சரி என்ற நிலையில் இருக்­கின்­றன. சிரிய உள்­நாட்டுப் போர், லிபி­யாவில் தொடரும் மோதல்கள், ஈராக்கில் உள்­நாட்டுப் போர், ஈரா­னிற்கு எதி­ரான பொரு­ளா­தாரத் தடை ஆகி­ய­வற்­றையும் தாண்டி அமெ­ரிக்­காவும் சவூதி அரே­பி­யாவும் உலக எரி­பொருள் விலையைத் தொடர்ந்து விழ வைத்துக் கொண்­டி­ருக்­கின்­றன. வட அமெ­ரிக்­காவில் கண்­ட­றி­யப்­பட்ட பெரு­ம­ளவு ஷெல் எரி­பொருள் இருப்பும் ஒபெக் நாடு­களின் எரி­பொருள் உற்­பத்தி அதி­க­ரிப்பும், பக்­க­வாட்டில் துளை­யிடும் தொழில்­நுட்ப வளர்ச்­சியும், எரி­பொருள் உற்­பத்தித் துறையில் மேற்­கொண்ட அதி­க­ரித்த முத­லீ­டு­களும் உலக எரி­பொருள் வழங்­களை அதி­க­ரித்துக் கொண்டே போகின்­றன. சீனா, இந்­தியா உட்­படப் பல நாடு­களில் பொரு­ளா­தார வளர்ச்சி வேகங்கள் குறைந்­தமை உலக எரி­பொருள் தேவையைக் குறைத்­தன.

வட துரு­வத்­திற்கு உரிமை கொண்­டாடும் டென்மார்க்

வட துரு­வத்தில் உள்ள பனிப்­பா­றை­க­ளுக்கு அடியில் எரி­பொருள் வளம் இருக்­கலாமென நம்­பப்­ப­டு­கின்­றது. இதனால் வட துரு­வத்தைக் கொண்ட ஆட்டிக் பனிக்­க­டலில் ரஷ்­யா­விற்குப் போட்­டி­யாக டென்­மார்க்கும் கன­டாவும் உரிமை கொண்­டாட்டப் போட்­டியில் இறங்­கி­விட்­டன. 56 இலட்­சம மக்­களைக் கொண்ட டென்மார்க் மக்கள் தொகை அடிப்­ப­டையில் உலகின் மூன்­றா­வது பெரிய நாடான ரஷ்­யா­விற்குப் போட்­டி­யாக இறங்­கி­யுள்­ளது. இதற்கு அமெ­ரிக்கா உட்­பட்ட நேட்டோ நாடு­களின் ஆத­ரவு நிச்­சயம் பின்­பு­ல­மாக இருக்க வேண்டும். ஒன்­பது இலட்­சம் சதுர கிலோ மீற்றர் பனிக்­க­டற்­ப­ரப்பு தன்­னு­டை­யது என டென்மார்க் ஐக்­கிய நாடுகள் சபையில் உரிமை கோரி­யுள்­ளது. இது இன்னும் ஒரு முனையில் ரஷ்­யா­விற்குப் பிரச்­சினை கொடுக்கும் முயற்­சி­யாகக் கரு­தலாம். இதே வேளை, ரஷ்­யாவின் செய்­மதி நாடான கியூ­பா­வுடன் அமெ­ரிக்கா தனது முரண்­பா­டு­களை நீக்கி நட்பை வளர்க்­கவும் முயற்சி செய்­கின்­றது.

ஜேர்­ம­னியைப் பாதிக்கும் ரஷ்யப் பொரு­ளா­தார வீழ்ச்சி

ரஷ்யப் பொரு­ளா­தாரம் உலகின் எட்­டா­வது பெரிய பொரு­ளா­தா­ர­மாகும். ரஷ்­யாவின் பொரு­ளா­தாரம் வீழ்ச்­சி­ய­டையும் போது அத­னுடன் இணைந்து பல நாடு­களின் பொரு­ளா­தா­ரங்­களும் பாதிப்­ப­டையும். ரஷ்­யா­விற்கு பெரு­ம­ளவில் ஏற்­று­மதி செய்யும் ஜெர்­ம­னியின் பொரு­ளா­தாரம் முதலில் பாதிப்­ப­டையுமென எதிர்­பார்க்கப்படு­கின்­றது. ஜெர்­ம­னியப் பொரு­ளா­தாரம் பாதிப்­ப­டையும்போது ஐரோப்­பிய ஒன்­றிய நாடு­களின் பொரு­ளா­தா­ரமும் பாதிப்­ப­டையும். ரஷ்­யாவின் ஏற்­று­ம­தியில் 70 விழுக்­காடு எரி­பொருளாகும். உலக மொத்த உற்­பத்­தியில் ரஷ்­யாவின் உற்­பத்தி மூன்று விழுக்­காட்­டிலும் குறை­வா­னதே.

அசை­யாத புட்­டினின் செல்­வாக்கும் நாடு­க­டந்த அரசும்

1999ஆம் ஆண்டு ரஷ்யா பெரும் நிதி நெருக்­க­டியைச் சந்­தித்­ததால் அப்­போ­தைய ஜனா­தி­பதி பொறிஸ் யெல்ஸ்ரின் பதவி விலக வேண்டி ஏற்­பட்­டது. அதன் பின்னர் பத­விக்கு வந்த புட்டின் ரஷ்­யாவின் பொரு­ளா­தா­ரத்தை வளர்ச்­சிப் ­பா­தையில் இட்டுச் சென்றார். இதை வைத்து உலக அரங்கில் ரஷ்­யாவின் ஆதிக்­கத்­தையும் மீளக் கட்­டி­யெ­ழுப்ப புட்டின் முயல்­கையில், ஐக்­கிய அமெ­ரிக்­கா­வு­டனும் மேற்கு ஐரோப்­பிய நாடு­க­ளு­டனும் ரஷ்­யாவில் ஒரு மோதல் நிலை உரு­வா­னது. உக்­ரேனின் கிறி­மி­யாவை ரஷ்­யா­வுடன் இணைத்­த­தி­லி­ருந்து ரஷ்­யாவில் புட்­டி­னுக்­கான மக்கள் ஆத­ரவு 85 விழுக்­காட்­டிலும் மேலாக அதிகரித்தது. ரஷ்யாவிற்குப் பொருளாதார நெருக்கடிகள் கொடுப்பதன் மூலம் புட்டினின் செல்வாக்கை சரிக்கலாம் என அவரது எதிரிகள் நம்புகின்றனர். புட்டின் மீது அதி­ருப்தி கொண்­ட­வர்கள் உக்ரேன், ஜேர்­ஜியா, மோல்­டோவா ஆகிய நாடு­க­ளிற்குத் தப்பிச் சென்று கொண்­டி­ருக்­கின்­றனர். உக்­ரேனில் ஒரு நாடு கடந்த அரசை இவர்கள் நிறு­வலாமென எதிர்­பார்க்­கப்­ப­டு­கின்­றது. கடந்த பதி­னைந்து வருடங்க­ளாக புட்­டினை எதிர்த்து வரும் ஒல்கா குர்­னொ­சொவா என்னும் பெண் இதற்­கான முன்­னெ­டுப்­புக்­களைச் செய்­வ­தாக நம்­பப்­ப­டு­கின்­றது. இவர் உல­கெங்குமுள்ள புட்டின் எதிர்ப்­பா­ளர்­களை ஒருங்­கி­ணைப்­ப­தாக நம்­பப்­ப­டு­கின்­றது. இவர்­களை அமெ­ரிக்­காவும் மேற்கு ஐரோப்­பிய நாடு­களும் தம் வச­மாக்­கலாம் அல்­லது ஏற்­க­னவே இவர்கள் அவர்கள் வசம் இருந்து செயற்­ப­டலாம். ஆனால் புட்­டினால் இன்னும் ஒன்­றரை ஆண்­டுகள் தாக்குப் பிடிக்க முடியும் எனப் பொரு­ளா­தார நிபு­ணர்கள் நம்­பு­கின்­றனர். ஒல்கா குர்­னொ­சொவா புட்­டினைப் பதவி இறக்கும் வாய்ப்பு 5 விழுக்­காடு மட்டுமே என்கின்றார். புட்டினின் காலை ஒடிக்கும் நிலை அண்மையில் இல்லை.

 வேல் தர்மா

Share |