புதிதாக கண்டுபிடிக்கப்பட்ட கிரகம் – "விஷ்யானந்த்"

 Minor planet 4538 Vishyanand was discovered in Toyota, Aichi Prefecture, Japan, on 10 October 1988, but has remained unnamed for almost 10 years, until now. Photo: HT

செவ்வாய், வியாழன் கிர­கங்­க­ளுக்­கி­டையே புதி­தாக கண்­டு­பி­டிக்­கப்­பட்ட ஒரு சிறிய கிர­கத்­திற்கு “விஷ்­யானந்த்” என பெய­ரி­டப்­பட்­டுள்­ளது.

யார் அந்த “விஷ்­யானந்த்”?



ஜப்­பானை சேர்ந்த கென்சோ சுசுகி என்­பவர் 1988 ஆம் ஆண்டு ஒக்­டோபர் மாதம் 10 ஆம் திகதி சிறிய கிரகம் ஒன்றை செவ்வாய், வியாழன் கிர­கங்­க­ளுக்கு இடையில் கண்­டு­பி­டித்தார்.

எண்­களை வைத்து மட்டும் அழைக்­கப்­பட்டு வந்த அந்தக் கிர­கத்­திற்கு தற்­போது “விஷ்­யானந்த் -4538” என்று பெய­ரி­டப்­பட்­டுள்­ளது. இந்தப் பெயரை தேர்ந்­தெ­டுத்த சிறிய கிர­கங்கள் ஆய்வு மையத்தின் விஞ்­ஞானி மைக்கேல் ருடேன்கோ, பலரின் பெயர்­களை கவ­ன­மாகப் பரி­சீ­லித்த பின்பு தமிழ்­நாட்டின் சிறந்த செஸ் வீரர் விஸ்­வ­நாதன் ஆனந்த் அவரின் பெயரைத் தேர்ந்­தெ­டுத்தார்.

இந்­தி­யாவின் தமிழ்­நாடு மாநி­லத்­தி­லுள்ள மயி­லா­டு­துறை என்ற ஊரில் விஸ்­வ­நாதன் ஐயர் – சுசீலா ஆகிய தம்­ப­தி­யி­ன­ருக்கு ஆனந்த் 1969 ஆம் ஆண்டு டிசம்பர் மாதம் 11ஆம் திகதி மக­னாகப் பிறந்தார். விஸ்­வ­நாதன் ஆனந்­திற்கு சிவக்­குமார் என்ற சகோ­த­ரனும் அனு­ராதா என்ற சகோ­த­ரியும் உள்­ளனர். விஸ்­வ­நாதன் ஆனந்தின் தகப்­பனார் புகை­யி­ரத நிலை­யத்தில் பொது முகா­மை­யா­ள­ராக பணி­யாற்­றினார்.

விஸ்­வ­நாதன் ஆனந்த் தனது ஆரம்பக் கல்­வியை எழும்­பூ­ரி­லுள்ள டொன் பொஸ்கோ பாட­சா­லையில் கற்றார். பின்னர் உயர் கல்வி கற்­ப­தற்­காக லயோலா கல்­லூ­ரியில் சேர்ந்தார். இவர் இளங்­கலைப் படிப்பில் Bcom பட்டம் பெற்றார்.

ஒரு சது­ரங்க சங்­கத்தின் உறுப்­பி­ன­ராக இருந்த தாயார் சுசீலா, தனது மகன் ஆனந்­திற்கு சிறு­வ­ய­தி­லி­ருந்தே சது­ரங்கம் விளை­யாடக் கற்றுக் கொடுத்தார். ஆனந்த், டொல் என்ற சது­ரங்க கிளப்பில் சேர்ந்து மேலும் பயிற்சி பெற்றார். ஆனந்த் தனது பதி­னான்கு வய­தி­லேயே 1983 ஆம் ஆண்டு தேசிய அள­வி­லான சது­ரங்க போட்­டியில் கலந்து சாம்­பியன் பட்டம் பெற்றார்.

ஆனந்த் தனது பதி­னைந்தாம் வயதில் 1984 ஆம் ஆண்டில் International Master விரு­தினைப் பெற்றார். ஆனந்த் தனது பதி­னாறாம் வயதில் 1985 இல் தேசிய அள­வி­லான சது­ரங்கப் போட்­டியில் கலந்து மீண்டும் சாம்­பியன் பட்டம் பெற்றார். ஆனந்த் சிறு­வ­ய­தி­லேயே அதி­வே­க­மாக சது­ரங்க காய்­களை நகர்த்­து­வதால் “மின்னல் சிறுவன்” என்று புக­ழப்­பட்டார்.

விஸ்­வ­நாதன் ஆனந்த் உலக சது­ரங்கப் போட்­டியில் உலக சாம்­பியன் பட்­டத்தை ஐந்து தட­வைகள் (2000, 2007, 2008, 2010, 2012) வெற்றி பெற்று உலக சாதனை படைத்தார். “உலகின் அதி­வேக சது­ரங்க வீரர்” என்ற சிறப்பு பெயரும் பெற்றார்.

விஸ்­வ­நாதன் ஆனந்த் 1996ஆம் ஆண்டு அருணா என்­ப­வரை திரு­மணம் புரிந்தார். ஆனந்த் - அருணா தம்­ப­தி­யி­ன­ருக்கு 2011 ஆம் ஆண்டு ஏப்ரல் ஒன்­ப தாம் திகதி அகில் என்ற ஆண் குழந்தை பிறந்­தது.

விஸ்­வ­நாதன் ஆனந்த் அவர்­க­ளுக்கு 1985இல் “அர்­ஜுனா விருது”, 1987 இல் “பத்­மஸ்ரீ விருது”, “தேசிய குடி­மகன்”, “சோவியத் லேண்ட்," "நேரு விருது”, 1991இல் “ராஜீவ் காந்தி கேல் ரத்னா விருது”, 1992 இல் மீண்டும் “ராஜீவ் காந்தி கேல் ரத்னா விருது”, 1998 இல் பிரித்­தா­னிய சது­ரங்க கூட்­ட ­மைப்பின் “Book of The Year விருது”, 2000இல் “பத்­ம­பூஷன் விருது”, 2007இல் “பத்­ம­வி­பூஷன் விருது”,

”சது­ரங்க ஒஸ்கார் விருது” ஆறு முறை (1997, 1998, 2003, 2004, 2007, 2008) கிடைத்­தது.

விஸ்­வ­நாதன் ஆனந்த் சிறந்த சது­ரங்க வீரர் மட்­டு­மல்ல வானியல் மீது அதிக ஆர்வம் கொண்ட மனிதர் என்­ப­த­னா­லேயே விஞ்­ஞானி மைக்கேல் ருடேன்கோ இவ­ரது பெயரை செவ்வாய், வியாழன் கிர­கங்­க­ளுக்கு இடையே புதி­தாகக் கண்­டு­பி­டிக்­கப்­பட்ட அந்த சிறிய கிர­கத்­திற்கு பெய­ரிட்­ட­தாக தெரி­வித்­துள்ளார்.

ஏற்­க­னவே சிறிய கிர­கங்­க­ளுக்கு கிரிக்கெட் வீரர் டொனால்ட் பிரேட்மன், டென்னிஸ் வீரர் ரோஜர் பெடரர், அமெரிக்க தடகள வீரர் ஜெஸ்ஸி ஓவன் ஆகியோரின் பெயர்கள் சூட்டப்பட்டுள்ளன.

சதுரங்க வரலாற்றில் இந்தியாவின் புகழை இறுதிக் காலம் வரை நிலைநிறுத்திய பெருமை நிச்சயம் விஸ்வநாதன் ஆனந்தையே சேரும் என்பதில் எந்தவித ஐயமும் இல்லை.

Share |