தன்னைத்தானே வீடியோ எடுத்தபடி. யாரோ ஒரு நடிகை தொடக்கம் த்ரிஸா வரை குளித்துப்பார்த்த நம்மவர்களிற்கு, ‘அட நம்மாளு’ என்ற பாணியில் ரகசியமாக வீடியோவை பார்த்துவிட்டு, சமூகவலைத்தளங்களில் அறக்கத்திகளை தூக்கிக் கொண்டு குதித்தார்கள்.
‘குளிப்பது குற்றமா? அதிலும் தன்னைத்தானே படம்பிடித்துக் கொண்டு நிர்வாணமாக குளிப்பது குற்றமா?’ பாணியில் எல்லோரும் கருத்துச் சொன்னார்கள். அதிலும் சமூகவலைத்தளங்களில் கருத்துக்கந்தசாமிகளாக ‘போர்ம்’ ஆனவர்களும் உண்டல்லவா? சாதாரண குப்பனும், சுப்பனும் சொல்வதைப் போல அவர்கள் சொல்லலாமா? முடியாது. ‘பெண்ணுடல் தன்னைத்தானே ரசிப்பது குற்றமா? போர்கோ முதல் போர்ன் வரை பெண்ணுடலை கொண்டாடுகிறார்கள். அஞ்சலை… நீ கொண்டாடு’ பாணியில் கன்னாபின்னாவென தத்துவ ஸ்ரேட்டஸ் போட்டார்கள்.
பின்னர், அந்தரங்கப்படத்தில் இருப்பது நான்தான். மொபைலை திருத்தக் கொடுத்த இடத்தில் திருடிவிட்டார்கள் பாணியில் அந்த நடிகை ஒரு விளக்க வீடியோ கொடுத்ததுடன் அது முடிந்தது.
அதெல்லாம் பழைய கதை.
அதுவரை ஈழத்தில் குறும்படம் என்று ஒன்று இருப்பதையே உலகம் அறிந்திருக்கவில்லை. இதன் பின்னராவது நம்மாட்களும் படம் எடுக்கிறார்கள், கொஞ்ச நடிகைகள் உள்ளனரென்ற செய்தி பரவலானது.
ஒரு நடிகையை இரகசியமாக படம்பிடித்து வெளியிடுவதோ அல்லது நடிகையின் தொலைபேசியை, கமராவை திருடி அந்தரங்கபடங்களை வெளியில் விடுவது கண்டிக்கத்தக்கதே. அதில் எந்த மாற்றுகருத்தும் கிடையாது. அந்த வவுனியா நடிகையின் அந்தரங்க படம் மட்டுமல்ல, இதேநாட்களில் கிட்டத்தட்ட மூன்றுவரையான நடிகைகளின் ஆபாசப்படங்கள் இணையத்தளங்களில் உலாவியது. யாழில் தற்போது தயாராகும் திரைப்படங்கள் சிலவற்றில் நடிப்பவர்கள் அவர்கள்.
அவை அந்தரங்கப்படங்கள் அல்ல. ஆபாசப்படங்கள். இந்தியா உள்ளிட்ட திரைத்துறையில் இப்படியான சம்பவங்களும், காட்சிகளும் சகஜம். எப்படியெனில், ஆண்களின் கட்டுப்பாட்டில் உள்ள திரைத்துறையில் நுழைவதெனில் பெண்கள் பெரிய விட்டுக்கொடுப்புக்களை செய்ய வேண்டியுள்ளது. திரைப்படமொன்றில் நடிப்பதை பணத்திற்காக அல்லது மனத்திருப்தியுடனான இலட்சியமாக கொள்ளும் ஒருபெண் தவிர்க்கவியலாமால் இந்த விட்டுக்கொடுப்புக்களிற்கு தன்னை உட்படுத்துகிறாள்.
இந்தசூழலில் நாம் முன்வைத்து உரையாட வேண்டிய விடயம், பாலியல் இலஞ்சம் பற்றியதே. திரைத்துறையில் பெரிய சாபக்கேடாக உருவாகிய விடயம் இது. பெண்களை அணுகுவது அல்லது பழக்கத்தில் வைத்திருப்பதை உலகமகா காரியம் என்பதையொத்த சமூகஅமைப்பை கொண்ட தமிழ்ச்சூழலில் பாலியல் இலஞ்சம் அதிகரித்த ஒன்றுதான். அதிலும் குறிப்பாக, உடலை காட்சிப்பொருளாக கொள்ளும் துறைகளில் அதிகரித்த அளவில் காணப்படும்.
அதுதான் திரைத்துறைகளில் நடக்கிறது. இந்திய திரைத்துறையில் நடிகையொருவர் கடந்துவரும் பாதை பற்றிய ஏராளம் கதைகள் பதிவாகிவிட்டன.
இப்பொழுது நாம் கவனத்தை குவிப்பது, யாழ் திரைத்துறையில் உருவாகிவரும் இதனையொத்த போக்கின் மீதே. யாழ்த்திரைத்துறையில் இப்படியான போக்கு உருவாகிறதென நாம் சொன்னதும், நிச்சயம் அறக்கத்திகளுடன் பலர் கிளம்பி வரப்போவது சர்வ நிச்சயம். சமூகவலைத்தளங்களில் ‘எங்கள் தவத்தை பாராட்டத்தான் செய்யவில்லை. கொச்சைப்படுத்தாமலாவது இருங்கள்’ என பல மணிரத்தினங்கள் கொதிப்பார்கள் என்பதையும் தெரிந்து கொண்டுதான் இதனை குறிப்பிடுகிறேன். ஏனெனில், நமது திரைத்துறை இப்பொழுதுதான் முளைத்து வருவது. ஆரம்பத்திலேயே களைகளை களைந்துவிட வேண்டியது அவசியம்.
திரைப்படம் எடுப்பதாக கூறிக்கொண்டு களத்தில் உள்ள நமது சில இளைஞர்கள் மீது இந்தவகையான அதிர்ச்சிக்குற்றச்சாட்டுக்கள் உள்ளன. இதுபற்றி ஆழமாக அலசியபோது பெரிய பூதமே வெளிப்பட்டது.
ஏற்கனவே பல படங்களில் நடித்த யாழ்ப்பாண நடிகையொருவர் திரைத்துறையே வேண்டாம் என தலைதெறிக்க ஓடிய சம்பவமும் இதனால் நடந்துள்ளது. தமது படங்களில் நடிப்பதெனில் தமது இஸ்டத்திற்கு நடிகைகள் ஒத்துழைக்க வேண்டுமென அவர்கள் வற்புறுத்துவதாகவும், அதனால் திரைத்துறையை விட்டு ஒதுங்கியதாகவும் அதிர்ச்சி தகவல் வெளியிட்டார். தனது கதையை ஒத்த சம்பவம் நடந்த இன்னொரு பெண் என ஒருவரை அறிமுகம் செய்து வைத்தார்.
அந்த யுவதி நடிகையாக வேண்டுமென்ற ஆர்வமுடையவர். திரைத்துறையின் சூதுவாது அறியாமல் களமிறங்கிவிட்டார். முதல்நாள் யாழ்ப்பாண மணிரத்தினமொருவர் அழைத்து ஆகாயத்தை பார்த்தபடி சீன், லொக்கேசன் எல்லாம் சொல்லியிருக்கிறார். மறுநாளும் அழைத்தார். ‘நான் பிரமச்சாரியம் பூண்டுவிட்டேன்’ என்பதை சொல்லத்தான் அழைத்தார். மூன்றாம்நாள், நாலாம்நாள் போக அந்த யுவதிக்கு வில்லங்க கேஸில் சிக்கியது புரிந்தது. ஐந்தாம்நாள், தன்னும் விடுதியொன்றிற்கு வந்தால்த்தான் நடிக்கலாமென பகிரங்கமாகவே கூறியிருக்கிறார். அந்த யுவதி தெறித்து ஓடிவந்துவிட்டார்.
இவையெல்லாம் திரைப்பானைக்குள் எடுத்த சில பருக்கைகள். ஆரம்பத்திலேயே குறிப்பிட்டதைப் போல, அண்மையில் வெளியான ஈழதிரைத்துறை பெண்களின் ஆபாசப்படங்கள் அனைத்தும் ஆண்களால் எடுக்கப்பட்டவை. திரைத்துறைக்கு நுழைந்தபின், நுழையும் சமயங்களில் எடுக்கப்பட்டவை. திரைத்துறையுடன் தொடர்புகளால் அறிமுகமானவர்களால் எடுக்கப்பட்டவை. இந்த ஒன்றே போதும், நமது திரைத்துறையின் அதிர்ச்சிகரமான மறுபக்கத்தை புரிய வைக்க.
திரைப்படம் எடுக்கிறோம் என கமராவை தோளில் வைத்துக் கொண்டு திரிபவர்கள் அனைவரையுமோ, அல்லது நடிகைகள் அனைவரையுமோ குற்றம்சாட்டுவது நமது நோக்கமல்ல. அப்படி செய்ய முடியாது. அவர்களில் பலர் அர்ப்பணிப்புடன் பணியாற்றுகிறார்கள். எனினும், அதற்குள் உள்ள களைகளையும் அடையாளம் கண்டு அப்புறப்படுத்துவதுதான் ஈழசினிமாவின் ஆரோக்கிய வளர்ச்சிக்கு பயனுள்ளதாக அமையும்.
newjaffna
.jpg)
கருத்துகள் இல்லை:
கருத்துரையிடுக