பிள்ளைகள் என்ன செய்கிறார்கள் என்பதை கவனிப்பதற்கு பெற்றோருக்கு நேரமில்லாமலிருக்கிறது. பெற்றோரின் அசட்டை காரணமாக இன்பங்களை தேடிச் செல்லும் இளசுகள் இறுதியில் சீர்கெட்டுவிடுகின்றனர்.
பெற்றோர் அல்லது பாதுகாவலர்கள் தம் பிள்ளைகளை வேறு நபர்களின் பொறுப்பில் விடுவதும் ஆபத்தாயமைகிறது. இதையொட்டிய சம்பவமொன்று அண்மையில் எட்டன் பிரதேசத்தில் இடம்பெற்றுள்ளது.
மாணவிகள் இருவரை கடத்திச் சென்று அதிலிருந்து இவர்கள் விடுபட்ட பின்னர் கம்பளை பொலிஸ் நிலையத்துக்கு தெரியவந்தது. காலையில் பாடசாலை செல்கையில் வேன் வாகனத்தில் கடத்திச் செல்லப்பட்ட இரு மாணவிகளும் பெற்றோரின் அரவணைப்பின்றி வாழ்பவர்களாவர்.
‘விமலேஸ்வரியும் ‘பாலரன்ஜனா’வும் அட்டன் பிரதேச தமிழ் பாடசாலை ஒன்றில் பத்தாம் ஆண்டு பயிலும் மாணவியர்களாவர். விமலேஸ்வரியின் தந்தை தம்பு பாக்கியநாதனின் மனைவி வெளிநாட்டிலிருந்ததால் இவரது தங்கை தம்பி புஷ்பராணியிடம் வளர்ந்து வந்தார்.
கொட்டகலை வீடமைப்புத் திட்டத்தில் வசித்த விமலேஸ்வரியின் விடயத்தில் பாக்கியநாதன் கவனம் செலுத்தாததினாலேயே இவ்வாறான பிரச்சினை ஏற்பட்டது. தங்கையின் வீட்டிலிருந்து பாடசாலைக்கு சென்ற விமலேஸ்வரி கம்பளை ஆஸ்பத்திரியில் அனுமதிக்கப்பட்டுள்ளதாக தகவல் கிடைத்தது.
வெட்டுக் காயங்களுடனிருக்கும் மகளைப் பார்க்க பாக்கியநாதன் வந்தபோது பொலிஸார் விசாரணை செய்தனர். மகளை பற்றியோ அவரது காதல் விவரங்கள் பற்றியே தனக்கொன்றும் தெரியாதென்று தந்தை கூறினார்.
வெட்டுக் காயங்களுடன் காணப்பட்ட இரு மாணவியரும் பாதையில் அழுதுகொண்டிருப்பதை கண்ட ஊர்வாசியொருவர் பொலிஸ் அவசர பிரிவு 119க்கு தகவல் தெரிவித்து அவரது வீட்டில் இரு மாணவியரையும் தங்க வைத்துள்ளார்.
அங்கு வந்த சார்ஜன்ட் ரணசிங்க இரு மாணவியரையும் ஜீப்பில் எடுத்துச் சென்று கம்பளை ஆதர வைத்தியசாலையில் அனுமதித்துள்ளார். பொலிஸ் குற்ற தடுப்பு பிரிவு அதிகாரிகள் மாணவிகளிடம் நடந்த சம்பவத்தை கேட்டறிந்தனர். மாணவிகள் முதலில் சந்தித்த நபரிடமும் வாக்குமூலம் பெற்றனர்.
‘நாம் அன்று காலை பாடசாலைக்குச் செல்கையில் ஒரு பெண் எங்களிடம் வந்து விலாசமொன்றை கேட்ட மறுகணம் சுயநினைவிழந்து கீழே சாய்ந்தார். உதவிகேட்டு சப்தமிட்டபோது வேன் ஒன்று அருகில் வந்தது. அப்பெண்ணை தூக்கி வாகனத்தினுள்ளிட்டோம்.
அப்போது நாமும் வாகனத்தினுள்ளிருந்தோம். கதவு மூடப்பட்டதும் எங்கள் முகத்தில் கைக்குட்டையை பிடித்தார்கள் என்ன நடந்ததென்று தெரியவில்லை.
வேன் சாரதி தமக்கு தெரியாத பகுதிக்கு எடுத்துச் சென்றதாகவும் பாதையில் பேரூந்தொன்றுக்கு வேன் இடமளிக்க முற்படுகையில் தாம் வேனிலிருந்து பாய்ந்ததாகவும், சாரதியுடன் வாகனத்தினுள் இன்னுமிருவரிருந்ததாகவும் அவ்விருவரும் தம் கைகளை வெட்டியதாகவும் மாணவியர் பொலிஸாரிடம் தெரிவித்தனர். வேனிலிருந்து பாய்ந்த மாணவியர் பாழடைந்த வனப் பகுதி வழியாக கீழ் நோக்கி வந்த போது ஒரு சிறிய கடையைக் கண்டு அங்குவந்து உதவிகேட்டு அழுதுள்ளனர்.
மாணவி விமலேஸ்வரி தங்கியிருந்த தந்தையின் தங்கை புஷ்பராணியிடமும் பொலிஸார் வாக்குமூலம் பெற்றனர். விமலேஸ்வரி கடந்த இரண்டு வருடங்களாக தன் வீட்டிலிருந்து பாடசாலை சென்று திரும்புவதாகவும் அன்று காலை ஆறரை மணியளவில் பாடசாலை செல்ல வெளியேறியதாகவும் மாலை வரை வீடு திரும்பவில்லை என்றும், விமலேஸ்வரி கம்பளை ஆஸ்பத்திரியில் சிகிச்சைக்காக அனுமதிக்கப்பட்டுள்ளதாக அன்றிரவு தொலைபேசியில் அறிவிக்கப்பட்டதாகவும் புஷ்பராணி பொலிஸாரிடம் கூறினார்.
மற்ற மாணவியான ‘பாலரஞ்சனாவின் தாயிடம் வாக்குமூலம் பெறப்பட்டது. கடந்த ஆறு மாதங்களாக மகள், தன் கணவனின் சகோதரனின் மகனின் வீட்டில் தங்கியிருப்பதாகவும் தன் மகள் பாடசாலை செல்லும்போது அவர் பின்னால் ஒரு இளைஞன் வந்து தொந்தரவு செய்வதாகவும் இதையறிந்த பின்னர் மகளின் தங்குமிடத்தை மாற்றியதாகவும் தாய் தெரிவித்தார்.
இச் சம்பவம் பற்றி கம்பளைக்கு பொறுப்பான சிரேஷ்ட பொலிஸ் அத்தியட்சகர் ‘ரொஷான் பெர்னாண்டு’வுக்கு தெரிவிக்கப்பட்டதையடுத்து மாணவிகளிடமிருந்து பெறப்பட்ட தொலைபேசி இலக்கத்தின் மூலம் அவர்களது பெற்றோர் பாதுகாவலர் பொலிஸ் நிலையத்துக்கு அழைக்கப்பட்டு பிள்ளைகளின் பராமரிப்பில் கவனயீனமாகிருந்ததினால் ஏற்பட்ட விளைவையிட்டு அறிவுறுத்தப்பட்டனர். பிள்ளைகளின் விடயத்தில் பெற்றோர் மிகுந்த கவனம் செலுத்த வேண்டுமெனவும் பாடசாலை விடயத்தில் தினமும் பரிசீலனை செய்ய வேண்டுமெனவும் அறிவுறுத்தப்பட்டது.
இவர்களை கடத்தி சென்ற வாகனம் பற்றி முதலில் விரிவான விசாரணையிடம் பெற்றது. பாடசாலை சீருடையுடன் கடத்தப்பட்ட இவர்கள் சென்ற பாதை பொலிஸாரின் அவதானத்துக்குள்ளானது. அங்கு உடையுடனான பையொன்று பொலிஸாரிடம் சிக்கியது.
காயமடைந்துள்ள மாணவிகளிடம் நீண்ட நேர விசாரணையின் பின் கண்டெடுக்கப்பட்ட உடைகள் தங்களுடையது என்பதை ஒப்புக்கொண்டனர். முன்பு கூறுப்பட்ட தகவல்களிலிருந்து இப்போது முரண்பட்டதாயமைகிறது.
‘பாடசாலை மாணவியர்களான இவர்கள் பாடசாலை செல்வதாகக் கூறி இரு இளைஞர்களுடன் பயணத்தை மேற்கொண்டுள்ளனர். இதில் ஒரு மாணவி வீட்டிலிருந்து உடைகளும் கொண்டு வந்துள்ளார்.
அவருடைய காதலனுடன் வேறு எங்காவது செல்வதற்காக காலையிலிருந்து மாலைவரை இவ்விளைஞர்களுடன் காலத்தை கழித்த இவ்விரு மாணவியரும் இரவானதும் வீட்டுக்குச்செல்ல தயங்கி அவர்களாகவே கைகளை வெட்டிக் கொண்டுள்ளனர் என கம்பளை சிரேஷ்ட பொலிஸ் அத்தியட்சகர் கூறினார்.
இச்சம்பவம் சம்பந்தமாக அட்டன் பிரதேசத்துக்கு பொறுப்பான பொலிஸ் அத்தியட்சகரின் தலைமையில் விசாரணை நடைபெற்றது. இவ்விரு மாணவிகளின் காதலர்களை அட்டன் பொலிஸார் கைது செய்து விசாரணை செய்தபோது மாணவிகள் பொலிஸாரிடம் கூறியதனைத்தும் உண்மைக்கு மாறானதென்று தெரியவந்தது. இவர்களை கடத்தி சென்றதாகக் கூறப்படும் சந்தேகத்துக்கிடமான வாகனம் கைப்பற்றப்பட்டதுடன் வாகன சாரதியும சிக்கினார்.
வாகனத்தில் கம்பளை வரை சென்றவர்கள் கம்பளை திரையரங்கொன்றில் திரைப்படம் பார்த்துள்ளனர். இளைஞர்களை சோதனை செய்த போது அவர்களிடமிருந்து கையடக்க தொலைபேசிகள் கைப்பற்றப்பட்டன. அதனுள் பாலுறவுக் காட்சிகள் கொண்ட திரைப்படக் காட்சிகள் உள்ளடக்கியிருந்தது கண்டு பிடிக்கப்பட்டது. காதலர்களில் ஒருவர் அட்டன் பாடசாலை ஒன்றின் உயர்தர வகுப்பு மாணவராவார்.
இரவானதால் இவரது காதலியும் வீடு செல்ல தயங்கியதால் இவர்களது தவறான நடத்தையை மூடி மறைக்க வெட்டுக்காயம், கடத்தல் போன்ற நாடகத்தை நடத்தியுள்ளனரென அட்டன் பொலிஸார் தெரிவித்தனர்.
சந்தேக நபர்கள் அனைவரும் அட்டன் பதில் நீதிவானும் மாஜிஸ்திரேட்டுமான எ. இராமமூர்த்தி முன்னிலையில் ஆஜர் செய்யப்பட்டதையடுத்து மாணவிகளிருவரும் பத்தாயிரம் ரூபா சரீர பிணையில் விடுதலை செய்வதுடன் பெற்றோர்களிடம் இவர்களை ஒப்படைக்குமாறு உத்தரவிட்டார்.
வாகன செலுத்துனர், இரு இளைஞர்கள் ஆகியோரை விளக்கமறியலில் வைக்குமாறு உத்தரவிடப்பட்டது. வாகனச் சாரதியை அடையாளம் காண அடையாள அணிவகுப்பு நடத்தவும் உத்தரவிடப்பட்டது.
பிரதி பொலிஸ் மா அதிபர்களான காமினி நவரத்ன, ஜயந்த கம்மன்பில, எட்டனுக்கு பொறுப்பான பொலிஸ் அத்தியட்சகர் ஆர். எம். டபிள்யு. சுவர்ண சிங்க, ஆகியோரின் மேற்பார்வையில் விசாரணைகள் நடைபெற்ற பின் சந்தேக நபர்கள் நீதிமன்றில் ஆஜர் செய்யப்பட்டனர்.
எம்.எப்.ஜெய்னுலாப்தீன்...
.jpg)
கருத்துகள் இல்லை:
கருத்துரையிடுக