விண்டோஸ் 7 ஆப்பரேட்டிங் சிஸ்டத்திற்குப் பின்னர், தன் தொடு உணர் திரை தொழில் நுட்பத்துடன், விண்டோஸ் 8 சிஸ்டத்தை, மிகுந்த எதிர்பார்ப்புகளுடன் மைக்ரோசாப்ட் அறிமுகப்படுத்தியது. இந்த ஆப்பரேட்டிங் சிஸ்டத்தின் இயக்கமும் வெகு சிறப்பாக இருந்தது. புதிய வகையான ஆப்பரேட்டிங் சிஸ்டம், டெஸ்க்டாப் மற்றும் லேப்டாப் கம்ப்யூட்டர்களில் கிடைத்து பலர் மகிழ்ச்சியுடன் மாறிக் கொண்டனர்.
ஆனால், சில பழகிப்போன விஷயங்கள் இல்லாதது மக்களுக்கு எரிச்சலைத் தந்தது. அவை அவர்களின் கம்ப்யூட்டர் பயன்பாட்டில் மிகவும் ஊறிப்போன வசதிகளாக இருந்தமையால், விண்டோஸ் 8 சிஸ்டம் முழுமையும் மக்களால் ஒதுக்கப்பட்டது. மாறியவர்கள் வேறு வழியில்லாமல், தொடர்ந்து பயன்படுத்தி வந்தனர். அவர்களின் பிரச்னைகளை அறிந்த மைக்ரோசாப்ட் தன் தவறுகளை உணர்ந்து, புதியதாக அறிமுகமான விண்டோஸ் 10 சிஸ்டத்தில், அதற்கான பரிகாரத்தை மேற்கொண்டது. எப்படியும், தன் பயனாளர்களைத் தன் கைகளுக்குள் வைத்துக் கொள்ள வேண்டும் என்ற இலக்குடன் அனைத்து அம்சங்களையும் அலசி, பல வழிகளில் இந்த இலக்கினை அடைய, மைக்ரோசாப்ட், விண்டோஸ் 10 சிஸ்டத்தினை வடிவமைத்து அளித்துள்ளது.
நீங்கள் விண்டோஸ் 8 அல்லது விண்டோஸ் 8.1 பயன்படுத்துபவராக இருந்து, விண்டோஸ் 10க்கு மாறலாமா வேண்டாமா என மதில்மேல் பூனையாக உள்ளீர்களா? இதோ, விண்டோஸ் 10ல் நீக்கப்பட்ட விண்டோஸ் 8 உறுத்தல்களையும், அவற்றின் இடத்தில் இடம் பெற்றுள்ள விண்டோஸ் 10 அம்சங்களையும் இங்கு பார்க்கலாம்.
ஸ்டார்ட் ஸ்கிரீன் இடத்தில் ஸ்டார்ட் மெனு:
விண்டோஸ் 8 சிஸ்டத்தில், மிக மோசமாகப் பயனாளர்களை எரிச்சல் அடைய வைத்தது, சிஸ்டம் இயங்கத் தொடங்கியவுடன், நேராக அதன் Start ஸ்கிரீன் திறக்கப்பட்டு நமக்குக் காட்சி அளித்ததுதான். உங்களிடம் டேப்ளட் பி.சி. அல்லது மொபைல் போன் இருந்தால், இது சரியானது என்ற எண்ணம் ஏற்படும். ஆனால், பாரம்பரியமாக நாம் பயன்படுத்திப் பழகிப் போன, கீ போர்ட் மற்றும் மவுஸ் இணைத்துச் செயல்படுத்தும் பெர்சனல் கம்ப்யூட்டரில் இந்த ஸ்கிரீன் தோற்றம் அந்நியமாக இருந்தது. நம் கைகளைக் கட்டிப் போட்டது போல உணர்வு ஏற்பட்டது. ஏன் என்றால், வழக்கமாக நாம் பயன்படுத்திய ஸ்டார்ட் மெனு அதில் இல்லை. மைக்ரோசாப்ட் இதனை அடுத்து வந்த விண்டோஸ் 8.1 சிஸ்டத்தில் ஒரு மாதிரியாகச் சரிப்படுத்தியது. அப்போது கூட ஸ்டார்ட் மெனு தராமல், ஸ்டார்ட் பட்டனைத் தந்தது. முழு மெனு தரப்படவில்லை. இதனை மக்கள் விரும்பவில்லை என்று மைக்ரோசாப்ட் நிறுவனத்தின் பொறியாளர்களுக்குத் தெரிய வர, விண்டோஸ் 10ல், ஸ்டார்ட் மெனுவினை இணைத்துவிட்டனர். அத்துடன், விண்டோஸ் 8ல் மிகப் பெரிய அளவில் பேசப்பட்ட செயலிகளுக்கான மற்றும் உயிர்த்துடிப்புடன் இயங்கும் டைல்ஸ் கட்டங்களும் தரப்பட்டுள்ளன.
சார்ம்ஸ் பார் (Charms Bar) இடத்தில் ஆக் ஷன் செண்டர் (Action Center):
விண்டோஸ் 8 வெளியானபோது, அதனை வடிவமைத்தவர்கள் தாங்கள் தரும் மிக அருமையான வசதி என்று சார்ம்ஸ் பார் வசதியைக் குறிப்பிட்டனர். இது தொடு உணர் திரை உள்ள சிஸ்டங்களுக்குத் தான் சரியானதாக இருந்தது. டெஸ்க்டாப் கம்ப்யூட்டர் வைத்திருந்தவர்கள், இதனை அவ்வளவாகப் பயன்படுத்துவதே இல்லை. ஆனால், நாம் எதிர்பாராத நேரத்தில், இந்த சார்ம்ஸ் பார் தானாக எழுந்து வந்து இம்சை தருவதாகவே பயனாளர்கள் உணர்ந்தனர். எனவே, இது விண்டோஸ் 10 சிஸ்டத்தில் நீக்கப்பட்டுவிட்டது. அதனிடத்தில் Action Center தரப்பட்டுள்ளது. இங்கு இமெயில், ட்விட்டர், சிஸ்டம் குறித்த அறிவிப்புகள் மற்றும் பிற அப்ளிகேஷன் குறித்த தகவல்கள் கிடைக்கின்றன. இதனை நாம் வேண்டும் என்றால் பார்க்கவும், விரும்பாத நேரத்தில் அழுத்தி வைக்கவும் கீ தரப்பட்டுள்ளது.
இன்டர்நெட் எக்ஸ்புளோரர் இடத்தில் எட்ஜ் பிரவுசர்: விண்டோஸ் 8 சிஸ்டத்தில் இருந்த இன்டர்நெட் எக்ஸ்புளோரரின் இரண்டு பதிப்புகளுக்குப் பதிலாக, மைக்ரோசாப்ட், விண்டோஸ் 10ல், எட்ஜ் பிரவுசரைத் தந்துள்ளது. விண்டோஸ் 8ல் இருந்த ஒரு இன் டர்நெட் எக்ஸ்புளோரர் பதிப்பு தொடு உணர் திரைகளுக்கானது. இன்னொன்று, வழக்கமான டெஸ்க்டாப் கம்ப்யூட்டர் இயக்கத்திற்கானது. ஆனால், இந்த இரு பதிப்புகளின் செயல்பாடு வேடிக்கையாகவும், வினோதமாகவும் இருந்து இயங்கியது.
நாம் இணைய தளத்திற்கான முகவரி லிங்க்கைக் கிளிக் செய்தால், எந்த பதிப்பு அதனை நமக்குத் தரப்போகிறது என்பது தெரியாது. இந்தக் குழப்பமும், பிரவுசர்களும் இருந்த இடத்தில், முற்றிலும் புதிய தொழில் நுட்பத்தில் இயங்கும் எட்ஜ் பிரவுசர் தரப்பட்டுள்ளது. பழைய தொழில் நுட்பத்தில் இயங்கும் இன்டர்நெட் எக்ஸ்புளோரர் பிரவுசர் முற்றிலும் நீக்கப்பட்டுவிட்டது.
எட்ஜ் பிரவுசர் நம் எதிர்பார்ப்புக்கேற்றபடி செயல்படுகிறது. மிக வேகமாகவும் இயங்குகிறது.
நாம் எந்தவிதத்தில் செயல்படப் போகிறோம் என்பதனையும் எதிர்பார்த்து செயல்படுகிறது. இன்னொன்றையும் இங்கு குறிப்பிட வேண்டும். இன்டர்நெட் எக்ஸ்புளோரர் பதிப்பு 11 முழுமையாக நீக்கபப்டவில்லை. அது விண்டோஸ் 10 சிஸ்டத்துடன் தரப்பட்டுள்ளது. உங்களுக்கு அதுதான் வேண்டும் என்றால், எடுத்து செயல்படலாம். ஆனால், மாறா நிலையில் விண்டோஸ் 10 சிஸ்டத்துடன் செயல்படும் பிரவுசர் எட்ஜ் தான்.
முழுத் திரையில் மட்டுமே செயல்படும் விண்டோஸ் அப்ளிகேஷன் புரோகிராம்கள் தற்போது அந்த வசதியை மாற்றிக் கொண்டுள்ளன. செயலிகளின் செயல்பாட்டுத் தோற்றத்தின் விண்டோவின் அளவை எப்படி வேண்டுமானாலும் மாற்றிக் கொள்ளலாம். மாறா நிலையில், விண்டோஸ் 8 சிஸ்டத்தில், அப்ளிகேஷன்கள் முழுத் திரையில் இயக்கப்பட்டன. அவற்றின் தோற்றத்தின் அளவை நாம் விரும்பும் அளவில் வைத்துக் கொள்ள முடியாது. விண்டோஸ் 8.1 வந்த போது, திரையை மினிமைஸ் செய்து கொள்வதற்கும், மூடுவதற்கும் பட்டன் தரப்பட்டது. முழுத் திரைக் காட்சி இந்த இரண்டு நிலைகளை நிர்வகிக்க சிறிது சிக்கலைத் தந்தது.
விண்டோஸ் 10 உடன் இணைந்து தரப்பட்டுள்ள அப்ளிகேஷன்கள் தற்போது Universal apps என அழைக்கப்படுகின்றன. இவற்றின் அளவை மாற்றி அமைக்கலாம்.
அது மட்டுமின்றி, தொடு உணர் திரை இல்லாத பெர்சனல் கம்ப்யூட்டர்களிலும் கூட, மவுஸ் மற்றும் கீ போர்ட் மூலம் இவற்றை மிக எளிதாக இயக்கலாம். வழக்கமாக, டெஸ்க்டாப் திரையில், ஒரு அப்ளிகேஷன் எப்படி இயங்குமோ, அதே போல இயங்குகின்றன.
மேலே காட்டப்பட்டுள்ள சில வசதிகள் தான், விண்டோஸ் 8 சிஸ்டத்தில் நமக்கு எரிச்சலையும், சிக்கலையும் தந்து கொண்டிருந்தன. அவை யாவும் நீக்கப்பட்டு, விண்டோஸ் 10 எளிதான செயல்பாட்டினைத் தரும் அப்ளிகேஷன்களைக் கொண்டுள்ளன. இந்த வடிவமைப்பு, விண்டோஸ் 10 சிஸ்டத்தினை நாம் எந்தவித அச்சமுமின்றி மேற்கொள்ள ஓர் அடிப்படையைத் தருகிறது.
தினமலர்
ஆனால், சில பழகிப்போன விஷயங்கள் இல்லாதது மக்களுக்கு எரிச்சலைத் தந்தது. அவை அவர்களின் கம்ப்யூட்டர் பயன்பாட்டில் மிகவும் ஊறிப்போன வசதிகளாக இருந்தமையால், விண்டோஸ் 8 சிஸ்டம் முழுமையும் மக்களால் ஒதுக்கப்பட்டது. மாறியவர்கள் வேறு வழியில்லாமல், தொடர்ந்து பயன்படுத்தி வந்தனர். அவர்களின் பிரச்னைகளை அறிந்த மைக்ரோசாப்ட் தன் தவறுகளை உணர்ந்து, புதியதாக அறிமுகமான விண்டோஸ் 10 சிஸ்டத்தில், அதற்கான பரிகாரத்தை மேற்கொண்டது. எப்படியும், தன் பயனாளர்களைத் தன் கைகளுக்குள் வைத்துக் கொள்ள வேண்டும் என்ற இலக்குடன் அனைத்து அம்சங்களையும் அலசி, பல வழிகளில் இந்த இலக்கினை அடைய, மைக்ரோசாப்ட், விண்டோஸ் 10 சிஸ்டத்தினை வடிவமைத்து அளித்துள்ளது.
நீங்கள் விண்டோஸ் 8 அல்லது விண்டோஸ் 8.1 பயன்படுத்துபவராக இருந்து, விண்டோஸ் 10க்கு மாறலாமா வேண்டாமா என மதில்மேல் பூனையாக உள்ளீர்களா? இதோ, விண்டோஸ் 10ல் நீக்கப்பட்ட விண்டோஸ் 8 உறுத்தல்களையும், அவற்றின் இடத்தில் இடம் பெற்றுள்ள விண்டோஸ் 10 அம்சங்களையும் இங்கு பார்க்கலாம்.
ஸ்டார்ட் ஸ்கிரீன் இடத்தில் ஸ்டார்ட் மெனு:
விண்டோஸ் 8 சிஸ்டத்தில், மிக மோசமாகப் பயனாளர்களை எரிச்சல் அடைய வைத்தது, சிஸ்டம் இயங்கத் தொடங்கியவுடன், நேராக அதன் Start ஸ்கிரீன் திறக்கப்பட்டு நமக்குக் காட்சி அளித்ததுதான். உங்களிடம் டேப்ளட் பி.சி. அல்லது மொபைல் போன் இருந்தால், இது சரியானது என்ற எண்ணம் ஏற்படும். ஆனால், பாரம்பரியமாக நாம் பயன்படுத்திப் பழகிப் போன, கீ போர்ட் மற்றும் மவுஸ் இணைத்துச் செயல்படுத்தும் பெர்சனல் கம்ப்யூட்டரில் இந்த ஸ்கிரீன் தோற்றம் அந்நியமாக இருந்தது. நம் கைகளைக் கட்டிப் போட்டது போல உணர்வு ஏற்பட்டது. ஏன் என்றால், வழக்கமாக நாம் பயன்படுத்திய ஸ்டார்ட் மெனு அதில் இல்லை. மைக்ரோசாப்ட் இதனை அடுத்து வந்த விண்டோஸ் 8.1 சிஸ்டத்தில் ஒரு மாதிரியாகச் சரிப்படுத்தியது. அப்போது கூட ஸ்டார்ட் மெனு தராமல், ஸ்டார்ட் பட்டனைத் தந்தது. முழு மெனு தரப்படவில்லை. இதனை மக்கள் விரும்பவில்லை என்று மைக்ரோசாப்ட் நிறுவனத்தின் பொறியாளர்களுக்குத் தெரிய வர, விண்டோஸ் 10ல், ஸ்டார்ட் மெனுவினை இணைத்துவிட்டனர். அத்துடன், விண்டோஸ் 8ல் மிகப் பெரிய அளவில் பேசப்பட்ட செயலிகளுக்கான மற்றும் உயிர்த்துடிப்புடன் இயங்கும் டைல்ஸ் கட்டங்களும் தரப்பட்டுள்ளன.
சார்ம்ஸ் பார் (Charms Bar) இடத்தில் ஆக் ஷன் செண்டர் (Action Center):
விண்டோஸ் 8 வெளியானபோது, அதனை வடிவமைத்தவர்கள் தாங்கள் தரும் மிக அருமையான வசதி என்று சார்ம்ஸ் பார் வசதியைக் குறிப்பிட்டனர். இது தொடு உணர் திரை உள்ள சிஸ்டங்களுக்குத் தான் சரியானதாக இருந்தது. டெஸ்க்டாப் கம்ப்யூட்டர் வைத்திருந்தவர்கள், இதனை அவ்வளவாகப் பயன்படுத்துவதே இல்லை. ஆனால், நாம் எதிர்பாராத நேரத்தில், இந்த சார்ம்ஸ் பார் தானாக எழுந்து வந்து இம்சை தருவதாகவே பயனாளர்கள் உணர்ந்தனர். எனவே, இது விண்டோஸ் 10 சிஸ்டத்தில் நீக்கப்பட்டுவிட்டது. அதனிடத்தில் Action Center தரப்பட்டுள்ளது. இங்கு இமெயில், ட்விட்டர், சிஸ்டம் குறித்த அறிவிப்புகள் மற்றும் பிற அப்ளிகேஷன் குறித்த தகவல்கள் கிடைக்கின்றன. இதனை நாம் வேண்டும் என்றால் பார்க்கவும், விரும்பாத நேரத்தில் அழுத்தி வைக்கவும் கீ தரப்பட்டுள்ளது.
இன்டர்நெட் எக்ஸ்புளோரர் இடத்தில் எட்ஜ் பிரவுசர்: விண்டோஸ் 8 சிஸ்டத்தில் இருந்த இன்டர்நெட் எக்ஸ்புளோரரின் இரண்டு பதிப்புகளுக்குப் பதிலாக, மைக்ரோசாப்ட், விண்டோஸ் 10ல், எட்ஜ் பிரவுசரைத் தந்துள்ளது. விண்டோஸ் 8ல் இருந்த ஒரு இன் டர்நெட் எக்ஸ்புளோரர் பதிப்பு தொடு உணர் திரைகளுக்கானது. இன்னொன்று, வழக்கமான டெஸ்க்டாப் கம்ப்யூட்டர் இயக்கத்திற்கானது. ஆனால், இந்த இரு பதிப்புகளின் செயல்பாடு வேடிக்கையாகவும், வினோதமாகவும் இருந்து இயங்கியது.
நாம் இணைய தளத்திற்கான முகவரி லிங்க்கைக் கிளிக் செய்தால், எந்த பதிப்பு அதனை நமக்குத் தரப்போகிறது என்பது தெரியாது. இந்தக் குழப்பமும், பிரவுசர்களும் இருந்த இடத்தில், முற்றிலும் புதிய தொழில் நுட்பத்தில் இயங்கும் எட்ஜ் பிரவுசர் தரப்பட்டுள்ளது. பழைய தொழில் நுட்பத்தில் இயங்கும் இன்டர்நெட் எக்ஸ்புளோரர் பிரவுசர் முற்றிலும் நீக்கப்பட்டுவிட்டது.
எட்ஜ் பிரவுசர் நம் எதிர்பார்ப்புக்கேற்றபடி செயல்படுகிறது. மிக வேகமாகவும் இயங்குகிறது.
நாம் எந்தவிதத்தில் செயல்படப் போகிறோம் என்பதனையும் எதிர்பார்த்து செயல்படுகிறது. இன்னொன்றையும் இங்கு குறிப்பிட வேண்டும். இன்டர்நெட் எக்ஸ்புளோரர் பதிப்பு 11 முழுமையாக நீக்கபப்டவில்லை. அது விண்டோஸ் 10 சிஸ்டத்துடன் தரப்பட்டுள்ளது. உங்களுக்கு அதுதான் வேண்டும் என்றால், எடுத்து செயல்படலாம். ஆனால், மாறா நிலையில் விண்டோஸ் 10 சிஸ்டத்துடன் செயல்படும் பிரவுசர் எட்ஜ் தான்.
முழுத் திரையில் மட்டுமே செயல்படும் விண்டோஸ் அப்ளிகேஷன் புரோகிராம்கள் தற்போது அந்த வசதியை மாற்றிக் கொண்டுள்ளன. செயலிகளின் செயல்பாட்டுத் தோற்றத்தின் விண்டோவின் அளவை எப்படி வேண்டுமானாலும் மாற்றிக் கொள்ளலாம். மாறா நிலையில், விண்டோஸ் 8 சிஸ்டத்தில், அப்ளிகேஷன்கள் முழுத் திரையில் இயக்கப்பட்டன. அவற்றின் தோற்றத்தின் அளவை நாம் விரும்பும் அளவில் வைத்துக் கொள்ள முடியாது. விண்டோஸ் 8.1 வந்த போது, திரையை மினிமைஸ் செய்து கொள்வதற்கும், மூடுவதற்கும் பட்டன் தரப்பட்டது. முழுத் திரைக் காட்சி இந்த இரண்டு நிலைகளை நிர்வகிக்க சிறிது சிக்கலைத் தந்தது.
விண்டோஸ் 10 உடன் இணைந்து தரப்பட்டுள்ள அப்ளிகேஷன்கள் தற்போது Universal apps என அழைக்கப்படுகின்றன. இவற்றின் அளவை மாற்றி அமைக்கலாம்.
அது மட்டுமின்றி, தொடு உணர் திரை இல்லாத பெர்சனல் கம்ப்யூட்டர்களிலும் கூட, மவுஸ் மற்றும் கீ போர்ட் மூலம் இவற்றை மிக எளிதாக இயக்கலாம். வழக்கமாக, டெஸ்க்டாப் திரையில், ஒரு அப்ளிகேஷன் எப்படி இயங்குமோ, அதே போல இயங்குகின்றன.
மேலே காட்டப்பட்டுள்ள சில வசதிகள் தான், விண்டோஸ் 8 சிஸ்டத்தில் நமக்கு எரிச்சலையும், சிக்கலையும் தந்து கொண்டிருந்தன. அவை யாவும் நீக்கப்பட்டு, விண்டோஸ் 10 எளிதான செயல்பாட்டினைத் தரும் அப்ளிகேஷன்களைக் கொண்டுள்ளன. இந்த வடிவமைப்பு, விண்டோஸ் 10 சிஸ்டத்தினை நாம் எந்தவித அச்சமுமின்றி மேற்கொள்ள ஓர் அடிப்படையைத் தருகிறது.
தினமலர்
.jpg)
கருத்துகள் இல்லை:
கருத்துரையிடுக