* ஆண்கள், பெண்கள், குழந்தைகள் கனவுகள் பொதுவானவை. பார்வைக் குறைபாடு கொண்டவர்கள் எந்தக் காட்சியையும் பார்ப்பதில்லை என்றாலும், அவர்களுக்கும் கனவுகள் வருவதுண்டு.
* கனவுகளின் ஆயுள் 5 முதல் 20 நிமிடங்கள் வரைதான். இதுபோல ஒருவர் கனவு காண்பதில் தன் வாழ்நாளில் சராசரியாக 6 ஆண்டுகளைச் செலவழிக்கிறார்.
* 95 சதவீத கனவுகள் தூங்கி எழுந்ததும் மறந்துவிடுகின்றன. எஞ்சியிருக்கும் 5 சதவீத கனவுகளே நினைவில் இருக்கின்றன. செய்திகளை நினைவுத்திறனாக மாற்றும் மூளையின் ஃப்ராண்டல் லோப் என்ற பகுதி ஆழ்ந்து உறங்கும்போது செயற்படுவதில்லை என்பதே காரணம்.
* கனவுகளில் 80 சதவீதம் திரைப் பட பாடல்கள் போல கலர்ஃபுல்லானவை. சிலருக்கு மட்டுமே பாகவதர் காலம்போல கறுப்பு வெள்ளையில் வருகிறதாம்!
இதைத் தெரிந்துகொள்வதற்காக தூங்கி எழுந்தவர்களிடம் ஒரு சார்ட்டில் உள்ள பல்வேறு வண்ணங்களைத் தொடச் சொன்னார்கள். அவர்கள் தங்கள் கனவில் கண்ட வண்ணங்கள் தொடர்பான நிறத்தையே தொட்டிருக்கிறார்கள்.
* வில்லியம் டாம் ஹொஃப் என்ற ஆய்வாளர் ஆண்களின் கனவுகளுக்கும் பெண்களின் கனவுகளுக்கும் நிறைய வித்தி யாசங்கள் உண்டு என்கிறார். பெண்கள் ஆண்களை விட சற்று கூடுதலான நிமிடங்கள் கனவு காண்கிறார்களாம். பெண்களின் கனவுகளில் நிறைய கேரக்டர்கள் வருகிறார்களாம்.
* தூக்கத்தில் நாய்க்குட்டிகள் வாலாட்டினாலோ, கால்களை அசைத்தாலோ அவை கனவு காண்கின்றன என்கிறார்கள் ஆய்வாளர்கள். இதை உறுதியாகச் சொல்ல காரணம், விலங்குகளுக்கும் மனிதர்களைப் போலவே REM மற்றும் NREM என்கிற தூக்கத்தின் நிலை உண்டு என்பதுதான்.
* சில கனவுகள் தெள்ளத்தெளிவாக நினைவிலிருந்தால் நீங்கள் ஆழ்ந்து தூங்கவில்லை என்றே அர்த்தமாம். இதன்மூலம் சுயநினைவோடு ஒரு கனவை வழிநடத்துகிறீர்கள் அல்லது கட்டுப்படுத்துகிறீர்கள் என்கிறார்கள்.
* ஏறக்குறைய 40 ஆண்டுகளாக, 50 ஆயிரம் கல்லூரி மாணவர்களின் கனவை கால்வின் எஸ் ஹால் என்பவர் ஆராய்ந்திருக்கிறார். இதில் பொசிட்டிவான கனவுகளைவிட பதற்றம், எதிர்மறையான எண்ணங்கள்தான் பல மாணவர்களின் கனவுகளாக இருந்திருக்கின்றன.
* பார்வைத்திறன் குறைபாடு கொண்டவர் களுக்கு காட்சிகளாக கனவுகள் விரியாவிட்டாலும் சப்தங்கள், தொடு உணர்வு, சுவை, கேட்பது, வாசனை போன்ற உணர்வுகளின் வடிவத்தில் கனவுகளை உணர்கிறார்கள் என்கிறார் அலன் ஹொப்சன்.
.jpg)
கருத்துகள் இல்லை:
கருத்துரையிடுக