கென்­யா தாக்­கு­தலும் அடக்க முடி­யாத இஸ்­லா­மியத் தீவி­ர­வா­தமும்

இப்­போதும் பல கிராமப் பகு­திகள் அல்-­–ஷபாப் அமைப்பின் கட்­டுப்­பாட்டில் இருக்­கின்­றன. அங்கு இஸ்­லா­மியச் சட்­டங்கள் கடு­மை­யாக நடை­மு­றைப்­ப­டுத்­தப்­ ப­டு­கின்­றன. திரு­டர்­க­ளுக்கு கை வெட்­டுதல் முறை தவறி நடக்கும் பெண்­களைக் கல்லால் அடித்துக் கொல்­லுதல் போன்­றவை அல்-­–ஷ­பாப்பின் கட்­டுப்­பாட்டுப் பிர­தே­சங்­களில் நடப்­ப­தாகச் சொல்­லப்­ப­டு­கின்­றன.

கென்­யாவின் தலை­நகர் நைரோ­பியில் உள்ள வெஸ்ற்கேற் மோல் என்னும் ஆடம்­பர மூன்று மாடிக் கடைத் தொகு­திக்குள் செப்­டம்பர் 21-ஆம் திகதி திவி­ர­வாதக் குழு ஒன்று நுழைந்­தது. அது அங்கு நின்­ற­வர்­களை கண்­ட­ப­டி ­சுட்டுக் கொன்றும் பலரைக் காயப்­ப­டுத்­தியும் பலரைப் பண­யக்­கை­தி­க­ளாகப் பிடித்தும் வைத்­தது. 

அக்­குழு தமது தாக்­கு­தலை ஆரம்­பத்தில் இருந்தே டுவிட்டர் மூலம் வெளி உல­கிற்கு தெரியப்படுத்திக் கொண்டே இருந்­தது.

டுவிட்­டரில் வெளி­வந்த தக­வல்­க­ளின்­படி சோமா­லி­யாவைச் சேர்ந்த இஸ்­லா­மிய தீவி­ர­வாத அமைப்­பான அல்-­–ஷ­பாப்பைச் சேர்ந்த பதி­னைந்து பேர் வெஸ்ற்கேற் மோல் கடைத் தொகு­திக்குள் தாக்­குதல் நடத்­தி­ய­தாக அறிந்து கொள்­ளக்­கூ­டி­ய­தாக இருந்­தது. பலத்­த ­எ­திர்ப்­புக்­களால் அவர்­க­ளது கணக்கை டுவிட்டர் மூட மூட­ அ­வர்கள் வேறு வேறு பெயர்­களில்

கணக்­கு­களைத் தொடங்கி தகவல் பரி­மாற்றம் செய்து கொண்­டி­ருந்­தனர்.

கென்­யாவின் படை­யினர் அல்-­–ஷபாப் போரா­ளி­க­ளுடன் நான்கு நாட்கள் போராடி நிலை­மையை தமது கட்­டுப்­பாட்­டுக்குள் கொண்டு வந்­தனர். எழு­பத்தி இரண்டு பொது­மக்கள் கொல்­லப்­பட்­டனர். இரு நூறு பேர் காய­ம­டைந்­தனர். தொடரும் சுத்­தி­க­ரிப்பு வேலையில் மேலும் இறந்த உடல்கள் அகப்­ப­டலாம் என எதிர்­பார்க்­கப்­ப­டு­கின்­றது. அல்-­–ஷபாப் அமைப்பைச் சேர்ந்த பிரித்­தா­னிய பெண் ஒருவர் கைது செய்­யப்­பட்­ட­தாக கென்யா தெரி­வித்­தது. ஆனால் அல்-­–ஷபாப் அமைப்­பினர் தம்­மிடம் போதிய ஆண் போரா­ளிகள் இருக்­கி­றார்கள் நாம் எமது சகோ­த­ரி­களைப் போரில் ஈடு­ப­டுத்தத் தேவை­யில்லை என டுவிட்­டரில் தெரி­வித்­தனர்.

துல்­லி­ய­மான திட்டம்

வெஸ்ற்கேற் மோல் கடைத் தொகு­தியின் கட்­டட வரைபு அதன் வடி­கா­ல­மைப்பு, காற்று வெளி­யேற்றும் சாள­ரங்கள் ஆகி­ய­வற்றை தாக்­கு­த­லா­ளிகள் முன் கூட்­டியே பெற்­றி­ருந்­தனர். பல வெளி­நாட்­டினர் அடிக்­கடி வரும் கடைத் தொகுதி என்­ற­ப­டியால் நன்கு ஆங்­கிலம் கதைக்கக் கூடிய போரா­ளிகள் தேர்ந்து எடுக்­கப்­பட்­டனர். கடைத் தொகுதி ஊழி­யர்­க­ளுக்கும் காவ­லா­ளி­க­ளுக்கும் இலஞ்சம் கொடுத்து தமது படைக்­க­லன்­களை தாக்­கு­த­லா­ளிகள் இல­கு­வாக உள் எடுத்துச் சென்­றனர். தாக்­குதல் முடிந்த பின்னர் ஒரு தாக்­கு­த­லாளி ஆடையை மாற்றிக் கொண்டு தப்பி விட்டார் எனச் சொல்­லப்­ப­டு­கி­றது.

வெஸ்ற்கேற் மோல் கடைத் தொகு­திக்குள் அமெ­ரிக்கப் படை­யினர்!

உலக வங்­கியின் சட்­ட­வா­ளரும் அமெ­ரிக்க குடி­ம­க­ளு­மான ஹாவார்ட் பல்­க­லைக்­க­ழ­கத்தில் பயின்ற பெண்­டிற்றா மலக்­கியா என்­பவர் தாக்­கு­தலின் போது வெஸ்ற்கேற் மோல் கடைத் தொகு­திக்குள் அகப்­பட்­ட­வர்­களுள் ஒரு­வ­ராவார். அவர் தன்னை அமெ­ரிக்­கர்கள் பாது­காப்­பாக வெளி­யேற்­றி­னார்கள் என்­கிறார். அவர்கள் காவற்­று­றை­யினர் போல் செயற்­பட்­ட­தாக அவர் கூறு­கின்றார். அத்­துடன் உறுதிப்படுத்­தப்­ப­டாத தக­வல்­களின்படி இஸ்­ரே­லியப் படை­யினர் கென்­யாவின் படை­யி­ன­ருக்கு தாக்­கு­தலில் உத­வி­யதாகத் தெரி­விக்­கப்­ப­டு­கி­றது.

என்ன இந்த அல்-­–ஷபாப் அமைப்பு?

ஹரகட் அல்-­–ஷபாப் அல்-­–மு­ஜா­கிதீன் என்னும் பெய­ரு­டைய அமைப்பை சுருக்­க­மாக அல்-­–ஷபாப் என அழைப்பர். அல்-­–ஷபாப் என்றால் இளையோர் எனப் பொருள்­படும். மத ரீதி­யாக அல்-­ஷபாப் அமைப்பு சவுதி அரே­பியாவின் வஹாப் வகை இஸ்லாம் மதத்தை தமது இறை நம்­பிக்­கை­யாகக் கொண்­ட­வர்கள். இதை அல் –கெய்தா அமைப்பின் சோமா­லியக் கிளை எனவும் சொல்­லப்­ப­டு­கி­றது.

யார் இந்த அல்–-­ஷபாப் அமைப்­பினர்?

அல்-­–ஷபாப் அமைப்­பி­னரைப் பற்றி அறிய சோமா­லி­யாவின் சரித்­தி­ரத்தை சிறிது பார்க்க வேண்டும், 19ஆம் நூற்­றாண்டில் இத்­தா­லியும் பிரித்­தா­னி­யாவும் சோமா­லி­யாவைக் கைப்­பற்றி இரு பகு­தி­க­ளாக ஆண்­டு­வந்­தன. சோமா­லி­யாவின் வட­கி­ழக்குப் பிர­தே­சமும் தெற்குப் பிர­தே­சமும் இத்­தா­லிய சோமா­லிய என்றும் அழைக்­கப்­பட்­டன. ஏனைய பிர­தே­சங்கள் பிரித்­தா­னிய சோமா­லியா என்றும் அழைக்­கப்­பட்­டன.

இரண்டாம் உலகப் போரின் போது 1941ஆ-ம் ஆண்டு இத்­தா­லியின் பிர­தே­சங்­களை பிரித்­தா­னி­யாவும் பிரான்ஸும் பிடுங்கிக் கொண்­டன. பிரித்­தா­னி­யா­வி­ட­மி­ருந்து 1960இலும் பிரான்­ஸி­ட­மி­ருந்து 1977இலும் சோமா­லி­யர்கள் விடு­தலை பெற்­றனர். பின்னர் படைத்­து­றை­யினர் ஆட்­சியின் கீழும் சோஷ­லிச ஆட்­சியின் கீழும் சோமா­லியா ஆளப்­பட்­டது. 1979இல் நடந்த ஒகடன் போரில் சோவிய ஒன்­றி­யத்தின் படை­களும் கியூ­பாவின் படை­களும் சோமா­லி­யாவை ஆக்­கி­ர­மித்­தன. 1992இல் ஐக்­கிய நாடுகள் சபையின் படைகள் ஐக்­கிய அமெ­ரிக்­காவின் தலை­மையில் சோமா­லி­யா­விற்குள் நுழைந்­தன.

பின்னர் அமெ­ரிக்கப் படை­க­ளுக்கு எதி­ராக சோமா­லி­யர்கள் போர் புரிந்­தனர். சோமா­லி­யர்­க­ளி­டையே பல கூறு­களும் உரு­வா­கின. பல பிர­தே­சங்கள் இஸ்­லா­மியச் சட்­டப்­படி ஆளப்­பட்­டன. 2006-ஆம் ஆண்டு கென்யா நாட்டுப் படை­களின் தலை­மையில் ஆபி­ரிக்க ஒன்­றிய நாடு­களின் படைகள் சோமா­லி­யா­விற்குள் நுழைந்­தன. 2005-ஆம் ஆண்டு இஸ்­லா­மிய நீதி­மன்­றங்­களின் ஒன்­றியம் என்னும் பெயரில் ஆரம்­பிக்­கப்­பட்ட இஸ்­லா­மிய தீவி­ர­வாத அமைப்பு 2009ஆ-ம் ஆண்டு அல்-­–ஷபாப் ஆக உரு­வெ­டுத்­தது. 2010-ஆம் ஆண்டு சோமா­லி­யாவில் இருந்து எதி­யோப்­பியப் படை­களை அல்-­–ஷபாப் வெற்­றி­க­ர­மாக விரட்டி சோமா­லி­யாவின் பெரும் பகு­தி­களை தனது கட்டுப் பாட்­டுக்குள் கொண்டு வந்­தது.

ஆபி­ரிக்க ஒன்­றி­யமும் அமெ­ரிக்கப் பணமும்.

2011-ஆம் ஆண்டு கென்யா நாட்டுப் படை­களின் தலை­மையில் ஐக்­கிய அமெ­ரிக்­காவின் நிதி உத­வி­யுடன் ஆபி­ரிக்க ஒன்­றியப் படைகள் சோமா­லி­யா­விற்கு நுழைந்­தன. அப்­போது சோமா­லி­யாவின் பெரும் பகு­தியை தமது கட்­டுப்­பாட்­டிற்குள் வைத்­தி­ருந்த அல்-­–ஷபாப் அமைப்­பி­னரை பல இடங்­களில் இருந்து கென்யப் படைகள் விரட்­டினர். அல்-­–ஷ­பாப்பின் கட்­டுப்­பாட்டில் இருந்த துறை­மு­கங்கள் கென்யப் படை­யி­னரால் கைப்­பற்­றப்­பட்­டன.

முக்­கி­ய­மாக கிஸ்­மயோ துறை­மு­கத்தை இழந்­த­மையால் அல்-­–ஷபாப் அமைப்பின் வரு­மானம் பாதிக்­கப்­பட்­டது. இப்­போதும் பல கிராமப் பகு­திகள் அல்-­–ஷபாப் அமைப்பின் கட்­டுப்­பாட்டில் இருக்­கின்­றன. அங்கு இஸ்­லா­மியச் சட்­டங்கள் கடு­மை­யாக நடை­மு­றைப்­ப­டுத்­தப்­ப­டு­கின்­றன. திரு­டர்­க­ளுக்கு கை வெட்­டுதல் முறை தவறி நடக்கும் பெண்­களைக் கல்லால் அடித்துக் கொல்­லுதல் போன்­றவை அல்-­–ஷ­பாப்பின் கட்­டுப்­பாட்டுப் பிர­தே­சங்­களில் நடப்­ப­தாகச் சொல்­லப்­ப­டு­கின்­றன.

கென்யப் படை­யினர் சோமா­லி­யா­விற்கு நுழைந்­ததில் இருந்து அல்-­–ஷபாப் அமைப்­பினர் தாம் கென்யத் தலை­நகர் நைரோ­பியில் இருக்கும் வானளா­விய கட்­ட­டங்­களைத் தாக்­குவோம் என எச்­ச­ரித்துக் கொண்டே இருந்­தனர்..

எதி­யோப்­பி­யாவின் சிலுவைப் போர்

கென்யப் படை­யி­ன­ருடன் கிறிஸ்­த­வர்­களைப் பெரும்­பான்­மை­யி­ன­ராகக் கொண்ட எதி­யோப்­பிய படை­யி­னரும் அல்-­–ஷ­பாப்­பிற்கு எதி­ராகப் போரா­டு­வது இஸ்­லா­மியத் தீவி­ர­வாத அமைப்­புக்­களை பெரிதும் ஆத்­தி­ரப்­ப­டுத்­தி­யி­ருந்­தது.

எதி­யோப்­பியப் படை­யி­னரின் தாக்­கு­தலை ஒரு சிலுவைப் போர் என

அவர்கள் விமர்­சிக்­கின்­றனர்.

பிரித்­தா­னிய வெள்ளை விதவை

வெஸ்ற்கேற் மோல் கடைத் தொகுதி மீது தாக்­குதல் நடத்­தி­ய­வர்­களுள் பிரித்­தா­னி­யாவைச் சேர்ந்த ஒரு வெள்ளை இனப் பெண்ணும் ஈடு­பட்­டி­ருந்­தது மேற்கு நாடு­களில் அதிர்­வ­லை­களை உரு­வாக்­கி­யுள்­ளது.

2005 ஆ-ம் ஆண்டு 7ஆ-ம் திகதி இலண்­டனில் இஸ்­லா­மியத் தீவி­ர­வா­திகள் ஒரு தற்­கொலைக் குண்­டுத்­தாக்­கு­தலை மேற்­கொண்­டி­ருந்­தனர். இது 7/7 தாக்­குதல் என அழைக்­கப்­படும். அந்தத் தற்­கொலைப் போரா­ளி­களில் ஒரு­வரின் மனை­வி­யான சமந்தா லூத்­வெ­யிற் தான் அந்தப் பெண் போராளி என ஆரம்ப நிலை விசா­ர­ணை­களில் இருந்து தெரிய வந்­துள்­ளது. இவர் இஸ்­லா­மிய மதத்­திற்கு மாறி­ய­வ­ராவார்.

7/7 தாக்­கு­தலை அப்­போது பகி­ரங்­க­மாகக் கண்­டித்த சமந்தா தன் கண­வரின் செயல் பற்றி தனக்கு ஏதும் தெரி­யாது என்று ஸ்கொட்லண்ட் யார்ட்­டிடம் தெரி­வித்­தி­ருந்தார். சமந்தா பிரித்­தா­னி­யாவில் இருந்து தென் ஆபி­ரிக்க கட­வுச்­சீட்­டுடன் கென்யா சென்று வசித்து வந்தார்.

2011 ஆ-ம் ஆண்டு இவ­ரது வீட்டில் சோத­னை­யிட்ட கென்­யாவின் காவற்­று­றை­யினர் அங்கு இலண்டன் 7/7 தாக்­கு­தலில் பாவித்த குண்­டு­களை ஒத்த குண்­டு­களைத் தயா­ரிக்கும் பொருட்­களை அங்கு கண்­டெ­டுத்­தனர். ஆனால் சமந்தா அங்கு இருக்­க­வில்லை.

அமெ­ரிக்­காவின் அச்சம்

நைரோ­பிய நகரின் வெஸ்ற்கேற் மோல் ஆடம்­பரக் கடைத் தொகு­தியில் நடந்த தாக்­குதல் அமெ­ரிக்­காவை இரு­வ­கையில் அச்­ச­ம­டைய வைத்­துள்­ளது. ஒன்று ஆப்­கா­னிஸ்­தா­னிலும் யேம­னிலும் இருந்து இஸ்லாமியத் தீவிரவாதிகள் தப்பி ஓடி சோமாலிய அல்-–ஷபாப் அமைப்பில் இணைகிறார்களா என்ற அச்சம்.

இரண்டாவது அமெரிக்காவிலும் ஐரோப்பாவிலும் வாழும் சோமாலியர்கள் சோமாலியா சென்று அல்-–ஷபாப் அமைப்பில் இணைகிறார்கள் என்ற அச்சம். ஆரம்ப நிலைத் தகவல்களின் படி ஒர் பிரித்தானியாப் பெண்ணான சமந்தாவுடன் சோமாலியப் பெண், ஒரு சுவீடன் வாழ் சோமாலியர், இரு அமெரிக்க வாழ் சோமாலியர்கள் நைரோபிய நகர் ஆடம்பரக் கடைத் தொகுதியில் நடந்த தாக்குதலில் ஈடுபட்டிருக்கின்றனர்.

சோமாலியாவின் முக்கிய நகரங்களில் இருந்து விரட்டப்பட்ட அல்-–ஷபாப் வலுவிழந்து விட்டது என்று எதிர்பார்க்கப்பட்ட நிலையில் நைரோபியில் இருக்கும் வெஸ்ற்கேற் மோல் கடைத் தொகுதியில் அல்-–ஷபாப் அமைப்பினர் தாக்குதலை நடாத்தினர். இஸ்லாமியத் தீவிரவாதத்தை மேற்கு நாடுகள் ஒழித்துக் கட்டுவது என்பது இலகுவான காரியமல்ல.

Share |