அத்துடன், கடந்த கால நிகழ்வுகள் சம்பந்தமான தகவல்களையும் சேர்த்து வைக்கும் இடமாக மூளை காணப்படுகிறது. இயற்கை வடிவமைத்த மூளைக்கு நிகரான செயற்கை நுண்ணறிவினை வடிவமைக்கும் முயற்சி யில் அறிவியலாளர்கள் பலகாலமாக ஈடு பட்டுவருகின்றனர். இராணுவ செயற்பாடு களுக்கு செயற்கை நுண்ணறிவினை உபயோகிக்கும் நோக்கில், இது சார்பான ஆய்வுகளுக்குப் பெருமளவிலான நிதி அமெரிக்க அரசினால் வழங்கப்பட்டு, ஆய்வுகள் முன்னெடுக்கப்பட்டு வருகின்றன.
அவ்வாறான ஆய்வுகளில் ஒன்றான, மனிதனது மூளைக்கு சமனான இலத்திரனியல் உள்ளடக்கம் ஒன்றி னைத் தயாரிக்கும் ஐ.பி.எம். (IBM - International Business Machines Corp.) நிறுவனத்தின் முயற்சி கள் குறித்த விபரங்கள் அண்மையில் அமெரிக்காவின் டெக்ஸாஸ் மாநிலத்தின் Dallas என் னுமிடத்தில் இடம்பெற்ற International Joint Conference on Neural Networks கருத்தரங்கில் பிரேரிக்கப்பட்டுள்ளன.
சில ஆண்டுகளுக்கு முன் வெளியான எந்திரன் தமிழ்த் திரைப்படத்தில், கதாநாயகன் ரஜினிகாந்தின் அறிவிய லாளன் பாத்திரம் உருவாக்கும் இயந்திர மனி தன் சுயமாக சிந்தித்து தீர்மானங்கள் எடுப்பதாகச் சித்திரிக்கப்படுகிறது.
அக்குறிப்பிட்ட இயந்திர மனிதன் இயந்திரமாய் சிந்திக்கையில் ஏற்படும் சாதக பாதகங்களையும், மனிதன் போன்று சிந்திக்கும்போது ஏற்படும் விளைவுகளையும், அத்திரைப்படம் கணினி உதவியுடனான அசையுருக்கள் மற்றும் மனிதர்களின் நடிப்புக்களை ஆகியவற்றினை இணைத்துக் காட்சியாகக் காண்பிக்கிறது.
மனிதன் உருவாக்கிய மானிடருக்கு நிகரான நுண்ணறிவுடைய இயந்திர மனிதர்கள், தம்மைத் தாமே படைப்பதும், பல்கிப் பெரு கும் அவை மனித குலத்தினை அழிக்க முற்படுவதுமான கற்பனைக் கதையாக்கங்கள் ஆங்கிலத் திரைப்படங்களில் ஏற்கனவே வெளியாகியுள்ளன. அவ்வாறான கற்பனைகளை நனவாக்கும் முயற்சிகளில் ஒன்றாக ஐ.பி.எம். நிறுவனத்தின் ஆய்வு காணப்படுகிறது. இந்த ஆய்வுத் திட்டத்திற்கு SyNAPSE (Systems of Neuromorphic Adaptive Plastic Scalable Electronics) எனப் பெயரிடப்பட்டுள்ளது.
கணினித் துறையினை நோக்குகையில் அதிக நினைவாற்றல், விரைவான கணிப்புக்கள், துல்லியமான பிரதியாக்கங்கள் என இன்றைய வாழ்வியலுக்கு அதிகம் தேவைப்படும் இயல்புகளை கணினி உள்ளடக்கங்கள் கொண்டிருக்கின்றன.
மூளையின் இயல்புகளை நோக்குகையில், புத்திசாதுரியமான செயற்பாட்டுத்திறன், ஐம்புலன்களில் இருந்து தகவல்களைப் பெற்று ஒருங்கிணைக்கும் திறமை என்றவாறான பல விடயங்களை மூளை தன்னகத்தே கொண்டுள்ளது. இயற்கை வடிவமைத்த மூளையின் அகத்தினுள்ளே அடங்கியுள்ள நுட்பப் பொறிமுறைகள் குறித்து அறிய ஆய்வாளர்கள் அதிக ஆர்வம் கொண்டவர்களாகக் காணப்படுகிறார்கள். இது தொடர்பான ஆய்வுகளின் விபரங்கள் இடை யிடையே செய்தி ஊடகங்களில் வெளியாகுவதை அவதானிக்க லாம்.
உயிரினங்களின் மூளை குறித்த உயிரியல் நுட்பங்களை அறிந்து, அந்நுட்பங்களை கணினி சம்பந்தப்பட்ட அறிவியல் ஊடாக செயற்கையான மூளையினை உருவாக்கும் ஆய்வு முயற்சிகளில் பல திருப்புமுனைகள் ஏற்கனவே எட்டப்பட்டுள்ளன.
ஐ.பி.எம். நிறுவனம் 2006 ஆம் ஆண்டில் எலியொன்றினது மூளையின் 40 சதவீதத்தினை தூண்டிக் காட்டியது. பின்னர் 2007 இல் எலியின் முழு மூளையினையும் தூண்டலுறச் செய்து வெற்றி பெற்றது. மனித மூளையின் மேற்பகுதியின் 1 சதவீதத்தினைத் தூண்ட முடியும் என இந்நிறுவனம் 2009 ஆம் ஆண்டு நிரூபித்தது.
அதிசிறப்புக் கணினிகளைப் பயன்படுத்தி மேற்கொள்ளப்பட்ட இம்முயற்சிகளிலிருந்து மூளையின் நரம்புகளின் செயற்பாடு கள், தகவல் சேமிப்பு மேற்கொள்ளப்படும் ஏற்பாடுகள் மற்றும் நரம்புகளுக்கிடையிலான தகவல் பரிமாற்றங்கள் என்ற விடயங்கள் பெற்றுக்கொள்ளப்பட்டன. இந்த அனுபவங்களிலிருந்து, 20 கனசென்ரிமீற்றர் (20cm3) என்ற சிறிய அளவுடைய இலத்திரனியல் உள்ளடக்கத்தினுள் (chip) மூளையின் திறனை உள்ளடக்க அறிவியலாளர்கள் எண்ணியுள்ளனர்.
இச்சிறிய இலத்திரனியல் உள்ளடக்கத்தினுள் 10 பில்லியன் இலத்திரனியல் செயலிகளும் 100 ட்ரில்லியன் (trillion) அளவிலான தகவல் சேமிப்புப் பொறிமுறைகளும் உள்ளடங்கும் வகையில் அமைக்கப்படவுள்ளது. அத்துடன் இந்த இலத்திரனியல் உள்ளடக்கமானது ஒரு கிலோ வாற் (1 kW) இலும் குறைவான வலுவினை நுகரும் வகையில் அமையத்தக்கதாக வடிவமைக் கப்படவுள்ளது.
இந்த நுட்ப வடிவமைப்பினை, ஐ.பி.எம். நிறுவன சிரேஷ்ட முகாமையாளரும் பிரதான ஆய்வாளருமான கலாநிதி Dharmendra S.Modha மற்றும் Cornell பல் கலைக்கழகப் பேராசிரியர் Rajit Manohar, சுவிட்சர்லாந்து நாட்டின் சூரிச் பல்கலைக் கழக Neuroinformatics நிறுவன ஆய்வா ளர்கள் மற்றும் iniLabs, Ltd என அழைக்கப் படும் ஆய்வக அறிவியலாளர்கள் இணைந்து வடிவமைக்கவுள்ளனர்.
.jpg)
கருத்துகள் இல்லை:
கருத்துரையிடுக