கம்ப்யூட்டர் இயக்கத்தில், குறிப்பாக விண்டோஸ் ஆப்பரேட்டிங் சிஸ்டத்தில் மவுஸ் சாதனத்தின் பயன்பாடு அளப்பரியது. கம்ப்யூட்டருடன் இணைத்துப் பயன்படுத்தும் சாதனங்களில், மிகவும் நுண்மையான, அதிக வசதிகளை தரக்கூடியது மவுஸ்தான். ஆனால், பயனாளர்கள் அனைவரும், மவுஸ் பயன்படுத்திக் கிடைக்கும் அனைத்து வசதிகளையும் பயன்படுத்துகிறார்களா என்பது சந்தேகமே. பெரும்பாலும், புரோகிராம் அல்லது டாகுமெண்ட் ஒன்றைத் திறக்க, காண்டெக்ஸ்ட் மெனு பெற, பைல் தேர்ந்தெடுக்க, பைலைத் தேர்ந்தெடுத்து போல்டர்களில் இழுத்துப் போட என்று சில செயல்பாடுகளுக்கு மட்டுமே பயன்படுத்தி வருகின்றனர். இன்னும் சில நாசூக்கான வேலைகளையும், வேர்ட் புரோகிராமில், டாகுமெண்ட்களில், மவுஸைப் பயன்படுத்தி மேற்கொள்ளலாம். அவற்றில் சிலவற்றை இங்கு பார்க்கலாம்.
