இணையத்தளங்கள் தொடர்பான பல்வேறு செயற்பாடுகளுக்கு பொறுப்பான அமைப்பான Internet Corporation for Assigned Names and Numbers (ICANN) .com, .org என முடிவடையும் இணைய முகவரிகளைப் போல .gay, .islam, .bar, .baby போன்ற சுமார் 1,927 வார்த்தைகளை அறிமுகப்படுத்த உத்தேசித்துள்ளது.
ஆனால் புதிதாக உபயோகப்படுத்தப்படவுள்ள சில வார்த்தைகளுக்கு பல நாடுகள் மற்றும் அமைப்புகள் எதிர்ப்புத் தெரிவித்துள்ளன.
அதில் சவூதி அரேபியா முக்கிய பங்கு வகிக்கின்றது. .gay என்ற வார்த்தை கலாசார சீரழிவுக்கு வழிவகுப்பதுடன் ஓரினச் சேர்க்கையை ஊக்குவிக்குமென எச்சரித்துள்ளது.
இதேவேளை .islam என இணையமுகவரியைப் பயன்படுத்துவது ஏற்றதல்ல எனவும் தனிப்பட்ட அமைப்போ, நபரோ இம்முகவரியைப் பயன்படுத்தும் போது அது மொத்த இஸ்லாமிய சமூகத்தையும் பிரதிபலிப்பதாக அமையும் என சவூதிஅரசு தெரிவிக்கின்றது.
மேலும் .baby போன்ற பெயர்களை ஆபாச இணையத் தளங்கள் பயன்படுத்தும் சாத்தியக்கூறு நிலவுவதாக சவூதி அரசாங்கம் சுட்டிக்காட்டியுள்ளது.
இதைத்தரவிர .shia என்ற வார்த்தைக்கும் சவூதி அரசாங்கம் தனது எதிர்ப்பைக் காட்டியுள்ளது.
கருத்துகள் இல்லை:
கருத்துரையிடுக