உலக துணுக்குகள் 1

சுதந்திரதேவி சிலை - Statue of Liberty

அமெரிக்கா என்றதும் நினைவுக்கு வரும் விஷயம், சுதந்திரதேவி சிலைதன்.பிரான்ஸ் அரசாங்கத்தால் பரிசளிக்கப்பட்டுள்ள இந்த சிலை அமெரிக்கர்களின் பேராதரவுடன் உலக அதிசயங்களின் லிஸ்ட்டில் இடம் பெற வாய்ப்பு உள்ளதாம்.

எகிப்திய பிரமிடுகள் - Egypt pyramids

எகிப்திய மம்மிகளும், பிரமிடுகளும் இந்தப் பட்டியலில் சேர்ந்துள்ளதற்கான காரணத்தை சொல்லத் தேவையில்லை.இப்போதுள்ள உலக அதிசயங்களில் மிகப் பழமையான எகிப்திய பிரமிடுகள், அடுத்த அதிசய லிஸ்டிலும் இடம் பெறத் துடிக்கிறது.


ஓபரா ஹவுஸ் - Opera house

நவீன ஓவியத்தின் மாடலில் சிட்னி நகரில் 1973ல் கட்டப்பட்டது தான் இந்த ஓபரா ஹவுஸ்.தாமரை இதழ்கள் விரிவதைப் போன்றது இதன் வடிவமைப்பு.மிகக் குறுகிய காலகட்டத்திலேயே ஆஸ்திரேயாவின் புகழ்பெற்ற சின்னமாக மாறியது.

ஸ்டோன்ஹென்ச் - Stonehenge

இங்கிலாந்தில் உள்ள அமெஸ்பரி நகரில் கண்டுபிடிக்கப்பட்ட புராதன நகரம் இது.கி.மு. 1600ல் பிரமாண்டமான பாறைகளால் இங்கு சிறு சிறு கோயில்களை போன்ற அமைப்புகள் கட்டப்பட்டுள்ளன.
இவை கோயில்களா அல்லது அப்போது வாழ்ந்த புகழ்மிக்கவர்களின் கல்லறையா என்பது பற்றி ஆராய்ச்சி இன்றும் தொடர்கிறது.

திம்புக்டு - Timbuktu

அரபு உலகத்துக்கும் ஜரோப்பா கண்டத்துக்கும் ஒரு காலத்தில் இணைப்பு பலமாக விளங்கிய நகரம்தான் மாலியின் திம்புக்டு.பாபிலோனின் தொங்கும் தோட்டத்தை நினைவுபடுத்தும் இந்நகரம், ஒரு காலத்தில் உலகின் பணக்கார நகரமாக இருந்ததாம்.

பெட்ரா - Petra

அரேபியா பாலைவனத்துக்கு நடுவே, முதலாம் நூற்றாண்டில் ஜோர்டனில் கட்டப்பட்ட நகரம் தான் பெட்ரா.பிரமாண்டமான சுரங்கங்களும், நாடக அரங்கங்களும் இந்த நகரத்தின் அழகுக்கு பிளஸ்பாயின்ட்.