கண்டியின் கலேவெலவில் கராத்தே பயிற்றுவிப்பாளராக இருந்த இவர், ஜீ.சி.ஈ. சாதரண தரப் பரீட்சையின் பின்னர் இஸ்லாமிய கொள்கைகளில் தீவிர ஈடுபாடு காட்டினார் என்றும் இதனால் பாகிஸ்தானின் சர்வதேச இஸ்லாமிய பல்கலைக்கழகத்தில் இஸ்லாமிய சட்டத்தை கற்று எல்.எல்.பி. பட்டம் பெற்றார் என்றும் கூறப்படுகின்றது.
6 பிள்ளைகளின் தந்தையான இவர் கராத்தே பயிற்சிகளை வழங்குவதற்காக மகரகமவிற்கும் அடிக்கடி செல்பவர் என்றும் கூறப்படுகின்றது. அபூவின் மரணம் குறித்து அவரின் மாணவர்கள் தமது முகநூல் பக்கத்தில் தகவல்களை வெளியிட்டதுடன் அவருக்கு அஞ்சலியும் செலுத்தியுள்ளனர். ஐ.எஸ்.ஐ.எஸ். அமைப்பில் 70 இற்கும் மேற்பட்ட நாடுகளில் இருந்து பலர் இணைந்துள்ளனர்
எனினும் இவரே முதலாவது இலங்கையர் எனக் கூறப்படுகின்றது. இந்த விடயம் குறித்து சி.ஐ.டியினர் விசாரணைகளை தொடங்கியுள்ளனர் என பொலிஸ் பேச்சாளர் ருவான் குணசேகர தெரிவித்தார். இதில் வெளிவிவகார அமைச்சும் அக்கறை செலுத்தியுள்ளதாகத் தெரிவிக்கப்படுகின்றது.
கருத்துகள் இல்லை:
கருத்துரையிடுக