"ஸ்பானர்" ஜெயா: ஸ்பானர் ஜெயா என்பது இவர் நடித்த பிரபலமான டிவி நிகழ்ச்சியாகும். இதுபோக காடிஸ் 3, சுகமான சுமைகள் ஆகியவையும் இவரது பிரபலமான நாடகங்களாகும். மேலும் போர்பிளே, சார்லிஸ் ஆன்ட்டி, ஹங்கிரி பார் ஹோப் ஆகியவற்றிலும் நடித்துள்ளார்.
இன்டர்நெட் பைத்தியமாக ஜெயா: சோஷியல் நெட்வொர்க்கிங் என்ற மேடை நாடகத்தில் இன்டர்நெட் மீது பைத்தியமாக திரியும் பெண் வேடத்தில் சிறப்பாக நடித்திருந்தவர் ஜெயா.
புகழை விரும்பாத ஜெயா: ஜெயாவுடன் பல நாடகங்களில் இணைந்து பணியாற்றியுள்ள கைரில் என்ற நடிகர் - இயக்குநர் கூறுகையில், புகழுக்காக நடிக்க விரும்பாதவர் சுபா ஜெயா. நடிப்பின் மீது அதிக மோகம் கொண்டவர். தனது நடிப்புத் திறமையை சரியாக பயன்படுத்திக் கொண்டவர்.
எல்லோருக்கும் பிடித்த ஜெயா: சுபா ஜெயாவை விரும்பாதவர்களே கிடையாது. அனைவரின் பாசத்தையும் பெற்றவர். தனது வாழ்க்கையில் நிறைய திட்டங்களை வைத்திருந்தார். இப்போது அவர் இல்லை என்பதையே நம்ப முடியவில்லை என்றார்.
ஜெயாவும், அப்பா ஜெயரத்னமும்: 2010ம் ஆண்டு சுபா ஜெயாவும், அவரது தந்தை ஜெயரத்னமும் இணைந்து மரி மெனரி என்ற ரியாலிட்டி ஷோவில் பங்கேற்றனர். அதன் பிறகு நிறைய நாடகங்களில் நடிக்க ஆரம்பித்தார் ஜெயா.
ஜெயாவின் திருமணம்: அதே ஆண்டில் நெதர்லாந்தைச் சேர்ந்த இயக்குநர் கோயஸ் என்பவரைத் திருமணம் செய்து கொண்டார் சுபா ஜெயா.
திரும்பாமலே போன ஜெயா: இதையடுத்து ஜெயா, அவரது கணவர், மகள் ஆகியோர் நெதர்லாந்து பயணித்தனர். அங்கு மாமியார் வீட்டில் மகளோடு சந்தோஷமாக கழித்து விட்டு கணவர், குழந்தையுடன் கோலாலம்பூர் திரும்பியபோதுதான் விமான விபத்தில் சிக்கி மாண்டு போனார் சுபா ஜெயா.
செய்தித்தாளில் பணியாற்றிய ஜெயா: சுபா ஜெயா ஆரம்பத்தில் நியூ ஸ்டிரெயிட் டைம்ஸ் நாளிதழில் காப்பிரைட்டராக பணியாற்றினார். பின்னர் அந்த செய்தித்தாளின் விளம்பரப் பிரிவுக்கு மாறினார்.
தாய்ப்பாலுக்காக குரல் கொடுத்த ஜெயா: திருமணத்திற்குப் பின்னர் தாய்ப்பால் கொடுக்க வேண்டியதன் அவசியம், குழந்தை வளர்ப்பு ஆகியவை தொடர்பான விழிப்புணர்வுப் பிரசாரத்தில் தீவிரமாக ஈடுபட்டார்.
Thatstamil
கருத்துகள் இல்லை:
கருத்துரையிடுக