கறுப்புப் பட்டை அணிந்த ஒரு பழுப்பு நிற சிறிய நாய் ஒன்றின் புகைப்படம் ட்விட்டர் இணைய தளத்தில் பிரசுரிக்கப்பட்டுள்ளது.
'கர்னல்' என்ற பெயர் கொண்ட இந்த நாயை தாங்கள் டிசம்பரில் ஒரு தாக்குதல் நடவடிக்கையின் போது பிடித்ததாக தாலிபான்கள் கூறுகிறார்கள்.
இந்த நாய் மீது ஒரு டார்ச் விளக்கு, சிறிய காமெரா, மற்றும் செய்கோள் உதவியுடன் அது இருக்கும் இடம் காட்டும் கருவி பொருத்தப்பட்டிருந்ததாக தாலிபான்கள் கூறுகிறார்கள்.
இந்த தாக்குதல் நடவடிக்கையில் அமெரிக்க சிறப்புப் படையினர் பயன்படுத்தும் ஆயுதங்கள் கைப்பற்றப்பட்டதாகவும் அவர்கள் இந்த இணைய தளத்தில் பிரசுரித்திருக்கின்றனர்.
இந்த மாவட்டத்தில் மூத்த தாலிபான் தளபதி ஒருவர் இந்த நாயுடன் காணப்பட்டார் என்று சமீப வாரங்களில் செய்திகள் வந்ததாகக் கூறும் பிபிசி செய்தியாளர் ஒருவர், இந்த நாய் இப்போது "போர்க் கைதியாக" மாறிவிட்டது போல தோன்றுவதாகக் கூறுகிறார்.
கருத்துகள் இல்லை:
கருத்துரையிடுக