தலைவலிக்காக மாத்திரை சாப்பிட்ட அவர் பிறகு எழவேயில்லை. அவரது மரணம் குறித்த மர்மம் இன்னும் விலகவில்லை. குறைந்த எண்ணிக்கையிலான படங்களிலேயே அவர் நடித்திருந்தாலும், அவரது புகழ் இன்னும் சண்டைப் பிரியர்கள் மத்தியில் நிலைத்து நிற்கிறது.
இந்நிலையில், இவரைப் போன்ற உருவ ஒற்றுமையுடன் ஆப்கானிஸ்தானில் ஒரு இளைஞர் உள்ளார்.
ஏழைக் குடும்பம்... ஆப்கானிஸ்தானில் வாழும் ஏழை குடும்பத்தைச் சேர்ந்தவர் இந்த அப்பாஸ் அலிஷாடா (20). 10 சகோதர சகோதரிகளூடன் பிறந்த இவர் தனது பேஸ்புக் பக்கத்தில் சிறிய வீடியோ ஒன்றை வெளியிட்டு உள்ளார்.
ஆப்கான் புரூஸ்லீ... அதில், அப்படியே புரூஸ்லீயின் தோற்றத்துடன் காணப்படுகிறார் அப்பாஸ். எனவே இவருக்கு ஆப்கான் புரூஸ்லீ என இணைய தள ரசிகர்கள் பெயரிட்டுள்ளனர்.
சாகசங்கள்... உருவ ஒற்றுமை மட்டுமல்லாது, புரூஸ்லீயைப் போலவே தனது சண்டையிடும் திறமையையும் வளர்த்துக் கொண்டுள்ளார் அப்பாஸ். இந்த வீடியோவில் அவர் புரூஸ்லீ செய்யும் சாகசங்களைச் செய்து காட்டி ஆச்சர்யப்பட வைக்கிறார்.
புரூஸ் ஹசாரா... பேஸ்புக்கில் வெளியிட்டுள்ள தனது வீடியோவுக்கு புரூஸ் ஹசாரா என அப்பாஸ் பெயரிட்டு உள்ளார்.
பயிற்சி... அப்பாஸ் காபூலில் தனித்துவிடப்பட்ட தாருலமான் அரண்மனையில் தினமும் இரண்டு வேளை பயிற்சியில் ஈடுபடுகிறாராம்.
சீன தற்காப்புக் கலை... அப்பாசின் பெற்றோர்களுக்கு சீன தற்காப்பு கலையை பயிற்சி அளிக்கும் வசதி இல்லாததால், அந்தப் பொறுப்பை அவரது பயிற்சியாளர் ஏற்றுக் கொண்டுள்ளார்.
கருத்துகள் இல்லை:
கருத்துரையிடுக