சில முக்கிய ஷார்ட் கட் கீகள்

இன்டர்நெட் எக்ஸ்புளோரர் பிரவுசர் மூலமாகத்தான் பலரும் பிரவுசிங் அனுபத்தைப் பெறுகின்றனர். இதன் இயக்கத்திற்குத் துணை புரிய பல ஷார்ட்கட் கீகள் இருந்தாலும் ஒரு சில குறுக்கு வழிகள் நமக்கு எப்போதும் நினைவில் இருக்க வேண்டும். அவை:

* எப்5 (F5) – பார்த்துக் கொண்டிருக்கும் இணைய தளத்தை மீண்டும் புதுப்பித்துப் பார்க்க

* பேக் ஸ்பேஸ் (Backspace) – சற்று முன் பார்த்த இணையப் பக்கத்தை மீண்டும் பெற

* Alt+Home – பார்த்துக் கொண்டிருக்கும் இணையப் பக்கத்தின் ஹோம் பேஜ் சொல்ல.

* Ctrl+N புதிய பிரவுசர் விண்டோவினைத் திறந்திட.

* F11 இணையப் பக்கத்தினை மானிட்டரின் முழுத் திரையில் பார்த்திடவும் பின் மீண்டும் பிரவுசர் கண்ட்ரோல் பார்களுடன் பார்த்திடவும் இது வழி தருகிறது.

* Ctrl+P – பார்த்துக் கொண்டிருக்கும் முழுப் பக்கத்தினையும் பிரிண்டருக்கு அனுப்புவதற்கான முதல் செயல்பாட்டினை மேற்கொள்கிறது.

* Ctrl+H – நாம் மேற்கொண்ட பிரவுசிங் தளங்களைப் பார்வையிட.

* Ctrl+W அப்போது பார்த்துக் கொண்டிருக்கும் பிரவுசிங் விண்டோவினை மூட.

* Esc – பிரவுசிங் செய்து கொண்டிருக்கும் எந்தப் பக்கத்தின் செயல்பாட்டினையும் நிறுத்த.

* Ctrl+Enter – தளத்தின் பெயரை மட்டும் அடித்த நிலையில் இந்த கீகளைப் பயன்படுத்தினால் முழு முகவரி டைப் தானாக அமைந்திடும். www மற்றும் “.com” பெயருடன் சேர்க்கப்படும்.