அவருக்கு வயது 55. நுரையீரல் பாதிப்பு காரணமாக மருத்துவமனையில் சிகிச்சை பெற்று வந்த அவர், சிகிச்சை பலனின்றி இன்று (28ம்தேதி) இறந்தார்.
தமிழ் சினிமாவில் 350க்கும் மேற்பட்ட படங்களுக்கு இசையமைத்தவர் சந்திரபோஸ். இதில் ஏவி.எம்.மின் தயாரிப்பில் வந்த 12 படங்களும் அடங்கும். 1977ல் தொடங்கிய இவரது இசையுலக வாழ்க்கை கிட்டத்தட்ட 20 ஆண்டுகளுக்கு மேலாக நிலைத்தது. 1978ம் ஆண்டு வெளியான “மச்சானைப் பார்த்தீங்களா” படத்தில் இடம்பெற்ற “மாம்பூவே சிறு மைனாவே” பாடல் சந்திரபோஸ்க்கு நல்ல பெயரை வாங்கிக் கொடுத்தது.
கே.பாலாஜியின் “விடுதலை” படத்தில் சந்திரபோஸின் பரபரப்பாக பேசப்பட்டது. குறிப்பாக “நீலக்குயில்கள் ரெண்டு” பாடல் பெரிய ஹிட். இசை உலகில் சாதித்ததைப் போலவே திரையுலகில் நடிப்பிலும் கால்பதித்த சந்திரபோஸ் லிங்கம் உள்ளிட்ட படங்களில் வில்லனாக நடித்திருக்கிறார். கலைஞர் தொலைக்காட்சியில் ஒளிபரப்பான வைர நெஞ்சம், மெகா சேனலில் ஒளிபரப்பான ஜனனம் உள்ளிட்ட சீரியல்களிலும் நடித்திருக்கிறார்.
கருத்துகள் இல்லை:
கருத்துரையிடுக