Stunned: Doctors couldn't believe the results of the scan
வயிற்றுவலியுடன் சிறுநீரில் குருதி வெளியேறிய நிலையில் மருத்துவமனைக்கு சிகிச்சை பெறுவதற்கு சென்ற திருமணமான 44 வயது நபரொருவர், தான் உண்மையில் ஒரு பெண் என்பதையும் தனக்கு மாதவிலக்கு ஏற்பட்டுள்ளதையும் அறிந்து அதிர்ச்சியடைந்த சம்பவம் சீனாவில் இடம்பெற்றுள்ளது.
Unusual: The man has female reproductive organs
ஸெஜியாங் மாகாணத்திலுள்ள யொங்காங் நகரைச் சேர்ந்த சென் என்ற சுருக்கப் பெயரால் அழைக்கப்படும் மேற்படி நபர், தனது மனைவியுடன் மருத்துவமனைக்கு சென்றபோதே அவரைப் பரிசோதித்த மருத்துவர்கள் இந்த அதிர்ச்சித் தகவலை வெளியிட்டுள்ளனர்.சென்னிற்கு மாதாந்தம் குறிப்பிட்ட காலப்பகுதியில் வயிற்று வலியும் சிறுநீருடன் குருதிப் போக்கும் ஏற்பட்டதுடன் அவரது முகத்திலும் கால்களிலும் வீக்கமும் ஏற்பட்டுள்ளது.
இந்நிலையில் அவரைப் பரிசோதித்த மருத்துவர்கள் அவரது ஆண் பிறப்புறுப்புடன் அவரது உடலில் பெண்களுக்கான முழுமையான இனவிருத்தி உறுப்புகள் விருத்தியடைந்துள்ளதைக் கண்டு அதிர்ச்சியடைந்துள்ளனர்.
அவர் திருமணம் செய்து 10 வருடகாலமாக தனது மனைவியுடன் இயல்பான குடும்ப வாழ்வை நடத்தியுள்ளார்.
இது தொடர்பில் குறிப்பிட்ட மருத்துவமனையின் மருத்துவர்கள் விபரிக்கையில், ஆரம்பத்தில் சென்னின் தோற்றத்தைப் பார்த்து அவர் பெண்ணாக இருப்பார் என தமக்கு சிறிதும் சந்தேகம் ஏற்படவில்லை எனவும், சீரி ஊடுகாட்டும் பரிசோதனை மூலமே அவரது உடலில் கருப்பை விருத்தியடைந்திருப்பது கண்டறியப்பட்டதாகவும் கூறினார்.
அத்துடன் சென்னுக்கு மேற்கொள்ளப்பட்ட மரபணு பரிசோதனையின்போது அவருக்கு ஒரு ஜோடி எக்ஸ்எக்ஸ் பாலியல் நிறமூர்த்தங்கள் இருப்பது கண்டறியப்பட்டுள்ளது. அதன் காரணமாகவே அவருக்கு பெண் இனவிருத்தி உறுப்புகள் விருத்தியடைந்துள்ளதாக தெரிவிக்கப்படுகிறது.
கருத்துகள் இல்லை:
கருத்துரையிடுக