மும்பை வந்து சேர்ந்த ஒபாமா பள்ளிக் குழந்தைகளுடன் தீபாவளி கொண்டாடினார். முதலில் தீபங்களை ஏற்றிய ஒபாமா தம்பதி பின்னர் குழந்தைகளின் கலை நிகழ்ச்சிகளை கண்டு களித்தனர்.
மகாராஷ்டிர மீனவர்களின் நாட்டுப்புறப் பாடலுக்கு குழந்தைகள் 'கோலி' நடனமாடியபோது, ஒபாமாவின் மனைவி மிஷெலும் அவர்களுடன் இணைந்து நடனமாட ஆரம்பித்தார்.
இதைக் கைத் தட்டி ரசித்துக் கொண்டிருந்த ஒபாமாவையும் குழந்தைகள் சிலர் கையைப் பிடித்து இழுத்து நடனமாட அழைக்கவே, சிறிதும் யோசிக்காமல் அவர்களுடன் இணைந்து நடனமாடி அசத்தினார் ஒபாமா.
மும்பை பல்கலைக்கழகத்தில் மாற்றுத் திறனாளிகளுடன் கலந்துரையாடலில் ஈடுபட்ட மிஷெல், ரங் தே பாசந்தி படத்தின் பாடலுக்கு அவர்களுடன் இணைந்து நடனமாடி மகிழ்ந்தது குறிப்பிடத்தக்கது.
கருத்துகள் இல்லை:
கருத்துரையிடுக